ಅಭಿಮಾನಿಗಳ ಬಳಗದಿಂದ ಡಾಲು ರವಿ ಜನ್ಮ ದಿನ

ಡಾಲು ರವಿ ನಿವಾಸದಲ್ಲಿ ಹುಟ್ಟುಹಬ್ಬಕ್ಕೆ ಶುಭ ಕೋರಲು ಆಗಮಿಸುವವರಿಗೆ ವೇದಿಕೆ ನಿರ್ಮಿಸಲಾಗಿತ್ತು. ಮಂಗಳವಾರದಿಂದಲೇ ಅಭಿಮಾನಿಗಳು, ಹಿತೈಷಿಗಳು, ಸ್ನೇಹಿತರು, ರಾಜಕೀಯ ಮುಖಂಡರು ಆಗಮಿಸಿ ಶುಭ ಕೋರಿದರು. ಶುಭಕೋರಲು ಸಹಸ್ರಾರು ಸಂಖ್ಯೆಯಲ್ಲಿ ಜನರು ಆಗಮಿಸಿದ್ದರು. ಮಂಗಳವಾರ ರಾತ್ರಿಯಿಂದ ಬುಧವಾರ ರಾತ್ರಿವರೆಗೂ ಸಾರ್ವಜನಿಕರಿಗೆ ಊಟದ ವ್ಯವಸ್ಥೆ ಮಾಡಲಾಗಿತ್ತು. ಮಹಿಳೆಯರಿಗೆ ಬಾಗೀನ ನೀಡಲಾಯಿತು.

ಮಗಳವಾರ ರಾತ್ರಿ ಚಿಕ್ಕನ್ ಚಾಪ್ಸ್, ಚಿಲ್ಲಿ ಚಿಕನ್, ಫಿಶ್, ಮೊಟ್ಟೆ, ಚಿತ್ರನ್ನ, ಜಿಲೇಬಿ, ಅನ್ನ ಸಾಂಬಾರ್, ಬುಧವಾರ ಬೆಳಗ್ಗೆ ತಟ್ಟೆ ಇಡ್ಲಿ, ಚಿಕ್ಕನ್ ಚಾಪ್ಸ್, ಚಿಲ್ಲಿ ಚಿಕನ್, ಫಿಶ್, ಮೊಟ್ಟೆ, ಮಧ್ಯಾಹ್ನ ಚಿಕನ್, ಫಿಶ್‌ನ ಹಲವು ರೀತಿಯ ಖಾದ್ಯದ ಜತೆಗೆ ಹುರುಳಿ ಕಾಳು ಸಾಂಬಾರ್, ಬೆಣ್ಣೆ ಊಟವನ್ನು ಸಹಸ್ರಾರು ಸಂಖ್ಯೆಯ ಜನರು ಸವಿದರು. ಜನರ ಆಗಮನದ ವೇಳೆ ಜ್ಯೂಸ್, ಐಸ್ ಕ್ರೀಮ್ ವ್ಯವಸ್ಥೆ ಮಾಡಲಾಗಿತ್ತು.

ಕಾರ್ಯಕ್ರಮದ ಮುಂದಾಳತ್ವವನ್ನು ಹಾದನೂರು ಪರಮೇಶ್, ಅಗ್ರಹಾರಬಾಚಹಳ್ಳಿ ನಾಗೇಶ್, ಕೈಗೋನಹಳ್ಳಿ ಜಯರಾಂ, ಜಾಗಿನಕೆರೆ ಅಂಬರೀಶ್, ಅಶೋಕನಗರ ಬಂಕ್ ಚಂದ್ರಶೇಖರ್, ಸಹೋದರ ಬಜಾಜ್ ಷೋರೂಂ ಸಂತೋಷ್, ಪುತ್ರ ಆರ್ಯನ್‌ಗೌಡ( ಪ್ರೀತಮ್‌ಗೌಡ) ಸೇರಿದಂತೆ ಹಲವರು ವಹಿಸಿದ್ದರು.