ಸ್ಮಾರ್ಟ್ ಸಿಟಿ ಅಲ್ಲ, ವಿಲೇಜ್‌ಗಳು ನಿರ್ಮಾಣವಾಗಲಿ

ಸುತ್ತೂರು ಶ್ರೀ ಕ್ಷೇತ್ರದಲ್ಲಿ ನಡೆಯುತ್ತಿರುವ ಆದಿ ಜಗದ್ಗುರು ಶ್ರೀ ಶಿವಯೋಗಿಗಳ ಜಾತ್ರಾ ಮಹೋತ್ಸವದಲ್ಲಿ ಭಾನುವಾರ ಆಯೋಜಿಸಿದ್ದ ಕೃಷಿ ವಿಚಾರ ಸಂಕಿರಣದಲ್ಲಿ ‘ಕೃಷಿಯಲ್ಲಿ ಮಹಿಳೆ: ಸುಸ್ಥಿರ ಅಭಿವೃದ್ಧಿ ಮತ್ತು ಆಹಾರ ಭದ್ರತೆ’ ವಿಷಯ ಕುರಿತು ಉಪನ್ಯಾಸ ನೀಡಿದರು.

ಇಂದಿನ ಯುವಕರು ಹಳ್ಳಿಗಳನ್ನು ಬಿಟ್ಟು ನಗರದ ಕಡೆ ವಲಸೆ ಹೋಗುತ್ತಿದ್ದಾರೆ. ಇದಕ್ಕೆ ಆರ್ಥಿಕ ಉದಾರೀಕರಣ, ನಗರೀಕರಣ, ಸಾಮಾಜಿಕ ಸಮಸ್ಯೆ, ಕೃಷಿಯಲ್ಲಿ ಕೂಲಿ ಕಾರ್ಮಿಕರ ಸಮಸ್ಯೆ, ಹಳ್ಳಿಗಳ್ಳಿ ಮೂಲ ಸೌಲಭ್ಯ ಇಲ್ಲದು ಪ್ರಮುಖ ಕಾರಣ. ಯಾವುದೇ ವೃತ್ತಿಯಲ್ಲಿ ಎಷ್ಟು ಕಷ್ಟಪಡುತ್ತೇವೆ ಅಷ್ಟು ಪ್ರಾಮಾಣದಲ್ಲಿ ಫಲ ಸಿಗುತ್ತದೆ. ಆದರೆ ಕೃಷಿಯಲ್ಲಿ ಪಟ್ಟ ಕಷ್ಟಕ್ಕೆ ತಕ್ಕ ಫಲ ಸಿಗುತ್ತಿಲ್ಲ. ಕೃಷಿಯಲ್ಲಿ ಎದುರಾಗುವ ನಾನಾ ಸಮಸ್ಯೆಗಳಿಂದ ಲಾಭಕ್ಕಿಂತ ನಷ್ಟವೇ ಹೆಚ್ಚಿದೆ. ಇದನ್ನು ಸರಿಪಡಿಸುವ ಕೆಲಸ ಮಾಡಬೇಕಿದೆ ಎಂದರು.

ಮುಂದಿನ ಕೆಲ ವರ್ಷಗಳಲ್ಲಿ ಗ್ರಾಮಾಂತರ ಭಾಗದ ಜನಸಂಖ್ಯೆ ಶೇ.30ಕ್ಕೆ ಇಳಿಯಲಿದೆ. ಅದೇ ರೀತಿ ನಗರ ಪ್ರದೇಶದ ಜನಸಂಖ್ಯೆ ಶೇ.70ಕ್ಕೆ ಹೆಚ್ಚಾಗುವ ಸಾಧ್ಯತೆ ಇದೆ. ದೇಶದಲ್ಲಿ ಶೇ.70ರಷ್ಟು ಜನರಿಗೆ ಕೃಷಿ ಉದ್ಯೋಗ ನೀಡುತ್ತಿದೆ. ಒಂದು ವೇಳೆ ಗ್ರಾಮಾಂತರ ಪ್ರದೇಶದ ಜನ ಸಂಖ್ಯೆ ಕಡಿಮೆಯಾದರೆ ಆಹಾರ ಉತ್ಪಾದನೆ ಮೇಲೆ ಪೆಟ್ಟು ಬೀಳುತ್ತದೆ ಎಂದರು.

