ತನಿಷ್ಕ್ ನೈಸರ್ಗಿಕ ರತ್ನಗಳ ವಿಭಾಗಕ್ಕೆ ರುಕ್ಮಿಣಿ ವಸಂತ್ ರಾಯಭಾರಿ

ವಿಶೇಷವಾಗಿ ಖ್ಯಾತ ನಟಿ ರುಕ್ಮಿಣಿ ವಸಂತ್ ಅವರನ್ನು ತನ್ನ ದಕ್ಷಿಣ ಭಾರತದ ನೂತನ ಪ್ರಚಾರ ಅಭಿಯಾನದ ರಾಯಭಾರಿಯನ್ನಾಗಿ ಸಂಸ್ಥೆ ಘೋಷಿಸಿದ್ದು, ಈ ಮೂಲಕ ದಕ್ಷಿಣದ ಮಾರುಕಟ್ಟೆಯಲ್ಲಿ ತನ್ನ ಸ್ಥಾನವನ್ನು ಮತ್ತಷ್ಟು ಭದ್ರಪಡಿಸಿಕೊಳ್ಳಲಿದೆ. ಸಾಮಾನ್ಯವಾಗಿ ದಕ್ಷಿಣ ಭಾರತದಲ್ಲಿ ರತ್ನಗಳು ಕೇವಲ ಅಲಂಕಾರಕ್ಕಿಂತ ಸೀಮಿತವಾದುದಲ್ಲ, ಅದಕ್ಕೂ ಮಿಗಿಲಾದವುಗಳು. ರತ್ನಗಳು ಸಂಪ್ರದಾಯ, ಅಸ್ಮಿತೆ ಮತ್ತು ದೈನಂದಿನ ಸೊಬಗಿನ ಸಂಕೇತಗಳಾಗಿಯೇ ಪ್ರಸಿದ್ಧಿ ಹೊಂದಿವೆ. ದೇವಸ್ಥಾನದ ಆಭರಣಗಳಿಂದ ಹಿಡಿದು ರೋಮಾಂಚಕ ಸಂಪ್ರದಾಯಗಳವರೆಗೆ, ಬಣ್ಣ ಬಣ್ಣದ ರತ್ನಗಳು ಈ ಪ್ರದೇಶದ ಸೌಂದರ್ಯ ಪ್ರಜ್ಞೆಯಲ್ಲಿ ಆಳವಾಗಿ ಬೆಸೆದುಕೊಂಡಿವೆ. ದಕ್ಷಿಣ ಭಾರತವು ಕೆಂಪು, ಹಸಿರು ಮತ್ತು ಇತರ ಎದ್ದುಕಾಣುವ ರತ್ನಗಳ ಶ್ರೀಮಂತಿಕೆಯನ್ನು ತನ್ನ ಅವಿಭಾಜ್ಯ ಅಂಗವಾಗಿ ಸ್ವೀಕರಿಸಿದೆ. ಅದಕ್ಕೆ ಪೂರಕವಾಗಿ ಇದೀಗ ತನಿಷ್ಕ್‌ ನ ದಕ್ಷಿಣದ ಹೊಸ ರಾಯಭಾರಿಯಾಗಿ ರುಕ್ಮಿಣಿ ವಸಂತ್ ಆಯ್ಕೆಯಾಗಿದ್ದು, ಅವರು ಆಧುನಿಕ ದಕ್ಷಿಣ ಭಾರತೀಯ ಆಭರಣ ಶೈಲಿಯನ್ನು ಪ್ರತಿನಿಧಿಸುತ್ತಾರೆ. ಅತ್ಯಂತ ಘನತೆವೆತ್ತ ಮತ್ತು ಆಧುನಿಕ ಕಾಲದ ಪ್ರತಿನಿಧಿಯಾಗಿರುವ ಅವರು, ವೈಯಕ್ತಿಕತೆ ಮತ್ತು ಸಮಯಾತೀತ ಸೊಗಸನ್ನು ಹೊಂದಿರುವ 'HUES' ಸಂಗ್ರಹದ ಸೊಬಗನ್ನು ಪ್ರತಿಬಿಂಬಿಸುತ್ತಾರೆ.

