ಈ ವೇಳೆ ರೈತ ಮುಖಂಡ ದಶರಥ್ ಮಾತನಾಡಿ, ಅರಣ್ಯ ಅಂಚಿನಲ್ಲಿರುವ ಗ್ರಾಮಗಳಿಗೆ ಮೂಲ ಸೌಕರ್ಯ ವನ್ನು ಒದಗಿಸಬೇಕು. ಹೊರಗನಿಂದ ಆಗಮಿಸಿದ ಒಡೆಯರಪಾಳ್ಯ ದಲ್ಲಿರುವ ಟಿಬೇಟಿನ್ನಿಯರಿಗೆ ರಸ್ತೆ, ನೀರು ಸಕಲ ಸೌಕರ್ಯ ನೀಡಲಾಗಿದೆ. ಆದರೆ, ಇಲ್ಲಿ ಹುಟ್ಟಿದವರಿಗೆ ಇನ್ನೂ ಮೂಲ ಸೌಕರ್ಯ ಸಮರ್ಪಕವಾಗಿ ದೊರೆತಿಲ್ಲ ಎಂದು ದೂರು ನೀಡಿದರು. ಈ ಬಗ್ಗೆ ಕ್ರಮವಹಿಸುವುದಾಗಿ ಆಯೋಗದ ಅಧ್ಯಕ್ಷರು ತಿಳಿಸಿದರು. ರೈತ ಮುಖಂಡ ರಾಮಕೃಷ್ಣ ಎಂಬುವರು ಎಸ್ವಿಕೆ ಬಾಲಕಿಯರ ಕಾಲೇಜಿನಲ್ಲಿ ನೂರಾರು ಸಂಖ್ಯೆಯಲ್ಲಿ ಬಡ ಹೆಣ್ಣು ಮಕ್ಕಳು ಓದುತ್ತಿದ್ದು. ಈ ಕಾಲೇಜಿನಲ್ಲಿಯೇ ಮಹಿಳಾ ಪದವಿ ಕಾಲೇಜು ಆರಂಭಿಸಬೇಕು ಎಂದು ಮನವಿ ಮಾಡಿಕೊಂಡರು. ಕರವೇ ಪದಾಧಿಕಾರಿಗಳು ರಕ್ತ ನಿಧಿ ಕೇಂದ್ರ ತೆರೆತಲು ಮನವಿ ಮಾಡಿಕೊಂಡರು. ಇನ್ನು ನೆರೆದಿದ್ದ ಮಹಿಳೆಯರು ಇತರೆ ಸಂಘಟನೆಗಳ ಮುಖಂಡರು ಅಹವಾಲು ಸಲ್ಲಿಸಿದರು.
