ಜಾನಪದ ಅಧ್ಯಯನ ಆಸಕ್ತರು ವಿರಳ

ಪಟ್ಟಣದ ಡಾ.ಬಿ.ಆರ್.ಅಂಬೇಡ್ಕರ್ ಭವನದಲ್ಲಿ ಮಳವಳ್ಳಿ ಸುಂದ್ರಮ್ಮ ಸಾಂಸ್ಕೃತಿಕ ವೇದಿಕೆ ವತಿಯಿಂದ ಜನಪದ ಚೇತನ ಮಹದೇವಮ್ಮನವರ ಸ್ಮರಣಾರ್ಥ ಗುರುವಾರ ನಡೆದ ಲಾದಸ್ವರ ಕಲಿಕಾ ಕೇಂದ್ರ ಉದ್ಘಾಟನೆ ಹಾಗೂ ಮಳವಳ್ಳಿ ಪಿ.ನಾಗರತ್ನಮ್ಮ ಸಂಪಾದಿತ ‘ಗಣಪತರಾಜನ ಜನಪದ ಕಾವ್ಯ’ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದರು.

ವಿಶ್ವವಿದ್ಯಾಲಯ ಜಾನಪದ ವಿಭಾಗಗಳು ವಿದ್ಯಾರ್ಥಿಗಳಿಲ್ಲದೆ ಮುಚ್ಚುತ್ತಿವೆ. ಜಾನಪದ ಮತ್ತು ಕನ್ನಡ ಪ್ರಾಧ್ಯಾಪಕರಿಗೂ ಜನಪದ ಸಾಹಿತ್ಯದ ಕಡೆಗೆ ಆಸಕ್ತಿ ಇಲ್ಲವಾಗಿದೆ. ಸಂಗ್ರಹ ಮತ್ತು ಸಂಶೋಧನಾ ಕಾರ್ಯ ಸ್ಥಗಿತವಾಗುತ್ತಿದೆ. ಆದ್ದರಿಂದ, ಹೊಸ ತಲೆಮಾರಿನ ವಿದ್ಯಾರ್ಥಿಗಳು ಜಾನಪದ ಸಾಹಿತ್ಯದ ಅಧ್ಯಯನ ಮತ್ತು ಸಂಗ್ರಹದೆಡೆಗೆ ಅಭಿರುಚಿ ಬೆಳೆಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಪ್ರಸ್ತುತ ದಿನಗಳಲ್ಲಿ ವಿದ್ಯಾರ್ಥಿಗಳು ತಂತ್ರಜ್ಞಾನ ಸಾಧನಗಳತ್ತ ಹೆಚ್ಚು ಆಕರ್ಷಿತರಾಗುತ್ತಿದ್ದಾರೆ. ಓದುವ ಮತ್ತು ಜ್ಞಾನ ಸಂಪಾದಿಸುವ ಸಮಯ ವ್ಯರ್ಥವಾಗುತ್ತಿದೆ. ವಿದ್ಯಾರ್ಥಿಗಳು ತಂತ್ರಜ್ಞಾನ ಸಾಧನಗಳ ಬಳಕೆಗೆ ಸ್ವಯಂ ಕಡಿವಾಣ ಹಾಕಿಕೊಳ್ಳಬೇಕು ಎಂದರು.

ಸಾಹಿತಿ ಡಾ.ಜೆ.ರಾಜು ಗುಂಡಾಪುರ ಮಾತನಾಡಿ, ಜನಪದವಿಲ್ಲದೆ ನಮ್ಮ ಬದುಕಿಲ್ಲ. ಜಾನಪದ ಸಾಹಿತ್ಯಕ್ಕೆ ಸಾವಿಲ್ಲ. ಅದನ್ನು ಯಾವ ತಂತ್ರಜ್ಞಾನವೂ ಅಳಿಸಲು ಸಾಧ್ಯವಿಲ್ಲ. ಹೊಸ ಹೊಸ ರೂಪದಲ್ಲಿ ಅದು ತನ್ನ ಅಸ್ತಿತ್ವ ಸ್ಥಾಪಿಸಿಕೊಂಡಿದೆ. ಮಲೆ ಮಹದೇಶ್ವರ ಮತ್ತು ಮಂಟೇಸ್ವಾಮಿ ಮಹಾಕಾವ್ಯಗಳು ಜನಪದ ಧರ್ಮವನ್ನು ಕಟ್ಟಿವೆ. ಸಮಾಜದಲ್ಲಿನ ಶೂದ್ರ ವರ್ಗದವರು ಕಟ್ಟಿ ಬೆಳೆಸಿದ ಜನಪದಕ್ಕೆ ಅದೆಷ್ಟೇ ಶತಮಾನವಾದರೂ ಅಳಿವಿಲ್ಲ ಎಂದು ಹೇಳಿದರು.

ತಲಕಾಡು ರಂಗೇಗೌಡರ ಮೊಮ್ಮಗ ಎನ್.ಹರ್ಷ, ಸಾಹಿತಿ ಟಿ. ಸತೀಶ್ ಜವರೇಗೌಡ, ಸಂಘಟಕ ಪೊತೇರ ಮಹದೇವ ಅವರಿಗೆ ಗುರುವಂದನೆ ಸಲ್ಲಿಸಲಾಯಿತು. ಪೌರಕಾರ್ಮಿಕರಾದ ನಿತಿನ್ ಕುಮಾರ್, ಬಿ.ವೆಂಕಟೇಶ್, ಎಂ.ಜಿ. ರವಿಚಂದ್ರ ಅವರನ್ನು ಸನ್ಮಾನಿಸಲಾಯಿತು. ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಕನ್ನಡದಲ್ಲಿ ಹೆಚ್ಚು ಅಂಕಗಳನ್ನು ಪಡೆದ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ವಿತರಿಸಲಾಯಿತು.

ತಿ.ನರಸೀಪುರದ ರಾಮರೂಢ ಮಠದ ವೇದವತಿ ಮಾತಾಜಿ, ಪೊತೇರ ಮಹದೇವ, ಹೈಕೋರ್ಟ್ ವಕೀಲ ಕಾಳಯ್ಯ, ಮಳವಳ್ಳಿ ಸುಂದ್ರಮ್ಮ ಸಾಂಸ್ಕೃತಿಕ ವೇದಿಕೆ ಅಧ್ಯಕ್ಷೆ ಮಳವಳ್ಳಿ ಪಿ.ನಾಗರತ್ನಮ್ಮ, ಆಕಾಶವಾಣಿ ಉದ್ಘೋಷಕ ಡಾ.ಮೈಸೂರು ಉಮೇಶ್, ನಿವೃತ್ತ ಉಪ ನಿರ್ದೇಶಕ ಜಯಪ್ರಕಾಶ್, ರಂಗಕರ್ಮಿ ಕಿರಣ್ ಗಿರ್ಗಿ, ಜಾನಪದ ಗಾಯಕ ಡಾ.ಮಳವಳ್ಳಿ ಮಹದೇವಸ್ವಾಮಿ, ಮೈಸೂರು ಗುರುರಾಜ್, ತಾಲೂಕು ಕಸಾಪ ಅಧ್ಯಕ್ಷ ಎಲ್.ಚೇತನ್ ಕುಮಾರ್ ಉಪಸ್ಥಿತರಿದ್ದರು. ಜಾನಪದ ಗಾಯಕರು ಗೀತಗಾಯನ ನಡೆಸಿಕೊಟ್ಟರು.