1994ರಲ್ಲಿ ಸರ್ಕಾರಿ ಅಧಿಕಾರಿ ನಾಗರಾಜು ಎಂಬುವವರಿಗೆ ನಿವೇಶನ ಮಂಜೂರಾಗಿತ್ತು. ಆದರೆ, ಅದೇ ಸಮಯದಲ್ಲಿ ಬೆಂಗಳೂರಿನಲ್ಲಿ ಸೈಟ್ ಹಂಚಿಕೆಯಾದ ಕಾರಣ ಸರ್ಕಾರಿ ಅಧಿಕಾರಿ ಎರಡು ಸೈಟ್ ಹೊಂದಿರಬಾರದು ಎಂಬ ನಿಯಮದಡಿ ನಾಗರಾಜು ಅವರು ಮೈಸೂರು ನಿವೇಶನವನ್ನು ಮುಡಾಕ್ಕೆ ವಾಪಸ್ಸು ನೀಡಿ, ಹಣವನ್ನು ವಾಪಸ್ಸು ಪಡೆದಿದ್ದರು. ಆದರೆ, ಸೈಟ್ ವಾಪಸ್ಸು ಪಡೆದ ಮುಡಾ ಅಧಿಕಾರಿಗಳು ಪ್ರಕರಣವನ್ನು ಮುಚ್ಚಿ ಹಾಕಿರಲಿಲ್ಲ. ಇದಾದ ಅನೇಕ ವರ್ಷಗಳ ಬಳಿಕ ನಾಗರಾಜು ಪತ್ನಿ ಶಶಿಕಲಾ ಹೆಸರಿನಲ್ಲಿ ಸೈಟ್ ವರ್ಗಾವಣೆ ಮಾಡಿಸಿಕೊಂಡ ನಂದೀಶ್ ಹಂಚ್ಯಾ ಅದೇ ದಿನವೇ ತಮ್ಮ ಪತ್ನಿ ದೀಪಾ ಹೆಸರಿನಲ್ಲಿ ಕ್ರಯಪತ್ರ ಮಾಡಿಸಿಕೊಂಡಿದ್ದಾರೆಂದು ಶಿವರಾಮು ಆರೋಪಿಸಿದ್ದಾರೆ.
