ಈ ಕುರಿತು ವಿಜಯವಾಣಿ ಸೆ. 22 ರಂದು "20 ಕಿಮೀ ಪ್ರಯಾಣಕ್ಕೆ ಎರಡುಕಾಲು ತಾಸು" ಎಂಬ ಶೀರ್ಷಿಕೆಯಡಿ ವಿಸ್ತ್ರತ ವರದಿ ಪ್ರಕಟಿಸಿತ್ತು. ಕಾರವಾರ, ಕುಂದಾಪುರ ರೈಲ್ವೆ ಸೇವಾ ಸಮಿತಿಗಳು ವೇಳಾ ಪಟ್ಟಿಗೆ ಆಕ್ಷೇಪ ವ್ಯಕ್ತಪಡಿಸಿರುವ ಬಗ್ಗೆ ತಿಳಿಸಲಾಗಿತ್ತು.
ಮತ್ಸ್ಯಗಂಧ ರೈಲು 40 ನಿಮಿಷದಲ್ಲಿ ಸಂಚರಿಸುವ ದೂರವನ್ನು ಮುರ್ಡೇಶ್ವರ ರೈಲು ಎರಡುಕಾಲು ತಾಸು ತೆಗೆದುಕೊಳ್ಳುತ್ತಿದೆ ಎಂದು ಸಮಸ್ಯೆ ವಿವರಿಸಲಾಗಿತ್ತು.
ನೈರುತ್ಯ ರೈಲ್ವೆ ವೇಳಾ ಪಟ್ಟಿಯನ್ನು ಶನಿವಾರ ಪರಿಷ್ಕರಿಸಿದ್ದು, ಮಂಗಳೂರು ಸೆಂಟ್ರಲ್ ವರೆಗೆ ವೇಳಾಪಟ್ಟಿಯಲ್ಲಿ ಯಾವುದೇ ಬದಲಿಲ್ಲ. ಅಲ್ಲಿಂದ ಮುಂದೆ ಸುರತ್ಕಲ್ ಗೆ 10.34 ಕ್ಕೆ ತಲುಪುತ್ತಿದ್ದ ರೈಲು ಇನ್ನು 9.48 ತಲುಪಲಿದೆ. ಮಧ್ಯಾಹ್ನ 1.35 ಕ್ಕೆ ಮುರ್ಡೇಶ್ವರಕ್ಕೆ ತಲುಪುತ್ತಿದ್ದ ರೈಲು ಇನ್ನು 12.55ಕ್ಕೆ ತಲುಪಲಿದೆ ಎಂದು ನೈರುತ್ಯ ರೈಲ್ವೆ ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಅನೀಸ್ ಹೆಗಡೆ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
