ವಿವಿಧ ಪ್ರಗತಿಪರ ಸಂಘಟನೆಗಳಿಂದ ಪ್ರತಿಭಟನೆ

ರಾಜ್ಯ ಮತ್ತು ಕೇಂದ್ರ ಚುನಾವಣಾ ಆಯೋಗ ಎಐಆರ್ ನೆಪದಲ್ಲಿ ನಡೆಸುತ್ತಿರುವ ಮತದಾರ ಪಟ್ಟಿ ಪರಿಷ್ಕರಣೆಯಿಂದ ಒಬ್ಬನೇ ಒಬ್ಬ ನೈಜ ಮತದಾರನನ್ನು ಪಟ್ಟಿಯಿಂದ ಕೈಬಿಡದಂತೆ ಎಚ್ಚರವಹಿಸಬೇಕು. ಈ ವಿಶೇಷ ತೀವ್ರ ಮತ ಪರಿಷ್ಕರಣೆ ಪ್ರಕ್ರಿಯೆ ಹಲವು ಲೋಪಗಳಿಂದ ಕೂಡಿದೆ, ಆಯೋಗ ಜನಸಾಮಾನ್ಯರ ಬಳಿ ಇಲ್ಲದ ದಾಖಲೆಯನ್ನು ಕೇಳಿದೆ. ಜನರ ಬಳಿ ಸುಲಭವಾಗಿ ಆಧಾರ್ ಕಾರ್ಡ್, ರೇಷನ್ ಕಾರ್ಡ್, ಬ್ಯಾಂಕ್ ಪುಸ್ತಕ, ಡ್ರೈವಿಂಗ್ ಲೈಸೆನ್ಸ್ ಸಿಗುತ್ತವೆ. ಅದನ್ನು ಬಿಟ್ಟು ಜನರ ಬಳಿ ಇಲ್ಲದ ಬೇರೆ ಬೇರೆ ದಾಖಲೆಗಳನ್ನು ಕೇಳಿದರೆ ಎಲ್ಲಿಂದ ತಂದುಕೊಡಬೇಕು ಎಂದು ಪ್ರಶ್ನಿಸಿದರು.

ಉಮೇಶ್ ನೂರಲಕುಪ್ಪೆ ಮಾತನಾಡಿ, ಈ ಪ್ರಕ್ರಿಯೆಯನ್ನು ನೋಡಿದಾಗ ಕೇಂದ್ರ ಸರ್ಕಾರ ಚುನಾವಣಾ ಆಯೋಗವನ್ನು ದುರ್ಬಳಕೆ ಮಾಡಿಕೊಂಡು ತಮಗಿಷ್ಟ ಬಂದವರನ್ನು ಡಿಲೀಟ್ ಮಾಡುವ ಹುನ್ನಾರ ಅಡಗಿದೆ. ಆದ್ದರಿಂದ ಪಟ್ಟಿ ಅಂತಿಮಗೊಳಿಸುವಾಗ ಗ್ರಾಮಸಭೆ ಮಾಡಿ ಅಲ್ಲಿ ಸೋಷಿಯಲ್ ಆಡಿಟ್ ಮಾಡುವ ಮೂಲಕ ಪಟ್ಟಿ ಅಂತಿಮ ಮಾಡಬೇಕು ಎಂದು ಒತ್ತಾಯಿಸಿದರು.

ಜೀವಿಕ ಸಂಘಟನೆ ಜಿಲ್ಲಾ ಸಂಚಾಲಕ ಬಸವರಾಜ್ ಮಾತನಾಡಿ, ಬಿಎಲ್‌ಒಗಳು ಮ್ಯಾಪಿಂಗ್ ಮಾಡುವಾಗ ಕಚೇರಿಯಲ್ಲಿ ಕುಳಿತು ಪಟ್ಟಿ ಆಧಾರದಲ್ಲಿ ಶೇ.70-80ರಷ್ಟು ಪ್ರಕ್ರಿಯೆ ಮುಗಿಸಿದ್ದಾರೆ. ಇದು ಕೂಡ ಲೋಪದಿಂದ ಕೂಡಿದೆ. ಮತ್ತೆ ಎಐಆರ್‌ನಿಂದ ಈ ನೆಲದ ಮೂಲನಿವಾಸಿಗಳನ್ನು ಮತದಾನದಿಂದ ಕೈಬಿಡುವ ವ್ಯವಸ್ಥಿತ ಹುನ್ನಾರ ನಡೆಯುತ್ತಿದೆ. ಗ್ರಾಮಾಂತರ ಪ್ರದೇಶಗಳಲ್ಲಿ ಬುಡಕಟ್ಟು ಸಮುದಾಯದ ಜನರ ಬಳಿ ಕನಿಷ್ಠ ದಾಖಲೆಗಳು ಇಲ್ಲದಿರುವಾಗ ನೀವು ಕೇಳಿರುವ ಹನ್ನೊಂದು ದಾಖಲೆಯನ್ನು ಎಲ್ಲಿಂದ ಕೊಡಬೇಕು, ಹಾಗಾಗಿ ಈ ಎಸ್‌ಐಆರ್‌ನಿಂದ ಒಂದೆ ಒಂದು ಹೆಸರು ಡಿಲೀಟ್ ಆದರೆ ರಾಜ್ಯಾದ್ಯಂತ ಉಗ್ರ ಹೋರಾಟ ಮಾಡುತ್ತೇವೆ ಎಂದು ಎಚ್ಚರಿಸಿದರು.

