ತೋಟದಲ್ಲಿನ ಸಂಪಿನಲ್ಲಿ ಪತ್ತೆಯಾಯ್ತು ತಾಯಿ-ಮಗನ ಶವ!

ಚಿಕ್ಕಬಳ್ಳಾಪುರ: ನಿನ್ನೆ ಮನೆಯಿಂದ ಹೊರಗೆ ಹೋಗಿದ್ದ ತಾಯಿ-ಮಗ ಇಂದು ತೋಟದಲ್ಲಿನ ಸಂಪಿನಲ್ಲಿ ಶವವಾಗಿ ಪತ್ತೆ ಆಗಿದ್ದಾರೆ. ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ಇಂಥದ್ದೊಂದು ಪ್ರಕರಣ ವರದಿಯಾಗಿದೆ.

ಚಿಕ್ಕಬಳ್ಳಾಪುರ ಜಿಲ್ಲೆಯ ಶಿಡ್ಲಘಟ್ಟ ತಾಲೂಕಿನ ಹರಳಹಳ್ಳಿ ಗ್ರಾಮದ ನವಲತಾ (26) ಮತ್ತು ಆಕೆಯ ಪುತ್ರ ಅಂಜನ್​ಕುಮಾರ್ (5) ಸಾವಿಗೀಡಾದವರು. ಇವರು ನಿನ್ನೆ ಸಂಜೆ ಮನೆಯಿಂದ ತೋಟದ ಕಡೆಗೆ ಹೋಗಿದ್ದವರು ಮರಳಿರಲಿಲ್ಲ.

ಹೀಗಾಗಿ ತೋಟಕ್ಕೆ ಹೋಗಿ ಹುಡುಕಾಡಿದಾಗ ಅಲ್ಲಿನ ಸಂಪ್​ನಲ್ಲಿ ತಾಯಿ-ಮಗನ ಶವ ಪತ್ತೆಯಾಗಿವೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ನವಲತ ಸಂಬಂಧಿಕರು ವರದಕ್ಷಿಣೆ ಕಿರುಕುಳ ಆರೋಪ ಹೊರಿಸಿದ್ದಾರೆ.

ನವಲತಾ ಪತಿ ಸೊಣ್ಣೇ ಗೌಡ, ಆತನ ತಂದೆ ರಾಮಣ್ಣ, ತಾಯಿ ಪಿಳ್ಳಮ್ಮ, ಸೋದರರಾದ ಮುರಳಿ, ಚಂದ್ರು, ಗಾಯತ್ರಿ ಅವರ ಕಿರುಕುಳವೇ ಈ ಸಾವಿಗೆ ಕಾರಣ ಎಂದು ಶಿಡ್ಲಘಟ್ಟ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

https://www.vijayavani.net/there-are-5-under-50-cm-in-nation-now/

https://www.vijayavani.net/rgv-direction-upendra-acting-next-movie-title-is-r/