'HUES' ಸಂಗ್ರಹವು ಈ ಅಕ್ಷಯ ತೃತೀಯ ಸಂದರ್ಭದಲ್ಲಿ ಬಿಡುಗಡೆಯಾಗುತ್ತಿದ್ದು, ಚಿನ್ನವನ್ನು ನೋಡುವ ರೀತಿಯನ್ನೇ ಬದಲಿಸಲಿವೆ. ಈ ಸಂಗ್ರಹವು ಸಾಂಪ್ರದಾಯಿಕ, ಹೂಡಿಕೆ ಆಧಾರಿತ ಖರೀದಿ ಮನಸ್ಥಿತಿಯಿಂದ ಹೊರಬಂದು, ಅಭಿವ್ಯಕ್ತಿಗೊಳಿಸಬಹುದಾದ ಮತ್ತು ಧರಿಸಲು ಯೋಗ್ಯವಾದ ಆಭರಣಗಳತ್ತ ಗಮನ ಹರಿಸಲು ಪ್ರೇರೇಪಿಸುತ್ತದೆ. ನೂತನ 'HUES' ಸಂಗ್ರಹವು ಚಿನ್ನದ ಬಣ್ಣದ ವಿಭಾಗದಲ್ಲಿ ಸಮಕಾಲೀನ ವಿನ್ಯಾಸಗಳಿಗೆ ಹೆಚ್ಚು ಒತ್ತು ನೀಡುತ್ತದೆ. ವಿಶಿಷ್ಟವಾದ ಹಾಗೂ ಕೈಗೆಟುಕುವ ಬೆಲೆಯ ಆಭರಣಗಳನ್ನು ಬಯಸುವವರಿಗಾಗಿ ಇದನ್ನು ರೂಪಿಸಲಾಗಿದ್ದು, ಇದರ ಬೆಲೆ ₹35,000 ರಿಂದ ಪ್ರಾರಂಭವಾಗುತ್ತದೆ. ಕಲಾತ್ಮಕ ರೂಪಗಳು, ಹೊಳೆಯುವ ರತ್ನಗಳು ಮತ್ತು ನಿಖರವಾದ ಕತ್ತರಿಸುವಿಕೆಯ ಮೂಲಕ ಸಂಗ್ರಹದ ಪ್ರತೀ ತುಣುಕನ್ನೂ ಅದ್ದೂರಿಯಾಗಿ ರೂಪಿಸಲಾಗಿದೆ. ಪ್ರತಿ ಆಭರಣವೂ ಬಣ್ಣವನ್ನು ಕೇಂದ್ರಬಿಂದುವಾಗಿಸಿಕೊಂಡಿದ್ದು, ಆಭರಣಗಳನ್ನು ತಮ್ಮ ಮನಸ್ಥಿತಿ, ಶೈಲಿ ಮತ್ತು ಚೈತನ್ಯದ ಪ್ರತಿಬಿಂಬವಾಗಿ ಕಾಣುವ ಮಹಿಳೆಯರಿಗಾಗಿ ಇದನ್ನು ಸಿದ್ಧಪಡಿಸಲಾಗಿದೆ. ನೈಸರ್ಗಿಕ ಬಣ್ಣದ ರತ್ನಗಳ ಮೇಲೆ ಹೊಸ ಗಮನಹರಿಸುವ ಮೂಲಕ, ದಕ್ಷಿಣ ಭಾರತದ ಜನರು ಈಗಾಗಲೇ ಗೌರವಿಸುವ ಈ ವಿಭಾಗದಲ್ಲಿ ತನಿಷ್ಕ್ ತನ್ನ ಅಸ್ತಿತ್ವವನ್ನು ಮತ್ತಷ್ಟು ವಿಸ್ತರಿಸುತ್ತಿದೆ.

