ಶಿಕ್ಷಕ ವೃತ್ತಿ ಅವರ್ಣನೀಯ

ತಾಲೂಕಿನ ಪಾಲಹಳ್ಳಿ ಗ್ರಾಮ ಸಮೀಪ ಖಾಸಗಿ ಹೋಟೆಲ್‌ನಲ್ಲಿ ಮಂಗಳವಾರ ಶ್ರೀರಂಗಪಟ್ಟಣ ಪದವಿ ಪೂರ್ವ ಕಾಲೇಜು ಪ್ರೌಢಶಾಲಾ ವಿಭಾಗದ 1997ರ ಎಸ್ಸೆಸ್ಸೆಲ್ಸಿ ಬ್ಯಾಚ್‌ನ ವಿದ್ಯಾರ್ಥಿಗಳು ಆಯೋಜಿಸಿದ್ದ ಗುರುವಂದನಾ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಶಿಕ್ಷಕರಿಂದಲೇ ಸನ್ಮಾನ ಸ್ವೀಕರಿಸಿ ಮಾತನಾಡಿದರು.

ತನ್ನಲ್ಲಿರುವ ಜ್ಞಾನವನ್ನು ವಿದ್ಯಾರ್ಥಿಗೆ ಧಾರೆ ಎರೆದು ಪ್ರಜ್ಞಾವಂತಿಕೆಯ ಬದುಕು ಕಲಿಸುವ ಶಿಕ್ಷಕ ವೃತ್ತಿ ಎಂದಿಗೂ ಅವರ್ಣನೀಯ. ತಮ್ಮ ಜೀವನದ ಸ್ಥಾನಮಾನಗಳನ್ನು ಪ್ರತಿ ಹಂತದಲ್ಲೂ ದೊರಕಿಸಲು ದುಡಿದ ಗುರುಗಳನ್ನು ಪ್ರತಿಯೊಬ್ಬ ವಿದ್ಯಾರ್ಥಿಯು ಸ್ಮರಿಸಿ ಗೌರವಿಸಬೇಕು ಎಂದರು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಶಿಕ್ಷಕ ರಂಗಸ್ವಾಮಿ, ನಾವು ಕಲಿಸಿದ ವಿದ್ಯಾರ್ಥಿಗಳು ಸಮಾಜದ ಸತ್ಪ್ರಜೆಗಳಾಗಿರುವುದು ಸಂತಸದ ವಿಚಾರ. ಅದರಲ್ಲೂ ವಿದ್ಯಾರ್ಥಿ ಕುಮಾರ್ ಈಗ ಇನ್‌ಸ್ಪೆಕ್ಟರ್ ಬಿ.ಜಿ.ಕುಮಾರ್ ಆಗಿ ತಮ್ಮ ಸೇವೆಯಿಂದ ಮುಖ್ಯಮಂತ್ರಿ ಪದಕದ ಗೌರವ ಸ್ವೀಕರಿಸಿರುವುದು ನಾವು ಕಲಿಸಿದ ವಿದ್ಯೆಗೆ ಸಿಕ್ಕ ಸಾರ್ಥಕತೆ ಎಂದು ಸಂತಸ ವ್ಯಕ್ತಪಡಿಸಿ ವೇದಿಕೆಯಲ್ಲಿ ಬಿ.ಜಿ.ಕುಮಾರ್ ಅವರನ್ನು ಅಭಿನಂದಿಸಿದರು.

ಇದಕ್ಕೂ ಮುನ್ನ ಶಾಲೆಯ ಎಲ್ಲ ಶಿಕ್ಷಕರನ್ನು ವಿದ್ಯಾರ್ಥಿಗಳು ಅತ್ಯಂತ ಗೌರವಪೂರ್ವಕವಾಗಿ ಸನ್ಮಾನಿಸಿದರು. ಕಾರ್ಯಕ್ರಮದಲ್ಲಿ 1997ರ ಬ್ಯಾಚ್‌ನ ವಿದ್ಯಾರ್ಥಿಗಳಾದ ರಾಘವೇಂದ್ರ, ಪ್ರಕಾಶ್, ಕುಮಾರ್, ಶಿಲ್ಪಾ, ಪವಿತ್ರಾ, ಚಂಪಕ, ಉತ್ತಮ್, ಪ್ರಶಾಂತ್, ನಾಗೇಶ್, ಕಿರಣ್ ಸೇರಿದಂತೆ ಹಲವರು ಇದ್ದರು.