ಆರೋಪಿ ಪಾಲಕರಿಂದ ಬೆದರಿಕೆ: ‘ಇಬ್ಬರೂ ಸಂಜಯನಗರದ ಕಚೇರಿಯಲ್ಲೇ ಕೆಲಸ ಮಾಡೋಣ’ ಎಂದು ಪುಸಲಾಯಿಸಿ ನನ್ನನ್ನು ಮಾರತ್ಹಳ್ಳಿಯಿಂದ ಸಂಜಯನಗರದ ಆತನ ಮನೆಗೆ ಕರೆಸಿಕೊಂಡಿದ್ದ. ಅಲ್ಲಿ ಇಬ್ಬರೂ ಒಟ್ಟಾಗಿ ವಾಸಿಸುತ್ತಿದ್ದೆವು. ಈ ವಿಚಾರ ಬಕ್ಷಿಯ ತಂದೆ ತಾಯಿಗೆ ಗೊತ್ತಾಗಿತ್ತು. ‘ಪುತ್ರನ ಜತೆಗಿನ ಸಂಬಂಧ ಮುಂದುವರಿಸಿದರೆ ಪರಿಣಾಮ ನೆಟ್ಟಗಿರುವುದಿಲ್ಲ’ ಎಂದು ನನಗೆ ಅವರು ಬೆದರಿಕೆ ಸಂದೇಶ ಕಳುಹಿಸಿದ್ದರು. ಅಲ್ಲದೆ, ಬಕ್ಷಿಗೆ ಕರೆ ಮಾಡಿ, ‘ಯುವತಿ ಜತೆಗಿನ ಸಂಬಂಧ ಬಿಟ್ಟುಬಿಡು. ಇಲ್ಲವಾದರೆ ನಿನ್ನನ್ನು ಮನೆಯಿಂದ ಹೊರಹಾಕುತ್ತೇವೆ’ ಎಂದು ಬೆದರಿಸಿದ್ದರು. ಅದರಿಂದಾಗಿ ಅರ್ಕ್ ಬಕ್ಷಿ ಮಾ.23ರಂದು ಮನೆ ಬಿಟ್ಟು ಹೋಗುವಂತೆ ನನ್ನೊಂದಿಗೆ ಗಲಾಟೆ ತೆಗೆದಿದ್ದ. ಅದಕ್ಕೆ ನಿರಾಕರಿಸಿದಾಗ ಹಲ್ಲೆ ನಡೆಸಿ, ಉಸಿರುಗಟ್ಟಿಸಿ ಹತ್ಯೆ ಮಾಡಲು ಯತ್ನಿಸಿದ್ದಾನೆ. ಇದನ್ನು ಗಮನಿಸಿದ ಸ್ಥಳೀಯರು ನನ್ನನ್ನು ರಕ್ಷಿಸಿದ್ದಾರೆ ಎಂದು ಯುವತಿ ದೂರಿನಲ್ಲಿ ಉಲ್ಲೇಖಿಸಿದ್ದಾಳೆ.
