ಮೈಸೂರು: ‘ಕುಸಿದ ಬೇಡಿಕೆ’ ತರಕಾರಿ ಬೆಲೆ ಕುಸಿತ

ಜಿಲ್ಲೆಯಲ್ಲಿ ರೈತರು ಹೆಚ್ಚಿನ ಪ್ರಮಾಣದಲ್ಲಿ ತರಕಾರಿ ಬೆಳೆಯುತ್ತಾರೆ. ಜಿಲ್ಲೆಯಲ್ಲಿ ಬೆಳೆಯುವ ತರಕಾರಿ ಕೇವಲ ಜಿಲ್ಲೆಯ ಜನರು ಖರೀದಿಸುವುದು ಮಾತ್ರವಲ್ಲದೆ ಕೊಡಗು, ದಕ್ಷಿಣ ಕನ್ನಡ ಜಿಲ್ಲೆ ಹಾಗೂ ಕೇರಳ ರಾಜ್ಯಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಪೂರೈಕೆಯಾಗುತ್ತದೆ. ಆದರೆ, ಇರಾನ್ ಮೇಲೆ ಅಮೆರಿಕ ಮತ್ತು ಇಸ್ರೇಲ್ ಯುದ್ಧ ನಡೆಸುತ್ತಿರುವ ಹಿನ್ನೆಲೆಯಲ್ಲಿ ಗ್ಯಾಸ್ ಪೂರೈಕೆಯಲ್ಲಿ ದೊಡ್ಡ ಪ್ರಮಾಣದ ವ್ಯತ್ಯಯ ಉಂಟಾಗಿದೆ. ಹೀಗಾಗಿ ಜಿಲ್ಲೆಯಲ್ಲಿ ವಾಣಿಜ್ಯ ಬಳಕೆಯ ಗ್ಯಾಸ್‌ಸಿಲಿಂಡರ್ ಪೂರೈಕೆಯನ್ನು ಸಂಪೂರ್ಣ ಸ್ಥಗಿತಗೊಳಿಸಲಾಗಿದೆ.

ಸಿಲಿಂಡರ್ ದೊರೆಯದ ಹಿನ್ನೆಲೆಯಲ್ಲಿ ಸಾಕಷ್ಟು ಹೋಟೆಲ್‌ಗಳು ಹಾಗೂ ರಸ್ತೆ ಬದಿ ವ್ಯಾಪಾರಿಗಳು ತರಕಾರಿಯ ಬಳಕೆ ಪ್ರಮಾಣ ವನ್ನು ಕಡಿಮೆ ಮಾಡಿದ್ದಾರೆ. ಹೀಗಾಗಿ ಜಿಲ್ಲೆಯಲ್ಲಿ ತರಕಾರಿಗೆ ಬೇಡಿಕೆ ಕುಸಿದಿರುವ ಹಿನ್ನೆಲೆಯಲ್ಲಿ ಬೆಲೆ ಕುಸಿತ ಕಾಣಲು ಪ್ರಾರಂಭವಾಗಿದೆ. ಜಿಲ್ಲೆಯ ರೈತರು ಉತ್ತಮ ಬೆಲೆ ದೊರೆಯುವ ನಿರೀಕ್ಷೆಯಲ್ಲಿ ತರಕಾರಿ ಬೆಳೆಗಳನ್ನು ಬೆಳೆದಿದ್ದರು. ಆದರೆ, ಇದೀಗ ತರಕಾರಿಯ ಬೇಡಿಕೆ ಕುಸಿದಿರುವ ಹಿನ್ನೆಲೆಯಲ್ಲಿ ರೈತರು ನಷ್ಟ ಅನುಭವಿಸುವ ಪರಿಸ್ಥಿತಿ ನಿರ್ಮಾಣವಾಗಿದೆ.

ಮಾ.10 ರಂದು ಬೀನ್ಸ್-ಸೋಲಾರ್ 65 ರೂ. (ಪ್ರಸ್ತುತ 35 ರೂ.), ಪೆನ್ಸಿಲ್ ಬೀನ್ಸ್ 50 ರೂ. (37 ರೂ.), ಮೆಣಸಿನಕಾಯಿ 40 ರೂ., (42 ರೂ.), ಸೌತೆಕಾಯಿ 13 ರೂ. (18 ರೂ.), ಎಂಸಿ 6 ರೂ. (4 ರೂ.), ಸುನಾಮಿ 3 ರೂ. (4 ರೂ.), ಯಳವನ 4 ರೂ. ( 3 ರೂ.), ಗುಂಡು ಬದನೆ 8 ರೂ. (5 ರೂ.), ಕುಂಬಳಕಾಯಿ 11 ರೂ. (8 ರೂ.), ಹೀರೆಕಾಯಿ 18 ರೂ. (18 ರೂ.), ಪಡವಲ 12 ರೂ. (15 ರೂ.), ತೊಂಡೆಕಾಯಿ 25 ರೂ.(20 ರೂ.), ಹಾಗಲ ವೈಟ್ 22 ರೂ. (20 ರೂ.), ಹಾಗಲ ಗ್ರೀನ್ 22 ರೂ. (20 ರೂ.), ಕಾಲಿಫ್ಲವರ್ 14 ರೂ. (11 ರೂ.), ಪೈರ್ 45 ರೂ. (30 ರೂ.), ದಪ್ಪಮೆಣಸು 26 ರೂ. (31 ರೂ.), ಸೋರೆಕಾಯಿ 4 ರೂ. (4 ರೂ.), ಬದನೆ ವೈಟ್ 6 ರೂ. (6 ರೂ.), ಕೋಸು ಚಪಾತಿ 6 ರೂ. (7 ರೂ.), ಕೋಸು ಸ್ಯಾಂ 5 ರೂ. (5 ರೂ.), ಸೀಮೆ ಬದನೆ 13 ರೂ.(15 ರೂ.), ಬಜ್ಜಿ-ನಾಟಿ 36 ರೂ. (25 ರೂ.), ಬಜ್ಜಿ-ಯಕೋನ 26 ರೂ. (16 ರೂ.), ಬೆಂಡೆಕಾಯಿ 25 ರೂ. (24 ರೂ.), ಟೊಮ್ಯಾಟೊ-ಹುಳಿ 10 ರೂ. (ಪ್ರಸ್ತುತ 18 ರೂ.) ಇತ್ತು.

ಬರಡನಪುರ ಮಹೇಶ್, ರೈತ

ನಾರಾಯಣ ಗೌಡ, ಅಧ್ಯಕ್ಷ, ಜಿಲ್ಲಾ ಹೋಟೆಲ್ ಮಾಲೀಕರ ಸಂಘ