ಪ್ರಗತಿಪರ ಸಂಘಟನೆ ಮುಖಂಡ ಅಕ್ಬರ್ ಪಾಷ ಮಾತನಾಡಿ, ಚುನಾವಣಾ ಆಯೋಗ ಪರಿಷ್ಕರಣೆ ಮಾಡುವಾಗ ಸ್ಥಳೀಯವಾಗಿ ಗ್ರಾಮಸಭೆ ಮಾಡಿ ಅಲ್ಲಿ ಸಾರ್ವಜನಿಕರ ಎದುರು ಪಟ್ಟಿಯನ್ನು ಓದಿ ತಿಳಿಸಿ ಚರ್ಚಿಸಿ ಅಂತಿಮಗೊಳಿಸಿ ಎಂದಿದೆ. ಅದೇ ಪ್ರಕಾರ ಪ್ರತಿ ಗ್ರಾಮದಲ್ಲಿಯೂ ಗ್ರಾಮಸಭೆ ನಡೆಸಿ ಮತ್ತೆ ನುಸುಳುಕೋರರು, ಮರಣ ಹೊಂದಿದವರು, ಎರಡು ಕಡೆ ಪಟ್ಟಿ ಇರುವವರು ಇದ್ದರೆ ಜನರ ಸಮ್ಮುಖದಲ್ಲಿ ತೆಗೆದುಹಾಕಿ ಎಂದರು.

ರೈತ ಮುಖಂಡ ಚಾ ನಂಜುಂಡಮೂರ್ತಿ, ಶಿವಾನಂದ, ಮಾಲೇಗೌಡ, ಚಿಕ್ಕಬೋರೆಗೌಡ ಮತ್ತಿತರರು ಮಾತನಾಡಿದರು.

ಮನವಿ ಸ್ವೀಕರಿಸಿದ ಅಪರ ಜಿಲ್ಲಾಧಿಕಾರಿ ಡಾ.ಶಿವರಾಜ್ ಮಾತನಾಡಿ, ಜಿಲ್ಲೆಯಲ್ಲಿ ಒಬ್ಬನೇ ಅರ್ಹ ಮತದಾರನನ್ನು ಪಟ್ಟಿಯಿಂದ ಕೈಡದಂತೆ ಕ್ರಮ ವಹಿಸುತ್ತೇವೆ, ಒಂದು ವೇಳೆ ಎಲ್ಲಿಯಾದರೂ ನಿಮ್ಮ ಗಮನಕ್ಕೆ ಅಂತಹ ಕರಣ ಕಂಡುಬಂದಲ್ಲಿ ತಕ್ಷಣವೇ ನಮ್ಮ ಗಮನಕ್ಕೆ ತಂದರೆ ಕ್ರಮವಹಿಸುತ್ತೇನೆ ಎಂದು ತಿಳಿಸಿದರು.

ಇಬ್ರಾಹಿಂ ಮಗ್ಗೆ, ಅಕ್ಬರ್ ಪಾಷ, ಮೊತ್ತ ಶಿವಮಲ್ಲಪ್ಪ, ನಾಗನಹಳ್ಳಿ ಪ್ರದೀಪ್, ಕೆಂಪಶೆಟ್ಟಿ, ಸದಾಶಿವ ಕೋಟೆ, ಸೌಮ್ಯಾ ಮಂಜುನಾಥ್, ಸಣ್ಣಸ್ವಾಮಿ, ಚಾ.ನಂಜುಂಡಮೂರ್ತಿ, ಮಹದೇವ ನಾಯ್ಕ, ರಫಿಉಲ್ಲಾ, ಏಜಾಜ್ ಪಾಷ, ನವೀದ್ ಪಾಷ, ಸಯದ್ ಪಾಷ, ಮುಹಿತ್ ಪಾಷ, ಶಿವನಂಜೆಗೌಡ, ಚೌಡಳ್ಳಿ ಜವರಯ್ಯ, ಶಿವರಾಜ್, ಚಂದ್ರಶೇಖರ ಮೂರ್ತಿ, ಗೋವಿಂದ್, ಮುನಿರ್, ಅಲ್ಲಾಬಕಾಸ್, ಸೀಮತ್, ಮೋಹನ್ ರಾಜ್, ಆಟೋ ಕುಮಾರ್, ಅಣ್ಣೈಸ್ವಾಮಿ, ಪುಟ್ಟಯ್ಯ, ಮಂಜು, ಅಶೋಕ್, ನಟರಾಜ್, ಚಲುವರಾಜ್, ರಾಘವೇಂದ್ರ, ಸಿದ್ದರಾಮು, ನಾರಾಯಣಸ್ವಾಮಿ, ದಸಂಸ ಮುಖಂಡರು, ರೈತ ಸಂಘದ ಮುಖಂಡರು, ಮುಸ್ಲಿಂ ಮುಖಂಡರು ಇದ್ದರು.