ಕನ್ನಡ ಭಾಷೆ ಉಳಿಸಲು ಕಂಕಣಬದ್ಧರಾಗಿ

ತಾಲೂಕಿನ ಚಿಕ್ಕಂಕನಹಳ್ಳಿಯ ಶ್ರೀ ನಂದಿ ಬಸವೇಶ್ವರಸ್ವಾಮಿ ದೇಗುಲದಲ್ಲಿ ಕೆಸ್ತೂರು ಆಟೋ ಚಾಲಕರ ಸಂಘದ ವತಿಯಿಂದ ಶುಕ್ರವಾರ ಆಯೋಜಿಸಿದ್ದ ಕನ್ನಡ ರಾಜ್ಯೋತ್ಸವಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಆಟೋ ಚಾಲಕರಿಗೆ ಕನ್ನಡ ಭಾಷೆಯ ಬಗ್ಗೆ ಅಪಾರವಾದ ಗೌರವವಿದ್ದು, ಕನ್ನಡ ಭಾಷೆ ಉಳಿಸುವ ನಿಟ್ಟಿನಲ್ಲಿ ಆಟೋ ಚಾಲಕರು ಆಟೋಗಳ ಮೇಲೆ ಕನ್ನಡ ಭಾಷಾಭಿಮಾನ ಮೂಡಿಸುವ ಬರಹಗಳನ್ನು ಹಾಕಿಕೊಂಡು ಕನ್ನಡದ ರಾಯಬಾರಿಗಳಾಗಿದ್ದಾರೆಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಕೆಸ್ತೂರಿನಿಂದ ಹಲವಾರು ಆಟೋಗಳು ಚಿಕ್ಕಂಕನಹಳ್ಳಿಯಿಂದವರೆಗೆ ಕನ್ನಡ ಬಾವುಟಗಳನ್ನು ಹಾಕಿಕೊಂಡು ಶ್ರೀ ನಂದಿ ಬಸವೇಶ್ವರ ಸ್ವಾಮಿ ದೇವಾಲಯಕ್ಕೆ ಆಗಮಿಸಿ ವಿಶೇಷ ಪೂಜೆ ಸಲ್ಲಿಸಿದರು. ಪೂಜಾ ವಿಧಾನಗಳನ್ನು ಅರ್ಚಕ ಕಲ್ಲೇಶ್‌ಕುಮಾರ್ ನೆರವೇರಿಸಿದರು. ಆಟೋ ಚಾಲಕರಾದ ಯೋಗೇಶ್, ಸತೀಶ್, ಶಿವಕುಮಾರ್, ರವಿ, ಶಿವು ಪುಟ್ಟಸ್ವಾಮಿ, ಪ್ರಕಾಶ್ ಇದ್ದರು.