ಯಲ್ಲಾಪುರ: ತಾಲೂಕಿನ ದೇಹಳ್ಳಿ ಗ್ರಾ.ಪಂ ವ್ಯಾಪ್ತಿಯಲ್ಲಿ ಕುಂಬ್ರಾಳ ಜಲಪಾತಕ್ಕೆ ಹೋಗಲು ಮರಗಳ ಮಾರಣಹೋಮ ನಡೆಸಿ ರಸ್ತೆ ನಿರ್ವಿುಸಿದ ಸ್ಥಳಕ್ಕೆ ಭಾನುವಾರ ವಿಧಾನ ಪರಿಷತ್ ಸದಸ್ಯ ಶಾಂತಾರಾಮ ಸಿದ್ದಿ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
ಶಿವಪುರ ತೂಗು ಸೇತುವೆಯ ಬಳಿಯಿಂದ ಕುಂಬ್ರಾಳ ಜಲಪಾತದವರೆಗೆ ಮಾಡಲಾದ ರಸ್ತೆಯಲ್ಲಿ ತೆರಳಿ, ಮರಗಳನ್ನು ಕಡಿದು ಎಸೆದ ಬಗೆಗೆ ಖೇದ ವ್ಯಕ್ತಪಡಿಸಿದರು. ಈ ಕುರಿತು ಸ್ಥಳದಲ್ಲಿ ಉಪಸ್ಥಿತರಿದ್ದ ಅರಣ್ಯ ಇಲಾಖೆಯ ಅಧಿಕಾರಿಗಳಿಂದ ಮಾಹಿತಿ ಪಡೆದರು. ಘಟನೆಯ ಕುರಿತು ಸಂಪೂರ್ಣ ಮಾಹಿತಿ ನೀಡುವಂತೆ ಅಧಿಕಾರಿಗಳಿಗೆ ಸೂಚಿಸಿದರು. ಗ್ರಾ.ಪಂ ಅಧ್ಯಕ್ಷ ಶ್ರೀಪತಿ ಮುದ್ದೆಪಾಲ, ಎಸಿಎಫ್ ಅಶೋಕ ಭಟ್ಟ, ಗ್ರಾಮಸ್ಥರಾದ ಸತೀಶ ಕಟ್ಟಿಗೆ, ಶಂಕರ ಸಿದ್ದಿ, ಮಂಜುನಾಥ ಮೆಣಸುಮನೆ ಇತರರಿದ್ದರು.