ಇಂದಿನ ಯುವತಿಯರು ಕೃಷಿಕರನ್ನು ಮದುವೆಯಾಗಲು ಒಪ್ಪುತ್ತಿಲ್ಲ. ಹಾಗಾಗಿ ಇದು ಸೇರಿ ನಾನಾ ಕಾರಣಕ್ಕೆ ವಲಸೆ ಹೆಚ್ಚಾಗಿದೆ. ವಲಸೆ ಎನ್ನುವುದು ವೈಯಕ್ತಿಕವಾಗಿ ಒಳ್ಳೆಯದು. ವಲಸೆ ಹೋದವರಿಗೆ ಉತ್ತಮ ಕೆಲಸ ಸಿಗುವ ಜತೆಗೆ ಹಣವೂ ಸಿಗುತ್ತದೆ. ಆದರೆ ವಲಸೆಯಿಂಸ ಸಮಾಜಕ್ಕೆ ತೊಂದರೆಯಾಗುತ್ತದೆ. ಗ್ರಾಮಾಂತರ ಪ್ರದೇಶದ ಜನ ಸಂಖ್ಯೆ ಕಡಿಮೆಯಾಗುವ ಜತೆಗೆ ನಗರದಲ್ಲಿ ಜನ ಸಂಖ್ಯೆ ಹೆಚ್ಚಿ ನಗರ ಪ್ರದೇಶದಲ್ಲೂ ನಾನಾ ಸಮಸ್ಯೆ ಉಂಟಾಗುತ್ತದೆ ಎಂದರು.

ವಲಸೆಯನ್ನು ತಪ್ಪಿಸುವ ದೃಷ್ಟಿಯಿಂದ ಕೃಷಿಯನ್ನು ಆಧಾಯದ ವೃತ್ತಿಯಾಗಿ ಮಾಡಬೇಕಿದೆ. ಆ ಮೂಲಕ ನಗರ ಪ್ರದೇಶಕ್ಕೆ ವಲಸೆ ಹೋದವರನ್ನು ಮತ್ತೆ ಹಳ್ಳಿಗಳಿಗೆ ವಾಪಸ್ ಕರೆ ತರಬೇಕು. ಗ್ರಾಮೀಣ ಭಾರತವೇ ದೇಶದ ಆರ್ಥಿಕ ಅಭಿವೃದ್ಧಿಗೆ ಭದ್ರ ಬುನಾದಿ. ಕೃಷಿಕರಿಗೆ ಹೆಚ್ಚಿ ಪ್ರೋತ್ಸಾಹ ನೀಡುವ ಮೂಲಕ ಕೃಷಿ ಚಟುವಟಿಕೆ ಹೆಚ್ಚಿಸಬೇಕು ಎಂದು ಹೇಳಿದರು.

ಮಂಡ್ಯ ಕೃಷಿ ವಿಜ್ಞಾನಗಳ ವಿಶೇಷಾಧಿಕಾರಿ ಡಾ.ಕೆ.ಎಂ.ಹರಿಣಿಕುಮಾರ ಮಾತನಾಡಿ, ಮುಂದಿನ ದಿನಗಳಲ್ಲಿ ಆಹಾರದ ಲಭ್ಯತೆ ಕಡಿಮೆಯಾಗುತ್ತದೆ. ಹವಾಮಾನ ವೈಪರೀತ್ಯಗಳಿಂದ ಈ ಸಮಸ್ಯೆ ಉಂಟಾಗುತ್ತದೆ. ಈಗ ಕೃಷಿಯಲ್ಲಿ ಮಹಿಳೆಯರ ಪಾತ್ರ ಮುಖ್ಯವಾಗುತ್ತದೆ. ಭಾರತದ ಮುಂದಿನ ಪೀಳಿಗೆಗೆ ಉತ್ತಮ ವಾತಾವರಣ, ಭೂಮಿ ಕಲ್ಪಿಸಬೇಕು. ಅದಕ್ಕಾಗಿ ಸುಸ್ಥಿರ ಕೃಷಿ ಬೆಂಬಲಿಸಬೇಕು ಎಂದರು.