ನಯವಾದ, ಕ್ಯಾಬೋಚನ್- ಕಟ್ ಕಲ್ಲುಗಳ ಬಳಕೆಯು ಆಭರಣಗಳಿಗೆ ಒಂದು ಸುಂದರವಾದ ಶಿಲ್ಪಕಲೆಯ ರೂಪ ಮತ್ತು ಹೊಳಪನ್ನು ನೀಡುತ್ತದೆ. ಹಾಗೆಯೇ, ಪದರಗಳಲ್ಲಿನ ಬಣ್ಣಗಳ ಸಂಯೋಜನೆ ಮತ್ತು ಬಂಚ್‌ ಮಾಡುವ ಪ್ರಕ್ರಿಯೆ ಹಾಗೂ ಸ್ಲೈಸಿಂಗ್ ನಂತಹ ತಂತ್ರಜ್ಞಾನಗಳು ಆಭರಣಗಳಿಗೆ ಹೆಚ್ಚಿನ ಸೊಗಸು, ಆಕರ್ಷಕ ವಿನ್ಯಾಸ ಮತ್ತು ಸೊಬಗನ್ನು ನೀಡುತ್ತವೆ. ಇದರ ಫಲವಾಗಿ, ಈ ಆಭರಣಗಳು ಕ್ರಿಯಾಶೀಲವಾಗಿ ಮತ್ತು ವಿಶಿಷ್ಟವಾಗಿ ಆಧುನಿಕವಾಗಿ ಕಂಡುಬರುತ್ತವೆ. ಪಚ್ಚೆ, ಅಮೆಥಿಸ್ಟ್, ಸಿಟ್ರಿನ್, ಟೂರ್ಮಲಿನ್ ಮತ್ತು ಟಾಂಜಾನೈಟ್ ಸೇರಿದಂತೆ ಆಯ್ದ ನೈಸರ್ಗಿಕ ವರ್ಣರಂಜಿತ ರತ್ನಗಳನ್ನು ಇಲ್ಲಿ ಒಟ್ಟುಗೂಡಿಸಲಾಗಿದೆ. ಪ್ರತಿಯೊಂದು ಕಲ್ಲನ್ನು ಪರಿಣಿತರ ಮೂಲಕ ಮೂಲದಿಂದಲೇ ಪಡೆಯಲಾಗಿದ್ದು, ಅವುಗಳ ಅಸಾಧಾರಣ ಬಣ್ಣ, ಸ್ಪಷ್ಟತೆ ಮತ್ತು ನೈಜ ಗುಣಲಕ್ಷಣಗಳಿಗಾಗಿ ಕಠಿಣ ಗುಣಮಟ್ಟದ ಮಾನದಂಡಗಳ ಮೂಲಕ ಆಯ್ಕೆ ಮಾಡಲಾಗಿದೆ. ಇದು ಈ ಸಂಗ್ರಹಕ್ಕೆ ಅಪರೂಪದ ಮತ್ತು ವಿಶ್ವಾಸಾರ್ಹತೆಯ ಭಾವವನ್ನು ನೀಡುವ ಜೊತೆಗೆ, ದೈನಂದಿನ ಬಳಕೆಗೆ ಬೇಕಾದ ಸೌಂದರ್ಯ ಒದಗುವಂತೆ ಮತ್ತು ಬಾಳಿಕೆ ಬರುವಂತೆ ನೋಡಿಕೊಳ್ಳುತ್ತದೆ. ಈ ಶ್ರೇಣಿಯು ವಿಶೇಷ ಸಂದರ್ಭಗಳಿಗಾಗಿ ಭವ್ಯವಾದ ನೆಕ್ ಪೀಸ್ ಹಾಗೂ ಬಳೆಗಳನ್ನು ಒಳಗೊಂಡಿದ್ದು, ಇದರೊಂದಿಗೆ ದೈನಂದಿನ ಸೊಬಗಿಗಾಗಿ ಹಗುರವಾದ ಕಿವಿಯೋಲೆಗಳು, ಉಂಗುರಗಳು ಮತ್ತು ಪೆಂಡೆಂಟ್ ಸೆಟ್‌ ಗಳ ವಿನ್ಯಾಸವನ್ನೂ ಹೊಂದಿದೆ. ಇದು ಚಿನ್ನದ ಶಾಶ್ವತ ಮೌಲ್ಯ ಮತ್ತು ಸಮಕಾಲೀನ ವಿನ್ಯಾಸದ ಸೌಂದರ್ಯವನ್ನು ಒದಗಿಸುವತ ಬಹುಮುಖಿ ಸಂಗ್ರಹವನ್ನು ನೀಡುತ್ತದೆ.

