ಸೊಸೈಟಿ ಮೊತ್ತದಲ್ಲಿ ಶೇ.5ನ್ನು ಕಡಿತಗೊಳಿಸುವ ವಿವೇಚನೆ ಆಯಾ ಡಿಸಿಸಿ ಬ್ಯಾಂಕ್ಗಳಿಗೆ ಬಿಡಲಾಗಿದೆ. ಸೌಕರ್ಯಗಳಿಗೆ ಪಡೆದ ಸಾಲವನ್ನು ಸಕಾಲದಲ್ಲಿ ತೀರಿಸಿದರೆ ಶೇ.4 ಬಡ್ಡಿ ದರ ಶೇ.1ಕ್ಕೆ ಕಡಿತಗೊಳಿಸಲು ಅವಕಾಶವಿದೆಯಂತೆ. ಸೊಸೈಟಿಗಳು ಬಹು ಸೇವಾಕೇಂದ್ರಗಳೆಂದು ಗುರುತಿಸಿಕೊಳ್ಳಲು ಕೇಂದ್ರ ಸರ್ಕಾರ ಸೂಚಿಸಿರುವ ಹಲವು ಮೂಲ ಸೌಕರ್ಯಗಳನ್ನು ವೃದ್ಧಿಸಿಕೊಳ್ಳಬಹುದು. ಕೃಷಿ ಸಂಗ್ರಹ ಕೇಂದ್ರ, ಕೋಲ್ಡ್ ಸ್ಟೋರೆಜ್ ಘಟಕ, ಕೃಷಿ ಸೇವಾ ಕೇಂದ್ರ, ಕೃಷಿ ಮಾಹಿತಿ ಕೇಂದ್ರ, ಕೃಷಿ ಸಾರಿಗೆ-ಮಾರುಕಟ್ಟೆ ಸೌಕರ್ಯ, ಗ್ರಾಹಕರ ಮಳಿಗೆ ಇತ್ಯಾದಿ ಸೌಕರ್ಯಗಳನ್ನು ಅಭಿವೃದ್ಧಿ ಪಡಿಸುವ ಮೂಲಕ ಸಹಕಾರಿ ವಲಯವನ್ನೂ ಕೃಷಿ ವಲಯದ ಅಭಿವೃದ್ಧಿಗೆ ಇನ್ನಷ್ಟು ಪೂರಕವಾಗಿ ಬಳಸಿಕೊಳ್ಳಲು ಕೇಂದ್ರ ಮುಂದಡಿ ಇಟ್ಟಿದೆ.
