7 ಚಿನ್ನದ ಪದಕ ಪಡೆದ ಸಿ.ಎನ್.ಅಭಿಷೇಕ್ ಅಭಿನಂದನೆ

ಇವರ ಈ ಸಾಧನೆಯನ್ನು ಗುರುತಿಸಿ ಮೇಲುಕೋಟೆ ಶಾಸಕ ದರ್ಶನ್ ಪುಟ್ಟಣ್ಣಯ್ಯ ಅವರು ಸಾಧಕನ ಮನೆ ತಾಲೂಕಿನ ಚಿನಕುರಳಿಗೆ ಆಗಮಿಸಿ ಅಭಿನಂದಿಸಿದರು. ವಿದ್ಯೆ ಸಾಧಕನ ಸ್ವತ್ತು ಎಂಬುದಕ್ಕೆ ಈ ಬಡ ಕುಟುಂಬದ ಸಾಧನೆಯೇ ಸಾಕ್ಷಿ ಎಂದು ಬಣ್ಣಿಸಿದ ಶಾಸಕರು, ಚಿನಕುರಳಿ ಗ್ರಾಮದ ದಿ. ನಿಂಗರಾಜು ಅವರ ಪುತ್ರ ಸಿ.ಎನ್.ಅಭಿಷೇಕ್ ಅವರು ಮೈಸೂರು ವಿಶ್ವವಿದ್ಯಾಲಯದ 106ನೇ ಘಟ್ಟಿಕೋತ್ಸವದಲ್ಲಿ ಎಂ.ಎಸ್‌ಸಿ ಭೂಗೋಳಶಾಸ್ತ್ರದಲ್ಲಿ ಏಳು ಚಿನ್ನದ ಪದಕಗಳನ್ನು ಪಡೆದು ಮಂಡ್ಯ ಜಿಲ್ಲೆಗೆ ಗೌರವ ತಂದಿದ್ದಾರೆ. ಈ ಸಂದರ್ಭದಲ್ಲಿ ಅವರ, ಮುಂದಿನ ಜೀವನ ಸುಖಕರವಾಗಿರಲಿ ಎಂದು ಶಾಸಕ ದರ್ಶನ್ ಪುಟ್ಟಣ್ಣಯ್ಯ ಶುಭ ಹಾರೈಸಿದರು.

ಈ ವೇಳೆ ರೈತ ಸಂಘದ ಮುಖಂಡರಾದ ಕಾಳೇಗೌಡನಕೊಪ್ಪಲು ವೆಂಕಟೇಶ್, ಚಿನಕುರಳಿ ಪುಟ್ಟೇಗೌಡ, ನಾಗೇಶ್ ಇತರರಿದ್ದರು.