ಈ ಕಥಾನಕದ ಕೇಂದ್ರಬಿಂದುವಾಗಿರುವ ರುಕ್ಮಿಣಿ ವಸಂತ್ ಅವರನ್ನು ಈ ಅಭಿಯಾನದ ರಾಯಭಾರಿಯಾಗಿ ಮತ್ತು ಪ್ರಚಾರ ಅಭಿಯಾನದಲ್ಲಿ ಸಮಕಾಲೀನ ದಕ್ಷಿಣ ಭಾರತೀಯ ಮಹಿಳೆಯ ಸಂಕೇತವಾಗಿ ಪರಿಚಯಿಸಲಾಗುತ್ತಿದೆ. ರುಕ್ಮಿಣಿ ವಸಂತ್ ಮತ್ತು ತನಿಷ್ಕ್ ಜೊತೆಗಿನ ಈ ಸಹಭಾಗಿತ್ವವು, ದೀರ್ಘಕಾಲದ ಸಹಯೋಗದ ಆರಂಭವನ್ನು ಸೂಚಿಸುತ್ತದೆ. ಈ ಒಡನಾಟವು, ಕೇವಲ ಒಂದು ಸೀಸನ್‌ ಗೆ ಸೀಮಿತವಾಗಿರುವುದಿಲ್ಲ ಎಂಬಂತೆ ಬಿಂಬಿಸಲಾಗಿದೆ. ಬದಲಿಗೆ ದೀರ್ಘಕಾಲದ ವರೆಗೂ ಅವರು ಈ ಭಾಗದ ರಾಯಭಾರಿಯಾಗುವ ಸೂಚನೆ ಕಂಡು ಬರುತ್ತಿದೆ. ಆಕರ್ಷಕ ಸೌಂದರ್ಯ ಮತ್ತು ನವೀನ ಆಧುನಿಕ ಮನೋಭಾವ ಹೊಂದಿರುವ ಅವರು, ವೈಯಕ್ತಿಕತೆ ಮತ್ತು ಸಮಯಾತೀತ ಸೊಬಗು ಸಂಗಮಿಸುವ 'HUES' ಸಂಗ್ರಹದ ಸೊಗಸನ್ನು ಪ್ರತಿಬಿಂಬಿಸುತ್ತಾರೆ. ಹಲವು ಆಕರ್ಷಕ ಚಿತ್ರಗಳ ಮೂಲಕ ಈ ಪ್ರಚಾರ ಅಭಿಯಾನವು ಪ್ರಸಾರಗೊಳ್ಳುತ್ತಿದ್ದು, ಈ ಚಿತ್ರಗಳು ರುಕ್ಮಿಣಿ ವಸಂತ್ ಅವರ ಸೌಂದರ್ಯ ಮತ್ತು ಮೃದುತ್ವ ಎರಡನ್ನೂ ಸಂಭ್ರಮಿಸುವ ಕ್ಷಣಗಳನ್ನು ಕಾಣಿಸುತ್ತವೆ. ಪ್ರತೀ ಆಭರಣದ ಬಣ್ಣ ಮತ್ತು ಶಿಲ್ಪಕಲೆಯ ಸೌಂದರ್ಯವನ್ನು ಎತ್ತಿ ತೋರಿಸುವಂತೆ ರೂಪಿಸಲಾದ ಈ ಚಿತ್ರಗಳು ಬಣ್ಣ, ವಿನ್ಯಾಸ ಮತ್ತು ಭಾವನೆಗಳ ಸಮ್ಮಿಲನವಾಗಿ ರೂಪುಗೊಂಡಿವೆ. ರುಕ್ಮಿಣಿ ವಸಂತ್ ಅವರ ಉಪಸ್ಥಿತಿಯು ಈ ಪ್ರಚಾರ ಅಭಿಯಾನಕ್ಕೆ ಪ್ರಬಲವಾದ ಪ್ರಾದೇಶಿಕ ಸ್ಪರ್ಶವನ್ನು ನೀಡಿದ್ದು, ಈ ಅಭಿಯಾನವು ಸಾಂಸ್ಕೃತಿಕ ವಿಶ್ವಾಸಾರ್ಹತೆಯನ್ನು ಹೊಂದಿದೆ ಮತ್ತು ಮುಂದಿನ ಪೀಳಿಗೆಯ ಆಲೋಚನೆಯನ್ನು ಒಳಗೊಂಡಿದೆ. ಅವರ ಮೂಲಕ 'HUES' ಕೇವಲ ಒಂದು ಆಭರಣಗಳ ಸಂಗ್ರಹವಾಗಿ ಉಳಿಯದೆ; ಆಧುನಿಕ ಭಾರತೀಯ ಮಹಿಳೆಯ ಗುರುತಿನ ಪ್ರತಿಬಿಂಬವಾಗಲಿದೆ. ತನ್ನ ಬೇರುಗಳಿಗೆ ಬದ್ಧವಾಗಿರುವ, ಪ್ರಭೆಯುಳ್ಳ ಮತ್ತು ಮುಕ್ತವಾಗಿ ಅಭಿವ್ಯಕ್ತಿಸುವ ಮಹಿಳೆಯ ಸಂಕೇತವಾಗಿ ಇದು ಮೂಡಿಬರಲಿದೆ.

ಟೈಟಾನ್ ಕಂಪನಿ ಲಿಮಿಟೆಡ್‌ ನ ಚೀಫ್ ಮಾರ್ಕೆಟಿಂಗ್ ಆಫೀಸರ್ ಆದ ಶ್ರೀಮತಿ ಪೆಲ್ಕಿ ತ್ಶೆರಿಂಗ್ ಅವರು ಈ ಕುರಿತು ಮಾತನಾಡಿ, “ದಕ್ಷಿಣ ಭಾರತದ ಶ್ರೀಮಂತ ಸೌಂದರ್ಯ ಪರಂಪರೆಯಲ್ಲಿ ಆಳವಾಗಿ ಬೇರೂರಿರುವ ದೃಷ್ಟಿಕೋನವನ್ನು ಹೊಂದಿರುವ ನಾವು ಸ್ಪಷ್ಟವಾದ ಆಧುನಿಕ ದೃಷ್ಟಿಕೋನದ ಮೂಲಕ ಸಮಕಾಲೀನ ಭಾರತೀಯ ಮಹಿಳೆಯರು ನೈಸರ್ಗಿಕ ರತ್ನಗಳನ್ನು ಹೇಗೆ ಬಳಸುತ್ತಾರೆ ಎನ್ನುವುದನ್ನು ಬದಲಿಸುವ ನಿಟ್ಟಿನಲ್ಲಿ ಮುಂದಡಿ ಇಟ್ಟಿದ್ದೇವೆ. ಆಭರಣಗಳು ವೈಯಕ್ತಿಕ ಗುರುತಿನ ಅಂಶವಾಗಿ ಬೆಳವಣಿಗೆ ಹೊಂದುತ್ತಿರುವ ಈ ಕಾಲಘಟ್ಟದಲ್ಲಿ, ರತ್ನಗಳು ತಮ್ಮ ಬಣ್ಣದ ಆಳ ಮತ್ತು ವಿಶಿಷ್ಟತೆಯಿಂದಾಗಿ ಸಹಜವಾದ ಮತ್ತು ಅಭಿವ್ಯಕ್ತ ಮಾಧ್ಯಮವನ್ನು ಒದಗಿಸುತ್ತವೆ. ಎತ್ನೋ ಕಾಂಟೆಂಪರರಿ ಶೈಲಿಯಲ್ಲಿ ವಿನ್ಯಾಸಗೊಳಿಸಲಾದ ನಮ್ಮ ಈ ಮೊದಲ ವಿನೂತನ ರತ್ನಗಳ ಸಂಗ್ರಹವು ಭಾರತೀಯ ಬೇಸಿಗೆಯ ಸಂಭ್ರಮ ಮತ್ತು ಸೊಬಗಿನಿಂದ ಪ್ರೇರಿತಗೊಂಡು ರೂಪುಗೊಂಡಿದೆ. ಈ ಸಂಗ್ರಹವು ಬಣ್ಣಗಳನ್ನು ಸೊಗಸಾಗಿ ಮತ್ತು ಸಂಸ್ಕರಿಸಿದ ರೂಪಗಳಲ್ಲಿ ತೋರಿಸುತ್ತಿದ್ದು, ಇದು ಇಂದಿನ ಮಹಿಳೆ ಆಭರಣಗಳನ್ನು ಧರಿಸುವ ರೀತಿಯನ್ನು ಪ್ರತಿಬಿಂಬಿಸುತ್ತದೆ. ಅಂದರೆ ಯಾವುದೇ ಮುಜುಗರವಿಲ್ಲದೆ, ಲೀಲಾಜಾಲವಾಗಿ ಮತ್ತು ತನ್ನದೇ ಆದ ಶೈಲಿಯಲ್ಲಿ ಮುನ್ನುಗ್ಗುವ ಮಹಿಳೆಯರ ಪ್ರತೀಕವಾಗಿದೆ. ನಮ್ಮ ಆಭರಣಗಳನ್ನು ಯಾರನ್ನು ದೃಷ್ಟಿಯಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸುತ್ತೇವೆಯೋ, ಅಂತಹ ಮಹಿಳೆಯಂತೆಯೇ ಇರುವ ರುಕ್ಮಿಣಿ ವಸಂತ್ ಅವರು ತಮ್ಮ ಸಹಜತೆ, ಆಧುನಿಕತೆ ಮತ್ತು ಬದ್ಧತೆಯ ಮೂಲಕ ಈ ಸಂಗ್ರಹವನ್ನು ಮತ್ತಷ್ಟು ಮಂದಿಗೆ ದಾಟಿಸುತ್ತಾರೆ” ಎಂದು ಹೇಳಿದರು.

ಇದಕ್ಕೆ ಪೂರಕವಾಗಿ ಮಾತನಾಡಿದ ತನಿಷ್ಕ್ ನ ಚೀಫ್ ಡಿಸೈನ್ ಆಫೀಸರ್ ಆದ ಶ್ರೀಮತಿ ಗರಿಮಾ ಮಹೇಶ್ವರಿ ಅವರು, “'HUES' ಸಂಗ್ರಹದ ಮೂಲಕ, ಇತ್ತೀಚಿನ ವರ್ಷಗಳಲ್ಲಿ ಭಾರತದ ಅತ್ಯಂತ ಮಹತ್ವಾಕಾಂಕ್ಷೆಯ ವಿನ್ಯಾಸ- ಚಾಲಿತ ಬಣ್ಣದ ರತ್ನಗಳ ಆಭರಣಗಳ ಸಂಶೋಧನೆಯನ್ನು ನಾವು ಮತ್ತೊಂದು ಹಂತಕ್ಕೆ ಕೊಂಡೊಯ್ದಿದ್ದೇವೆ. ಈ ಸಂಗ್ರಹವು ಭಾರತೀಯ ಬೇಸಿಗೆಯ ಶ್ರೀಮಂತಿಕೆ, ಅಲ್ಲಿನ ಹಚ್ಚ ಹಸಿರಿನ ಭೂದೃಶ್ಯಗಳು ಮತ್ತು ಎದ್ದುಕಾಣುವ ಬಣ್ಣಗಳಿಂದ ಸ್ಫೂರ್ತಿ ಪಡೆದು ರಚಿತಗೊಂಡಿವೆ. ಈ ರತ್ನಗಳನ್ನು ಆಭರಣಗಳಲ್ಲಿ ಶಿಲ್ಪಕಲೆಯ ರೂಪಗಳು ಮತ್ತು ಮೃದುವಾದ ಸಂಯೋಜನೆಗಳ ಮೂಲಕ ಅಳವಡಿಸಲಾಗಿದೆ. ಎಲ್ಲಕ್ಕಿಂತ ಹೆಚ್ಚಾಗಿ ನಾವು ಬಣ್ಣದ ರತ್ನಗಳನ್ನು ಒಂದು ವಿನ್ಯಾಸ- ಚಾಲಿತ ವಿಭಾಗವಾಗಿ ನೋಡಿದ್ದೇವೆ; ಇಲ್ಲಿ ರತ್ನವು ಕೇವಲ ಒಂದು ಅಲಂಕಾರಿಕ ವಸ್ತುವಲ್ಲ, ಬದಲಿಗೆ ಇಡೀ ವಿನ್ಯಾಸದ ಕೇಂದ್ರ ಬಿಂದುವಾಗಿದೆ. ಇದಕ್ಕಾಗಿ ರತ್ನಗಳ ಮಾಪನಾಂಕ ನಿರ್ಣಯ (ಕ್ಯಾಲಿಬರೇಷನ್) ಮತ್ತು ಕಸ್ಟಮ್- ಕಟ್ ಅಭಿವೃದ್ಧಿಯ ತೀವ್ರ ಪ್ರಕ್ರಿಯೆಯ ಅಗತ್ಯವಿತ್ತು, ಈ ಪ್ರಕ್ರಿಯೆಯು ಪ್ರತಿ ಆಭರಣದಲ್ಲಿ ಬಣ್ಣ, ಪ್ರಮಾಣ ಮತ್ತು ಒಟ್ಟಾರೆ ಸಾಮರಸ್ಯದ ನಿಖರತೆಯನ್ನು ಹೆಚ್ಚಿಸುತ್ತದೆ. ಕ್ಯಾಬೋಚನ್ ಕಟ್‌ ಗಳ ಬಳಕೆಯು ಈ ವಿಧಾನವನ್ನು ಮತ್ತಷ್ಟು ಹೆಚ್ಚಿಸುತ್ತಿದ್ದು, ಇದು ರತ್ನಗಳ ನೈಸರ್ಗಿಕ ಸೌಂದರ್ಯ ಮತ್ತು ಆಯಾಮಗಳನ್ನು ಹೊರತರುವಲ್ಲಿ ನಯವಾದ, ಶಿಲ್ಪಕಲೆಯ ಆಳವನ್ನು ನೀಡುತ್ತದೆ. ಇದರ ಫಲಿತಾಂಶವೇ ಈ ಸಂಗ್ರಹ; ಇದು ಸೊಗಸಾಗಿದೆ, ಸಮಕಾಲೀನವಾಗಿದೆ ಮತ್ತು ಆಧುನಿಕ ಭಾರತೀಯ ವಿನ್ಯಾಸದ ಬಗ್ಗೆ ಪ್ರಬಲ ದೃಷ್ಟಿಕೋನವನ್ನಿಟ್ಟುಕೊಂಡು ಸಿದ್ಧಪಡಿಸಲಾಗಿದೆ,” ಎಂದು ಹೇಳಿದರು.

