ಅಂದು ಸಂಜೆ 5.45ಕ್ಕೆ ಚೆನ್ನೈ ಮೂಲದ ಭರತನಾಟ್ಯ ಕಲಾವಿದೆ ಲಾವಣ್ಯಾ ಅನಂತ್ ಕಾರ್ಯಕ್ರಮಕ್ಕೆ ಚಾಲನೆ ನೀಡುವರು. ಹೆಸರಾಂತ ಭರತನಾಟ್ಯ ಕಲಾವಿದರಾದ ಶಿಲ್ಪಾ ನಂಜಪ್ಪ (ಕೊಡಗು), ದಿವ್ಯಾ ನಾಯರ್(ಚೆನ್ನೈ), ಇಂದು ವೇಣು (ಬೆಂಗಳೂರು), ಮಂಜುಳಾ ಸುಬ್ರಹ್ಮಣ್ಯ (ಪುತ್ತೂರು) ಮತ್ತು ರಾಧಿಕಾ ಶೆಟ್ಟಿ (ಮಂಗಳೂರು) ಏಕವ್ಯಕ್ತಿ ಪ್ರದರ್ಶನ ನೀಡಲಿದ್ದಾರೆ. ಹಿಮ್ಮೇಳದಲ್ಲಿ ವಿದ್ಯಾಶ್ರೀ ರಾಧಾಕೃಷ್ಣ (ನಟುವಾಂಗ), ನಂದಕುಮಾರ್ ಉಣ್ಣಿಕೃಷ್ಣನ್(ಗಾಯನ), ಕಾರ್ತಿಕ್ ವೈಧಾತ್ರಿ (ಮೃದಂಗ) ಮತ್ತು ನಿತೀಶ್ ಅಮ್ಮಣ್ಣಾಯ (ಕೊಳಲು) ಸಹಕರಿಸುವರು. ಕಲಾಸಕ್ತರಿಗೆ ಉಚಿತ ಪ್ರವೇಶ ಎಂದು ನೃತ್ಯಾಂಗನ್ ಸಂಸ್ಥೆಯ ನಿರ್ದೇಶಕಿ, ಕಲಾವಿದೆ ರಾಧಿಕಾ ಶೆಟ್ಟಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
