ಪ್ರಧಾನಮಂತ್ರಿ ದಿನಾ ರೈಲು ಬಿಡ್ತಾರೆ..!

ತುಮಕೂರು: ಪ್ರಧಾನ ಮಂತ್ರಿ ದಿನಾ ರೈಲು ಬಿಡುತ್ತಾರೆ. ಇವತ್ತು ಒಂದೇ ದಿನ ಅಲ್ಲ. ಅಧಿಕಾರಕ್ಕೆ ಬಂದ ನೂರೇ ದಿನದಲ್ಲಿ ಕಪು$್ಪಹಣ ತಂದು ಎಲ್ಲರಿಗೂ 15 ಲಕ್ಷ ರೂ., ಕೊಡುವುದಾಗಿ ಹೇಳಿ ರೈಲು ಬಿಟ್ರಲ್ಲಾ, ಮತ್ತೆ 2 ಕೋಟಿ ಉದ್ಯೋಗ ಸೃಷ್ಟಿ ಮಾಡುತ್ತೀನಿ ಅಂತಾ ರೈಲು ಬಿಟ್ರಲ್ಲಾ, ಬಜೆಟ್​ನಲ್ಲಿ ಭದ್ರಾ ಮೇಲ್ದಂಡೆಗೆ 5 ಸಾವಿರ ಕೋಟಿ ಹಣ ಘೋಷಿಸಿದ್ದು ಈವರೆಗೆ ಒಂದು ನಯಾ ಪೈಸೆ ಕೊಟ್ಟಿಲ್ಲ, ಅದೆಲ್ಲಾ ರೈಲು ಬಿಟ್ಟಿಲ್ಲವಾ. ಮೋದಿ ದಿನಕ್ಕೊಂದು ರೈಲುಬಿಡ್ತಾರೆ ಎಂದು ಸಹಕಾರ ಸಚಿವ ಕೆ.ಎನ್​.ರಾಜಣ್ಣ ತುಮಕೂರಿನಲ್ಲಿ ವ್ಯಂಗ್ಯವಾಡಿದರು.

ನಗರದಲ್ಲಿ ಭಾನುವಾರ ಡಿಸಿಸಿ ಬ್ಯಾಂಕ್​ ಚುನಾವಣೆಗೆ ನಾಮಪತ್ರ ಸಲ್ಲಿಸಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ವಂದೇ ಭಾರತ್​ ರೈಲು ಬಿಡುವುದೇನ್ರಿ ಪ್ರಧಾನ ಮಂತ್ರಿ ದಿನವು ರೈಲು ಬಿಡುತ್ತಾರೆ ಎಂದರು.