ಕೊನೆ ಉಸಿರು ಇರೋವರೆಗೂ ನಿಮ್ಮ ಆಶೀರ್ವಾದ ಮರೆಯಲ್ಲ. 5 ವರ್ಷ ಹೇಗೆ ಕಳೆಯಿತು ಗೊತ್ತಿಲ್ಲ. ಈಗ ಮತ್ತೆ ಚುನಾವಣೆ ಹಾಗೂ ಮತ್ತೆ ಸವಾಲು ಬಂದಿದೆ. ಕಳೆದ ಬಾರಿಗಿಂತಲೂ ಹೆಚ್ಚಿನ ಸವಾಲು ಈಗ ಇದೆ. ಕಳೆದ ಚುನಾವಣೆಯಲ್ಲಿ ಬಿಜೆಪಿ ನನಗೆ ಬೆಂಬಲ ನೀಡಿತ್ತು. 2023ರಲ್ಲಿ ನಾನು ಬಿಜೆಪಿಗೆ ಬೆಂಬಲ ನೀಡಿದ್ದೆ. ಇವತ್ತು ಜೆಡಿಎಸ್ ಜೊತೆ ಮೈತ್ರಿಯಾಗಿದೆ. ಬದಲಾದ ಪರಿಸ್ಥಿತಿಯಲ್ಲಿ ಬದಲಾದ ಸವಾಲು. ಕೊನೆಯ ಗಳಿಗೆವರೆಗೂ ಮಂಡ್ಯ ಬಿಜೆಪಿ ಉಳಿಸಿಕೊಳ್ಳಲು ಪ್ರಯತ್ನ ಮಾಡಿದೆ. ಬೇರೆ ಬೇರೆ ಸಲಹೆ, ಅವಕಾಶಗಳು ಬಂದರೂ ತಿರಸ್ಕರಿಸಿದೆ. ಬೆಂಗಳೂರು ಉತ್ತರ, ಚಿಕ್ಕಬಳ್ಳಾಪುರ ಸಲಹೆ ನೀಡಿದ್ರು. ಆದರೆ, ಮಂಡ್ಯ ಬಿಟ್ಟು ನಾನು ಎಲ್ಲೂ ಹೋಗಲ್ಲ. ಇದ್ರೂ, ಸತ್ರೂ, ಗೆದ್ದರು, ಸೋತ್ರು ಮಂಡ್ಯಾನೆ. ಅಧಿಕಾರಕ್ಕೆ ಎಂದೂ ಅಂಬರೀಶ್ ಅಂಟಿಕೊಂಡವರಲ್ಲ. ಇವತ್ತು ಅವರೇ ನನಗೆ ಸ್ಪೂರ್ತಿ ಎಂದು ಸುಮಲತಾ ಅವರು ಹೇಳಿದರು.
