ಗ್ರಾಮೀಣ ಭಾಗದಲ್ಲಿ ಬಡತನ ನಿರ್ಮೂಲನೆಗಾಗಿ ಕೇಂದ್ರ ಸರ್ಕಾರ ಎನ್ಆರ್ಎಲ್ಎಂ ಯೋಜನೆ ಜಾರಿಗೆ ತಂದಿದೆ. ಈ ಯೋಜನೆಯ ಮೂಲಕ ಪ್ರತಿ ಗ್ರಾಮ ಪಂಚಾಯಿತಿ ಕೇಂದ್ರದಲ್ಲಿ ಒಕ್ಕೂಟ ರಚಿಸಿ, ಅಧ್ಯಕ್ಷರನ್ನು ನೇಮಕ ಮಾಡಿ ಗ್ರಾಪಂ ವ್ಯಾಪ್ತಿಯ ಸ್ವ-ಸಹಾಯ ಗುಂಪುಗಳ ಮಹಿಳೆಯರ ಸಬಲೀಕರಣಕ್ಕೆ ಸಾಲ ಸೌಲಭ್ಯ ನೀಡುವುದು ಸೇರಿ ಇತರ ಉದ್ದೇಶ ಈಡೇರಿಸುವುದು ಈ ಯೋಜನೆ ಉದ್ದೇಶ. ಆದರೆ, ಈಗ ಈ ಯೋಜನೆಯಡಿ ಸಾಲ ನೀಡುವ ವಿಷಯದಲ್ಲಿ ತಾಲೂಕು ಮೇಲ್ವಿಚಾರಕ ಮತ್ತು ಕೆಲ ವಲಯ ಮೇಲ್ವಿಚಾರಕರು ಸೇರಿ ಒಂದೇ ಸಂಘಕ್ಕೆ ಅನೇಕ ಬಾರಿ ಸಾಲ ನೀಡಿ, ಸಾಲದ ಹಣವನ್ನು ಮಹಿಳೆಯರಿಗೆ ನೀಡದೆ ತಾಲೂಕು ಮೇಲ್ವಿಚಾರಕನ ಪತ್ನಿಯ ಹೆಸರಿಗೆ ಆನ್ಲೈನ್ ಮೂಲಕ ವರ್ಗಾವಣೆ ಮಾಡಿ ಕೊಂಡಿದ್ದಾರೆ. ಸ್ವಲ್ಪ ಹಣವನ್ನು ವಲಯ ಮೇಲ್ವಿಚಾರಕಿ ಖಾತೆಗೆ ಜಮಾ ಮಾಡಿ, ಅವರಿಂದ ಸ್ವಲ್ಪ ಹಣ ನಗದು ರೂಪದಲ್ಲಿ, ಇನ್ನಷ್ಟು ಹಣವನ್ನು ಪೋನ್ಪೇ ಮೂಲಕ ಪಡೆದಿದ್ದಾರೆ. ಈ ರೀತಿ 12 ಲಕ್ಷ ರೂ.ಗಳಿಗೂ ಹೆಚ್ಚು ಹಣ ದುರುಪಯೋಗ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.
