ಬನ್ನೇರುಘಟ್ಟ ಕಾಡಂಚಲ್ಲಿ 30ಕ್ಕೂ ಹೆಚ್ಚು ಕಾಡಾನೆಗಳು!; ಸುತ್ತಮುತ್ತಲ ನಿವಾಸಿಗರಲ್ಲಿ ಭಾರಿ ಆತಂಕ..

ಆನೇಕಲ್​: ಒಂಟಿ ಸಲಗ ಅಥವಾ ಬೆರಳೆಣಿಕೆಯ ಆನೆಗಳು ಕಾಣಿಸಿಕೊಳ್ಳುತ್ತಿದ್ದ ಆನೇಕಲ್​ ಸುತ್ತಮುತ್ತಲ ಪ್ರದೇಶದಲ್ಲಿ ಇದೇ ಮೊದಲ ಸಲ 30ಕ್ಕೂ ಹೆಚ್ಚು ಕಾಡಾನೆಗಳು ಒಟ್ಟಿಗೇ ಕಾಣಿಸಿಕೊಂಡಿದ್ದು, ಸ್ಥಳೀಯರಲ್ಲಿ ಆತಂಕ ಉಂಟುಮಾಡಿದೆ.

ಆನೇಕಲ್-ಕನಕಪುರ ರಸ್ತೆಯ ತಟ್ಟೆಕೆರೆ ಬಳಿ ಆನೆಗಳ ದೊಡ್ಡ ಹಿಂಡು ರಸ್ತೆ ದಾಟಿರುವ ವಿಡಿಯೋ ದಾರಿಹೋಕರ ಮೊಬೈಲ್​ಫೋನ್​ನಲ್ಲಿ ಸೆರೆಯಾಗಿದ್ದು, ಬಿರುಸಾಗಿ ಕಾಡಾನೆಗಳು ಸಾಗುತ್ತಿರುವ ದೃಶ್ಯ ನಿಜಕ್ಕೂ ಮೈನವಿರೇಳಿಸುವಂತಿದೆ. ಹೀಗೆ ಕಾಡಾನೆಗಳು ಸಾಗುತ್ತಿರುವಾಗ ವಾಹನ ನಿಲ್ಲಿಸಿಕೊಂಡು ವಿಡಿಯೋ ಮಾಡಿಕೊಂಡಿರುವ ಸವಾರರು ಅದನ್ನು ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ‘ನಾಯಿಗೆ ರಕ್ತ ಬೇಕಾಗಿದೆ!’; ಅಪಘಾತಕ್ಕೀಡಾಗಿ ಮೂಳೆ ಮುರಿದ ಶ್ವಾನಕ್ಕೆ ನಡೆಯಲಿದೆ ಸರ್ಜರಿ..

ಸಾಮಾನ್ಯವಾಗಿ ಈ ಪ್ರದೇಶದಲ್ಲಿ ಆಗಾಗ ಒಂಟಿ ಸಲಗ ಅಥವಾ ಬೆರಳೆಣಿಕೆಯ ಆನೆಗಳು ಕಾಣಿಸಿಕೊಳ್ಳುತ್ತಿದ್ದವು. ಆದರೆ ಇದೇ ಮೊದಲ ಸಲ ಎಂಬಂತೆ ಒಟ್ಟಿಗೆ 30 ಕಾಡಾನೆಗಳು ಹಿಂಡಿನಲ್ಲಿ ಕಾಣಿಸಿಕೊಂಡಿವೆ. ಇದರಲ್ಲಿ ಐದಕ್ಕೂ ಹೆಚ್ಚು ಮರಿಯಾನೆಗಳಿವೆ.

ಆನೆಗಳು ರಾಗಿಹಳ್ಳಿ ಸುತ್ತಮುತ್ತ ಈಗಾಗಲೇ ಬೆಳೆಗಳನ್ನು ಹಾಳುಮಾಡಿವೆ. ಈಗ ಈ ಹಿಂಡು ಮತ್ತಷ್ಟು ಬೆಳೆ ಹಾಳು ಮಾಡಲಿವೆಯೇನೋ ಎಂಬ ಆತಂಕದಲ್ಲಿದ್ದಾರೆ ರೈತರು. ತಮಿಳುನಾಡು ಭಾಗದಿಂದ ಆನೇಕಲ್ ವ್ಯಾಪ್ತಿಯ ಬನ್ನೇರುಘಟ್ಟಕ್ಕೆ ಬಂದಿರುವ ಕಾಡಾನೆಗಳು ಇವಾಗಿರಬಹುದು ಎಂದು ಅಂದಾಜಿಸಲಾಗಿದೆ.

https://www.vijayavani.net/man-molests-two-women-cops-from-anti-romeo-squad/

https://www.vijayavani.net/woman-reveals-she-was-groped-by-a-male-passenger-on-a-flight/

https://www.vijayavani.net/woman-breaks-down-after-being-asked-to-leave-gym/

https://www.vijayavani.net/96-year-old-lady-became-role-model-for-take-vaccination/

https://www.vijayavani.net/he-is-the-one-who-suffered-long-time-for-covid/