ಇದೇನು ಗೋಪಾಲಪ್ಪನ ಛತ್ರನಾ !

ತುಮಕೂರು: ಕೆಡಿಪಿ ಸಭೆಗೆ ತಡವಾಗಿ ಬಂದ ಅಧಿಕಾರಿಗಳಿಗೆ ಜಿಲ್ಲಾ ಉಸ್ತುವಾರಿ ಸಚಿವರು ಆದ ಗೃಹ ಸಚಿವ ಡಾ.ಜಿ.ಪರಮೇಶ್ವರ ಚಳಿ ಬಿಡಿಸಿದರು.

ಇದೇನು ಗೋಪಾಲ್ಪನ ಛತ್ರನಾ. ಮತ್ತೆ ಇದು ಪುನರಾವರ್ತನೆ ಆಗಬಾರದು ಎಂದ ಪರಮೇಶ್ವರ್​ ಸೋಮವಾರ ಕೆಡಿಪಿ ತೆಮಾಸಿಕ ಸಭೆಗೆ ನಿಗದಿತ ಸಮಯಕ್ಕಿಂತ ತಡವಾಗಿ ಬಂದ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡರಲ್ಲದೆ, ಅಧಿಕಾರಿಗಳಿಗೆ ಬಾಗಿಲುತೆರೆಯದಂತೆ ಸೂಚನೆ ನೀಡಿದರು.

ಶಾಸಕರಿಗು ಸಮಯದ ಪಾಠ!: ಇನ್ನೊಂದು ಕಡೆ ಸಭೆಗೆ ತಡವಾಗಿ ಬಂದ ಶಾಸಕರಿಗೂ ಸಮಯದ ಪಾಠ ಮಾಡಿದ ಸಚಿವ ಡಾ..ಜಿ.ಪರಮೇಶ್ವರ್​, ಸಭೆಗೆ ತಡವಾಗಿ ಬಂದ ಗುಬ್ಬಿ ಕ್ಷೇತ್ರದ ಶಾಸಕ ಎಸ್​.ಆರ್​. ಶ್ರೀನಿವಾಸ್​, ಪಾವಗಡ ಶಾಸಕ ಎಚ್​.ವಿ.ವೆಂಕಟೇಶ್​ ಗೆ ಇನ್ನೊಬ್ಬರಿಗೆ ಹೇಳಬೇಕಾದವರೇ ತಡವಾಗಿ ಬಂದರೆ ಹೇಗೆ ಎಂದು ಪ್ರಶ್ನಿಸಿದರು. ಈ ವೇಳೆ ಮಧ್ಯ ಪ್ರವೇಶಿಸಿದ ದೆಹಲಿ ವಿಶೇಷ ಪ್ರತಿನಿಧಿ ಟಿ.ಬಿ.ಜಯಚಂದ್ರ ವಿಷಯಾಂತರ ಮಾಡಿದರು. ಸಚಿವರು ತರಾಟೆಗೆ ತೆಗೆದುಕೊಂಡು ಏನೂ ಆಗಲ್ಲಿವೆಂಬಂತೆ ಅಧಿಕಾರಿಗಳು ಹಾಗೂ ಉಳಿದ ಶಾಸಕರು ನಕ್ಕು ಸುಮ್ಮನಾದರು.