ತನಿಷ್ಕ್ ಸಂಸ್ಥೆಯ ಜೊತೆಗಿನ ಒಡನಾಟದ ಬಗ್ಗೆ ಮಾತನಾಡಿದ ಖ್ಯಾತ ನಟಿ ರುಕ್ಮಿಣಿ ವಸಂತ್ ಅವರು, “ನನಗೆ ನೆನಪಿರುವಂದಿನಿಂದಲೂ ತನಿಷ್ಕ್ ನನ್ನ ಜೀವನದ ಭಾಗವಾಗಿದೆ. ತನಿಷ್ಕ್ ಎಂದರೆ ನನ್ನ ಮನಸ್ಸಲ್ಲಿ ಇದು ಯಾವಾಗಲೂ ನಂಬಿಕೆ, ಕುಶಲತೆ ಮತ್ತು ಸಮಯಾತೀತ ಸೌಂದರ್ಯಯದ ಜೊತೆ ಗುರುತಿಸಿಕೊಂಡಿರುವ ಹೆಸರು. ಈಗ ಅವರ 'HUES' ಅಭಿಯಾನದ ರಾಯಭಾರಿಯಾಗಿ ಅವರ ಜೊತೆ ಆಗಿರುವುದು ನನಗೆ ಬಹಳ ವಿಶೇಷವೆನಿಸುತ್ತಿದೆ. ಈ ಸಂಗ್ರಹದ ಬಗ್ಗೆ ನನಗಿಷ್ಟವಾದ ವಿಷಯವೆಂದರೆ, ಇದು ಸೌಂದರ್ಯದ ಘನತೆಯನ್ನು ಉಳಿಸಿಕೊಂಡೇ ಬಣ್ಣಗಳ ಮೂಲಕ ವೈಯಕ್ತಿಕತೆಯನ್ನು ಸಂಭ್ರಮಿಸುವ ರೀತಿ. ಸೌಂದರ್ಯದ ವೈವಿಧ್ಯಮಯ ಅಭಿವ್ಯಕ್ತಿಗಳನ್ನು ಇಷ್ಟು ಸುಂದರವಾಗಿ ಒಟ್ಟುಗೂಡಿಸುವ ಈ ಅಭಿಯಾನದ ಭಾಗವಾಗಿರುವುದು ನನಗೆ ಸಂದ ಗೌರವ ಆಗಿದೆ,” ಎಂದು ಹೇಳಿದರು.

₹35,000* ರಿಂದ ಆರಂಭವಾಗುವ ಈ ಸಂಗ್ರಹವು, ವಿಶೇಷ ಸಮಾರಂಭಗಳು ಮತ್ತು ದೈನಂದಿನ ಬಳಕೆ ಎರಡಕ್ಕೂ ಒಪ್ಪುವಂತಹ ವೈವಿಧ್ಯಮಯ ಆಭರಣ ಸಂಗ್ರಹವನ್ನು ಒಳಗೊಂಡಿದೆ. ಅಕ್ಷಯ ತೃತೀಯದ ಸಂದರ್ಭದಲ್ಲಿ, ತನಿಷ್ಕ್ ವಿಶೇಷ ಹಬ್ಬದ ಕೊಡುಗೆಗಳನ್ನು ನೀಡುತ್ತಿದ್ದು, ಆಭರಣಗಳ ತಯಾರಿಕಾ ವೆಚ್ಚದ (ಮೇಕಿಂಗ್ ಚಾರ್ಜ್) ಮೇಲೆ 20% ವರೆಗೆ ರಿಯಾಯಿತಿ* ಮತ್ತು ಪ್ರತಿ ಗ್ರಾಂ ಚಿನ್ನದ ಆಭರಣ ಖರೀದಿಯ ಮೇಲೆ ನೇರ ₹201 ರಿಯಾಯಿತಿ* ಇರಲಿದೆ. ಇದರೊಂದಿಗೆ, ಗ್ರಾಹಕರು 'ಎಕ್ಸ್ಚೇಂಜ್ ಹಬ್ಬದ' ಪ್ರಯೋಜನವನ್ನೂ ಪಡೆಯಬಹುದು. ಇದು ಹಳೆಯ ಚಿನ್ನವನ್ನು ಬದಲಾಯಿಸಿ, ಅರ್ಥಪೂರ್ಣವಾದ ಮತ್ತು ನಿತ್ಯ ಧರಿಸಬಹುದಾದ ಹೊಸ ಆಭರಣಗಳನ್ನು ಖರೀದಿಸಲು ಅತ್ಯಂತ ಸೂಕ್ತವಾದ ಸಮಯವಾಗಿದೆ.