ಸಾಮಾಜಿಕ, ಆರ್ಥಿಕ ಸಮಸ್ಯೆಗಳು ಆಹಾರ ಉತ್ಪಾದನೆ ಮೇಲೆ ಪರಿಣಾಮ ಬೀರಿದೆ. ಈವರೆಗೆ ರಾಸಾಯನಿಕ ಬಳಕೆಯಿಂದ ನೀರಾವರಿ ಭೂಮಿಯಲ್ಲಿ ಹಸಿರು ಕ್ರಾಂತಿ ಆಗಿದೆ. ಮುಂದಿನ ದಿನಗಳಲ್ಲಿ ಒಣ ಭೂಮಿಯಲ್ಲಿ ಹಸಿರು ಕ್ರಾಂತಿಯಾಗಬೇಕು. ಮಹಿಳೆಯರು ಆಹಾರ ಭದ್ರತೆ, ಪೋಷಣೆಯಲ್ಲಿ ಮಹಿಳೆಯರ ಪ್ರಮುಖ ಪಾತ್ರ ಇದೆ. ಜಾಗತಿಕ ಕೃಷಿಯಲ್ಲಿ ಮಹಿಳೆಯರ ಪಾಲು ಹೆಚ್ಚಿದೆ ಎಂದರು.

ಆಸ್ಟ್ರೇಲಿಯಾದಲ್ಲಿ ಮಹಿಳೆಯೊಬ್ಬರೆ 200 ಎಕರೆ ಭೂಮಿಯಲ್ಲಿ ಬಾಳೆ ಬೆಳೆದಿದ್ದಾರೆ. ಆಧುನಿಕ ಯಂತ್ರಗಳನ್ನು ಮಹಿಳೆಯರು ಬಳಸಬೇಕು. ಬಿತ್ತನೆಯಿಂದ, ಒಕ್ಕಣೆ, ಬೆಳೆ ಸಂರಕ್ಷಣೆವರೆಗೆ ಮಹಿಳೆ ಪಾತ್ರ ದೊಡ್ಡದು. ಮನೆಯ ಆಹಾರ ನಿರ್ವಹಣೆಯಲ್ಲೂ ಮಹಿಳೆ ಪಾತ್ರ ದೊಡ್ಡದು. ಅವರು ಮಕ್ಕಳ ಆಹಾರ ಭದ್ರತೆ ಜೊತೆಗೆ ಕುಟುಂಬ, ಸಮುದಾಯ ಆಹಾರ ಭದ್ರತೆ ಜವಾಬ್ದಾರಿ ವಹಿಸಿರುತ್ತಾರೆ ಎಂದರು.

ಚಾಮುಲ್ ಅಧ್ಯಕ್ಷ ಎಂ.ನಂಜುಂಡಸ್ವಾಮಿ ಮಾತನಾಡಿ, ಪುರುಷರಿಗಿಂತ ರೈತ ಮಹಿಳೆಗೆ ಹೆಚ್ಚಿನ ಪ್ರೋತ್ಸಾಹ ನೀಡಬೇಕು. ಮಹಿಳೆಯರು ಹೈನುಗಾರಿಕೆ ಸೇರಿ ನಾನಾ ವೃತ್ತಿಯಲ್ಲಿ ತೊಡಗಿಸಿಕೊಂಡು ಮನೆಯನ್ನು ಮುನ್ನಡೆಸುತ್ತಿದ್ದಾರೆ. ಸುತ್ತೂರು ಶ್ರೀ ಮಠ ಈ ಭಾಗದ ರೈತರಿಗೆ ಹೆಚ್ಚಿನ ಅನುಕೂಲ ಕಲ್ಪಿಸಿದೆ. ಜಾತ್ರೆಗೆ ಬರುವ ಎಲ್ಲರಿಗೂ ನಾನಾ ರೀತಿಯಲ್ಲಿ ಜಾಗೃತಿ, ಅರಿವು ಮೂಡಿಸುವ ಕೆಲಸ ಮಾಡಲಾಗುತ್ತಿದೆ.

ಶಾಸಕ ಎಚ್.ಎಂ.ಗಣೇಶ್ ಪ್ರಸಾದ್ ಮಾತನಾಡಿ, ಇಂದು ಕೃಷಿ ಇಲ್ಲದೆ ಏನೂ ಮಾಡಲು ಆಗಲ್ಲ. ಆಹಾರ ತಿಂದು ರೈತನಿಂದಲೇ ಬದುಕುತ್ತಿದ್ದೇವೆ. ಬಂಡೀಪುರ ಸಫಾರಿ ಬಂದ್ ಮಾಡಿದ ಕಾರಣ ನಮ್ಮ ಭಾಗ ರೈತರಿಗೆ ತೊಂದರೆಯಾಗುತ್ತಿದೆ. ಬಂಡೀಪುರ ಸಫಾರಿ ಕೇಂದ್ರದ ದಾರಿಯಲ್ಲೂ ಅನೇಕ ವ್ಯಾಪಾರ ಮಾಡಿಕೊಂಡು ರೈತರು ಜೀವನ ಕಟ್ಟಿಕೊಂಡಿದ್ದರು. ಸಫಾರಿ ಬಂದ್ ಆಗಿರುವುದು ಅವರಿಗೆ ಸಮಸ್ಯೆಯಾಗಿದೆ. ಹಾಗಾಗಿ ಅವರೆಲ್ಲರೂ ಕೃಷಿಯಲ್ಲಿ ತೊಡಗಿಸಿಕೊಳ್ಳಬೇಕು ಎಂದರು.

ತಮಿಳುನಾಡಿನ ಹಿರಿಯ ಐಎಎಸ್ ಅಧಿಕಾರಿ ಕೆ.ಆರ್.ಜ್ಯೋತಿಲಾಲ್ ಮಾತನಾಡಿ, ಕೃಷಿಯಲ್ಲಿ ಮಣ್ಣು, ಫಲವತ್ತತೆ, ಸಂರಕ್ಷಣೆ, ನೈಸರ್ಗಿಕ ಸೇರಿದಂತೆ ಐದು ಅಂಶಗಳ ಬಗ್ಗೆ ರೈತರು ಹೆಚ್ಚಿನ ಗಮನ ಹರಿಸಬೇಕು. ಮುಖ್ಯವಾಗಿ ಸಮಗ್ರ ಬೇಸಾಯಕ್ಕೆ ಒತ್ತು ನೀಡಬೇಕು ಎಂದರು.

ಪ್ರಿಸಿಷನ್ ಆರೋಗ್ಯ ಸಂಸ್ಥೆಯ ಸಲಹೆಗಾರರಾದ ಮಮತಾ ಶೇಖರ್ ಮಾತನಾಡಿ, ಮಹಿಳೆಯರು ಕೃಷಿಯ ಸಹಾಯಕಿಯರಲ್ಲ. ಕೃಷಿಯ ನಾಯಕಿಯರು. ಕೃಷಿ ಕೇವಲ ಉತ್ಪಾದನೆ ಅಲ್ಲ, ಅದು ಸ್ವಾಲಂಬನೆಯ ಬದುಕು. ಇಂತಹ ಕೃಷಿ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡಿರುವ ಮಹಿಳೆಯರಿಗೆ ಪ್ರೋತ್ಸಾಹ ಹಾಗೂ ಸಹಕಾರ ಅಗತ್ಯ ಎಂದು ಹೇಳಿದರು.

ಯುಎಸ್‌ಎಯ ಹೃದ್ರೋಗ ತಜ್ಞ ಡಾ.ಗಿರೀಶ್ ಚಂದ್ರ ವರ್ಮಾ ಮಾತನಾಡಿದರು. ಶ್ರೀ ಶಿವರಾತ್ರಿ ದೇಶಿಕೇಂದ್ರ ಸ್ವಾಮೀಜಿ, ದೇಗುಲ ಮಠದ ಶ್ರೀ ಚನ್ನಬಸವ ಸ್ವಾಮೀಜಿ, ಸೂರ್ಯಸಿಂಹಾಸನ ಮಠದ ಶ್ರೀ ಸಿದ್ಧಲಿಂಗ ಶಿವಾಚಾರ್ಯ ಸ್ವಾಮೀಜಿ, ಶಾಸಕರಾದ ಡಾ.ಮಂತರ್ ಗೌಡ, ಕೃಷ್ಣಮೂರ್ತಿ, ಮಾಜಿ ಸಚಿವೆ ಗೀತಾ ಮಹದೇವ ಪ್ರಸಾದ್ ಇತರರಿದ್ದರು.