ಮಗನ ಸುದ್ದಿ ಕೇಳಿ ಹೊರಬಂದ ತಾಯಿಗೆ ಅಪಘಾತ... ಒಂದೇ ದಿನ ಎರಡು ದುರಂತ

ಬೆಂಗಳೂರು: ಒಂದೇ ದಿನ ತಾಯಿ ಮಗ ಇಬ್ಬರೂ ಸಾವಪ್ಪಿರುವ ದಾರುಣ ಘಟನೆ ಬೆಂಗಳೂರಿನ ವಿಜಯನಗರದಲ್ಲಿ ನಡೆದಿದೆ. ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದ ಮಗ ಆಸ್ಪತ್ರೆಯಲ್ಲಿ ಸಾವಪ್ಪಿದ ವಿಷಯ ಕೇಳಿ ಹೊರ ಬಂದ ತಾಯಿ, ರಸ್ತೆಯಲ್ಲಿ ಅಪಘಾತಕ್ಕೀಡಾಗಿ ಸಾವಪ್ಪಿದ್ದಾರೆ.

20 ವರ್ಷದ ಮೋಹನ್ ಗೌಡ ಬೈಕ್ ವಿಚಾರಕ್ಕೆ ಸ್ನೇಹಿತರ ಜೊತೆ ಜಗಳ ಮಾಡಿಕೊಂಡಿದ್ದ. ಬಳಿಕ ವಿಜಯನಗರದ ಮಾರನೇಹಳ್ಳಿಯ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಮುಂದಾಗಿದ್ದ. ಆತನನ್ನು ಖಾಸಗಿ ಆಸ್ಪತ್ರೆಯೊಂದಕ್ಕೆ ರವಾನೆ ಮಾಡಲಾಗಿತ್ತು. ಆದರೆ ಚಿಕಿತ್ಸೆ ಫಲಿಸದೇ ಆತ ಸಾವಪ್ಪಿದ್ದ. ಮಗನ ಸಾವಿನ ಸುದ್ದಿ ಕೇಳಿದ ತಾಯಿ ಲೀಲಾವತಿ ಆಸ್ಪತ್ರೆಯಿಂದ ಹೊರಬಂದರು. ಈ ವೇಳೆ ರಸ್ತೆಯಲ್ಲಿ ಕಾರು ಡಿಕ್ಕಿಯಾಗಿ ಸಾವಪ್ಪಿದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: ಪತ್ನಿಯನ್ನು ಕಳಿಸಿಲ್ಲ ಎಂದು ಮಾವನ ಕತ್ತನ್ನೇ ಬ್ಲೇಡ್‌ನಿಂದ ಸೀಳಿದ ಧಾರವಾಡದ ಅಳಿಯ!

ವಿಜಯನಗರದ ಮಾರೇನಹಳ್ಳಿಯಲ್ಲಿ ನಿನ್ನೆ ಈ ಘಟನೆ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಯುವಕನ ಆತ್ಮಹತ್ಯೆ ಸಂಬಂಧವಾಗಿ ವಿಜಯನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದರೆ, ತಾಯಿ ಲೀಲಾವತಿ ಅಪಘಾತದ ಪ್ರಕರಣವು ವಿಜಯನಗರ ಸಂಚಾರಿ ಠಾಣೆಯಲ್ಲಿ ದಾಖಲಾಗಿದೆ.

https://www.vijayavani.net/let-women-candidates-write-nda-exam-orders-sc/

https://www.vijayavani.net/mp-sumalatha-ambarish-upset-about-highway-project-working/