ಶ್ರವಣಬೆಳಗೊಳ ಸಮುದಾಯ ಆರೋಗ್ಯ ಕೇಂದ್ರದ ಸಭಾಂಗಣದಲ್ಲಿ ಸಾಹಿತ್ಯಾಸಕ್ತ ಬಂಧುಗಳ ವೇದಿಕೆ ವತಿಯಿಂದ ಬುಧವಾರ ಆಯೋಜಿಸಲಾಗಿದ್ದ 17ನೇ ಮಾಸದ ನೆನಪು ಕಾರ್ಯಕ್ರಮದಲ್ಲಿ ’ಸಂಸ್ಕಾರ’ ಕೃತಿ ಬಿಡುಗಡೆ ಮಾಡಿ ಮಾತನಾಡಿದ ಅವರು, ಭಾರತೀಯ ಸಾಂಸ್ಕೃತಿಕ ವ್ಯವಸ್ಥೆಯಲ್ಲಿ ಕೌಟುಂಬಿಕ ನಂಬಿಕೆಗೆ ಹೆಚ್ಚು ಒತ್ತು ನೀಡಲಾಗಿದೆ. ಕುಟುಂಬದಲ್ಲಿ ಬಾಲ್ಯದಿಂದಲೇ ಮಗುವಿಗೆ ಸಂಸ್ಕಾರ ನೀಡಿದರೆ ಉತ್ತಮ ವ್ಯಕ್ತಿತ್ವ ರೂಪುಗೊಳ್ಳುತ್ತದೆ ಎಂದರು.
ಶ್ರವಣಬೆಳಗೊಳದ ಲೇಖಕಿ ಪ್ರೇಮಾ ಪ್ರಶಾಂತ್ ಅವರ ಸಂಸ್ಕಾರ ಕೃತಿಯಲ್ಲಿ ಬದುಕಿನ ಸಂಸ್ಕಾರದ ಬಗ್ಗೆ ವ್ಯಾಖ್ಯಾನ ಮಾಡಲಾಗಿದ್ದು, ಮನುಷ್ಯನ ಸಾಧನೆಗೆ ಸಂಸ್ಕಾರ ಅತ್ಯವಶ್ಯಕವಾಗಿದೆ ಎಂಬ ಸಂವೇದನಾಶೀಲ ಲೇಖನಗಳು ನಿರೂಪಣೆಗೊಂಡಿವೆ. ಮಕ್ಕಳ ಸಾಹಿತ್ಯ, ಪುರುಷರ ಜಾಗತಿಕ ಸಮಸ್ಯೆಗಳು, ಸಾಮಾಜಿಕ ಜೀವನ ಪದ್ಧತಿ, ಮಹನೀಯರ ಆದರ್ಶ ಮೌಲ್ಯಗಳ ಉಲ್ಲೇಖಿತ ಲೇಖನಗಳು ಸಾಮಾಜಿಕ ಪರಿವರ್ತನೆಗೆ ಕಾರಣವಾಗುತ್ತವೆ ಎಂದು ತಿಳಿಸಿದರು.
