ಪದಕ ಬೇಟೆಯಾಡಿದ ಕ್ರೀಡಾಪಟುಗಳಿಗೆ ಸನ್ಮಾನ

ಜಿಲ್ಲಾ ಮಾಸ್ಟರ್ಸ್ ಅಥ್ಲೆಟಿಕ್ಸ್ ಅಸೋಸಿಯೇಷನ್ ವತಿಯಿಂದ ಅಶೋಕಪುರಂ ರೈಲು ನಿಲ್ದಾಣದ ಬಳಿಯ ಆರ್‌ಎನ್‌ಎಂ ಎಂಟರ್‌ಪ್ರೈಸಸ್ ಕಾರ್ಯಾಲಯದಲ್ಲಿ ಬುಧವಾರ ಸನ್ಮಾನ ಕಾರ್ಯಕ್ರಮ ನೆರವೇರಿತು.

ಕರ್ನಾಟಕವನ್ನು ಪ್ರತಿನಿಧಿಸಿದ್ದ ಮೈಸೂರಿನ 8 ಮಹಿಳಾ ಮಾಸ್ಟರ್ಸ್ ಕ್ರೀಡಾಪಟುಗಳು 9 ಚಿನ್ನ, 5 ಬೆಳ್ಳಿ, 5 ಕಂಚು ಸೇರಿದಂತೆ ಒಟ್ಟಿ 19 ಪದಗಳನ್ನು ಪಡೆದಿದ್ದಾರೆ. ಪದಕ ಬೇಟೆಯಾಡಿದ ಕೆ.ಜಿ.ಶರ್ಮಿಳಾ ಅರಸ್, ಬಿ.ಪಿ.ಪಾರ್ವತಿ, ಜಯಲಕ್ಷ್ಮೀ, ಜಿ.ಪುನಿತಾ, ಭಾಗೀರತಿ, ವಿಜಯ ರಮೇಶ್, ಮಂಜಮ್ಮ, ಎಚ್.ಎಂ.ಭಾರತಿ ಹಾಗೂ ಕರ್ನಾಟಕ ರಾಜ್ಯ ಮಹಿಳಾ ಅಥ್ಲೆಟಿಕ್ಸ್ ತಂಡ ವ್ಯವಸ್ಥಾಪಕರಾಗಿ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದ ಸಂಘದ ಕಾರ್ಯದರ್ಶಿ ಬಿ.ಬಸವರಾಜು ಅವರನ್ನು ಕಾರ್ಯಕ್ರಮದಲ್ಲಿ ಸನ್ಮಾನಿಸಲಾಯಿತು.

ಅಸೋಸಿಯೇಷನ್ ಅಧ್ಯಕ್ಷೆ ಸುಮನಾ ನರಸಿಂಹಮೂರ್ತಿ, ಉಪಾಧ್ಯಕ್ಷ ಎಂ.ಯೋಗೇಂದ್ರ, ಪದಾಧಿಕಾರಿಗಳಾದ ಸೋಮಶೇಖರ್, ರಾಣಿ ಬಿ.ರಾಜ್, ಎಂ.ಎಸ್.ಮಹೇಶ್, ಪಾರ್ವತಿ ಕಾಂತರಾಜು, ಎಂ.ಪಿ.ಚಂದ್ರಶೇಖರ್, ಎನ್.ವಿನಾಯಕ್, ಬಸವರಾಜು, ಬಲರಾಮೇಗೌಡ, ರವಿ, ಸುಜಾತಾ ಇದ್ದರು.