ಸಕಾರಾತ್ಮಕ ಬದಲಾವಣೆಗೆ ಉತ್ಸಾಹದಿಂದ ಕೈಜೋಡಿಸಿ

ಇಲ್ಲಿನ ಮಾರುತಿ ಪಾರ್ಟಿ ಹಾಲ್‌ನಲ್ಲಿ ರೋಟರಿ ಭಾರತೀನಗರ ಸೆಂಟ್ರಲ್ 2026-27ನೇಸಾಲಿನ ಪದಾಧಿಕಾರಿಗಳ ಅನುಷ್ಠಾನ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ರೋಟರಿ ಸಂಸ್ಥೆ ಜಗತ್ತಿನಾದ್ಯಂತ ಮಾನವೀಯ ಸೇವೆಗೆ ಹೆಸರಾಗಿದೆ. ನೂತನ ಪದಾಧಿಕಾರಿಗಳು ಅದರಂತೆ ಸೇವೆಯಲ್ಲಿ ತೊಡಗಬೇಕು ಎಂದು ಕರೆ ನೀಡಿದರು.

ಶಿಕ್ಷಣ, ಆರೋಗ್ಯ, ಪರಿಸರ ಸಂರಕ್ಷಣೆ, ಮಹಿಳಾ ಸಬಲೀಕರಣ, ಯುವಜನ ಅಭಿವೃದ್ಧಿಗೆ ಹೆಚ್ಚಿನ ಆದ್ಯತೆ ನೀಡಲಾಗುವುದು. ವರ್ಷ ಪೂರ್ತಿ ಅರ್ಥಪೂರ್ಣ ಹಾಗೂ ಜನೋಪಯೋಗಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುತ್ತಿದ್ದು, ಇದಕ್ಕೆ ಎಲ್ಲ ಸದಸ್ಯರ ಸಹಕಾರ ಮುಖ್ಯ ಎಂದು ತಿಳಿಸಿದರು.

ನೂತನ ಅಧ್ಯಕ್ಷರಾಗಿ ಪ್ರಮಾಣ ವಚನ ಸ್ವಿಕರಿಸಿ ಮಾತನಾಡಿದ ಪ್ರದೀಪ್ ಸುಂದ್ರಪ್ಪ, ರೋಟರಿ ನಿಸ್ವಾರ್ಥ ಸೇವೆ ಮತ್ತು ಸಮಾಜದ ಏಳಿಗೆಗಾಗಿ ಶ್ರಮಿಸುತ್ತಿರುವ ಒಂದು ದೊಡ್ಡ ಕುಟುಂಬ. ಕಳೆದ ವರ್ಷಗಳಲ್ಲಿ ನಮ್ಮ ಕ್ಲಬ್ ಸಾಧಿಸಿರುವ ಯಶಸ್ಸು ಮತ್ತು ಕೈಗೊಂಡಿರುವ ಸಮಾಜಮುಖಿ ಕಾರ್ಯ ಶ್ಲಾಘನೀಯ. ಈ ವರ್ಷವೂ ಕೂಡ ಅದೇ ಉತ್ಸಾಹದಿಂದ ಮುಂದುವರಿಯಲಿದ್ದೇವೆ ಎಂದು ತಿಳಿಸಿದರು.

ಹೊಸ ಅವಧಿಯಲ್ಲಿ ಆರೋಗ್ಯ, ಶಿಕ್ಷಣ, ಪರಿಸರ ಸಂರಕ್ಷಣೆ ಮತ್ತು ಸಮುದಾಯ ಅಭಿವೃದ್ಧಿಗೆ ಸಂಬಂಧಿಸಿದ ಯೋಜನೆಗಳನ್ನು ಹೆಚ್ಚು ಪರಿಣಾಮಕಾರಿಯಾಗಿ ಜಾರಿಗೆ ತರಲು ಶ್ರಮಿಸಲಾಗುವುದು. ನಾವೆಲ್ಲರೂ ಒಟ್ಟಾಗಿ ದುಡಿದಾಗ ಮಾತ್ರ ಸಮಾಜದಲ್ಲಿ ಧನಾತ್ಮಕ ಬದಲಾವಣೆಯನ್ನು ತರಲು ಸಾಧ್ಯ ಎಂದರು.

ಜಿಲ್ಲಾ ಕಾರ್ಯದರ್ಶಿ ಅಕ್ಷರಂ ವೆಂಕಟೇಶ್, ವಲಯ ಅಧಿಕಾರಿ ಬರ್ನಾಡಪ್ಪ ವಲಯ ಕಾರ್ಯದರ್ಶಿ ಎ.ಆರ್.ಚಂದ್ರೇಶ್, ಜಿಲ್ಲಾ ಪ್ರಾಂತಪಾಲ ಎ.ಪಿ.ಧರ್ಮರಾಜು, ಕಾರ್ಯದರ್ಶಿ ಡಾ.ಸಿ.ಸೌಮ್ಯಾ ರಾಜೇಶ್ , ಮಾಜಿ ಅಧ್ಯಕ್ಷರಾದ ಕುಮಾರ್ ರಾಜು, ಮರಿಸ್ವಾಮಿ, ಶಶಿಕುಮಾರ್, ಸಿದ್ದೇಗೌಡ, ದೇವರಹಳ್ಳಿ ಶಿವರಾಮೇಗೌಡ, ಅಣ್ಣೂರು ಮರಿಚನ್ನೇಗೌಡ, ಶ್ರೀನಿವಾಸ್, ಎಂ.ಆರ್.ಮಧುಸೂದನ್, ಕೆ.ಟಿ.ಸುರೇಶ್, ಬಿ.ವಿ.ಮಧುಸೂದನ್, ಸದಸ್ಯರಾದ ಶಿವಮ್ಮ, ಶಿವರತ್ನ ಮಣಿ, ಕೃಷ್ಣ, ಮಹೇಶ್ ಹಲವರು ಇದ್ದರು.