ನಾಯಿಗಳ ಕಾಟ, ಜನರಲ್ಲಿ ಆತಂಕ

ಗ್ರಾಮದ ಹೊರವಲಯದಲ್ಲಿ ಶಕ್ತಿದೇವತೆ ಗುಂಡುಮಾರಿಯಮ್ಮ ದೇಗುಲವಿದೆ. ಬೀಗರ ಔತಣ, ನಾಮಕರಣ ಸೇರಿದಂತೆ ವಿವಿಧ ಹರಕೆಗಳನ್ನು ತೀರಿಸಲು ಬರುವ ಭಕ್ತರು ದೇವಿಗೆ ಮಾಂಸದ ಅಡುಗೆ ನೈವೇದ್ಯ ಅರ್ಪಿಸುತ್ತಾರೆ. ಮಾಂಸದ ಊಟದ ರುಚಿ ಕಂಡಿರುವ ಬೀದಿನಾಯಿಗಳು ಈ ಸ್ಥಳದಲ್ಲಿಯೇ ಠಿಕಾಣಿ ಹೂಡಿವೆ. ಅಲ್ಲದೆ ಗ್ರಾಮ ಹಾಗೂ ತೋಟದ ಮನೆಗಳಲ್ಲಿ ಜೀವನೋಪಾಯಕ್ಕಾಗಿ ಸಾಕಿರುವ ಕುರಿ, ಕೋಳಿ, ಮೇಕೆ, ಜಾನುವಾರುಗಳ ಮೇಲೆ ಬೀದಿ ನಾಯಿಗಳು ಪ್ರತಿದಿನವೂ ದಾಳಿ ಮಾಡುತ್ತಿವೆ.

ಜತೆಗೆ ಶಾಲಾ ಕಾಲೇಜುಗಳಿಗೆ ಮಕ್ಕಳು ತೆರಳಲು ಕಷ್ಟವಾಗಿದೆ. ಒಂಟಿಯಾಗಿ ಮಕ್ಕಳು, ಮಹಿಳೆಯರು, ವಯೋವೃದ್ಧರು ಓಡಾಡದಂತಾಗಿದೆ. ಕೂಡಲೇ ಸಂಬಂಧಪಟ್ಟ ಅಧಿಕಾರಿಗಳು ನಾಯಿಗಳ ಹಾವಳಿ ತಪ್ಪಿಸಲು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.