ಕಬ್ಬು ಅಭಿವೃದ್ಧಿಗೆ ಎಐ ತಂತ್ರಜ್ಞಾನ ಅವಶ್ಯ

ಇಲ್ಲಿನ ರೈಲ್ವೆ ನಿಲ್ದಾಣದ ಬಳಿಯ ಪಿಎಸ್‌ಎಸ್‌ಕೆ ಪ್ರೌಢಶಾಲೆಯಲ್ಲಿ ನಿರಾಣಿ ಶುಗರ್ಸ್ ಹಾಗೂ ಕೃಷಿಕ ಸಮಾಜ ಬುಧವಾರ ಆಯೋಜಿಸಿದ್ದ ಕಬ್ಬು ಬೆಳೆಯಲ್ಲಿ ಕೃತಕ ಬುದ್ಧಿಮತ್ತೆ ವಿಚಾರ ಸಂಕಿರಣ ಉದ್ಫಾಟಿಸಿ ಮಾತನಾಡಿದರು.

ರೈತರು ಆಧುನಿಕ ತಂತ್ರಜ್ಞಾನ ಬಳಸಿಕೊಂಡು ಹೆಚ್ಚು ಇಳುವರಿ ಪಡೆಯಬೇಕು. ರೈತರು ಲಭ್ಯವಿರುವ ನೀರನ್ನು ಸಮರ್ಪಕವಾಗಿ ಬಳಸಿಕೊಂಡು ವೈಜ್ಞಾನಿಕವಾಗಿ ಕೃಷಿ ಮಾಡಿದರೆ ಹೆಚ್ಚು ಉತ್ಪಾದನೆ ಮಾಡಬಹುದು. ಆಧುನಿಕ ತಂತ್ರಜ್ಞಾನದ ಪರಿಣಿತಿ ಪಡೆದರೆ, ಪ್ರತಿ ಎಕರೆಗೆ 70 ರಿಂದ 120 ಟನ್‌ವರೆಗೆ ಕಬ್ಬು ಬೆಳೆಯಬಹುದು. ಪ್ರಸ್ತುತ ಎಲ್ಲ ಕ್ಷೇತ್ರಗಳಲ್ಲಿ ಎಐ ತಂತ್ರಜ್ಞಾನ ಬಳಸಲಾಗುತ್ತಿದೆ. ಹೀಗಾಗಿ ನಿರಾಣಿ ಶುಗರ್ಸ್ ಕಂಪನಿಯು ಕೃತಕ ಬುದ್ಧಿಮತ್ತೆಯ ಬಗ್ಗೆ ಕಬ್ಬು ಬೆಳೆಗಾರರಿಗೆ ತರಬೇತಿ ನೀಡುತ್ತಿರುವುದು ಶ್ಲಾಘನೀಯ ಎಂದರು.

ಪಿಎಸ್‌ಎಸ್‌ಕೆ ಕಾರ್ಖಾನೆಯನ್ನು ನಿರಾಣಿ ಶುಗರ್ಸ್ ಗುತ್ತಿಗೆ ಪಡೆಯುವಾಗ ರೈತರಲ್ಲಿ ಪರ-ವಿರೋಧವಿತ್ತು. ರಾಜ್ಯದಲ್ಲಿಯೇ ಹೆಸರು ಮಾಡಿರುವ ಪಿಎಸ್‌ಎಸ್‌ಕೆಯನ್ನು ಹೇಗೆ ನಡೆಸುತ್ತಾರೆ ಎಂಬ ಅನುಮಾನ ರೈತರಲ್ಲಿ ಇತ್ತು. ಆದರೆ, ನಿರಾಣಿ ಶುಗರ್ಸ್‌ನವರು ಕಾರ್ಖಾನೆಯನ್ನು ವಹಿಸಿಕೊಂಡು ಅಚ್ಚುಕಟ್ಟಾಗಿ ನಿರ್ವಹಣೆ ಮಾಡುತ್ತಿರುವುದರಿಂದ ಈ ಭಾಗದ ರೈತರಿಗೆ ಅನುಕೂಲವಾಗಿದೆ ಎಂದರು.

ಮಂಡ್ಯ ಜಂಟಿ ಕೃಷಿ ನಿರ್ದೇಶಕ ಜಿ.ಎಸ್.ಜಯಸ್ವಾಮಿ ಮಾತನಾಡಿ, ರೈತರು ಕಬ್ಬು ಬೆಳೆಯಲು ಹನಿ ನೀರಾವರಿ ಬಳಸಿಕೊಳ್ಳಬೇಕು. ಉತ್ತಮ ಬಿತ್ತನೆ ಬೀಜ ಹಾಗೂ ಸಮರ್ಪಕವಾಗಿ ನೀರು ನಿರ್ವಹಣೆ ಮಾಡಬೇಕು. ಕಬ್ಬು ಬೆಳೆಯಲ್ಲಿ ಇಳುವರಿ ಹೆಚ್ಚಿಸಿಕೊಳ್ಳಬೇಕು. 100 ಟನ್ ಕಬ್ಬು ಬೆಳೆಯುವವರ ಕ್ಲಬ್ ಮಾಡಿಕೊಳ್ಳಬೇಕು. ಈ ಕ್ಲಬ್‌ನ ಬೆಳೆಗಾರರು ಪರಸ್ಪರ ಚರ್ಚೆ, ಸಂವಾದ ನಡೆಸಿಕೊಂಡು ಕಬ್ಬು ಅಭಿವೃದ್ಧಿ ಮಾಡಿ, 100 ರಿಂದ 120ರಷ್ಟು ಟನ್ ಕಬ್ಬು ಬೆಳೆಯುವಂತಾಗಬೇಕು. ಆ ಮೂಲಕ ಕಬ್ಬು ಬೆಳೆಗಾರರಿಗೆ ಮಾದರಿಯಾಗಬೇಕು ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ತಜ್ಞರಿಂದ ಉಪನ್ಯಾಸ ಹಾಗೂ ಕಬ್ಬು ಬೆಳೆಯಲ್ಲಿ ಕೃತ ಬುದ್ಧಿಮತ್ತೆ (ಎಐ) ತಂತ್ರಜ್ಞಾನ ಅನುಷ್ಠಾನ ನೇರ ಪ್ರದರ್ಶನ ಮತ್ತು ಮಾಹಿತಿ ವಿನಿಮಯ ನಡೆಯಿತು. ತಜ್ಞರಾದ ವಿ.ಸಿ.ಫಾರ್ಮ್ ವಿ.ವಿ.ಯ ಡಾ.ಕೆ.ವಿ.ಕೇಶವಯ್ಯ, ಪೂನಾದ ಬೇಸಾಯ ತಜ್ಞರಾದ ಗೌರವ ಬಿಜ್ವೆ, ಕೃಷಿಕೇಶ್ ರಾಥೋಡ್, ನಿರಾಣಿ ಸಕ್ಕರೆ ಸಂಸ್ಥೆಯ ಉಪ ಪ್ರಬಂಧಕ ಡಾ.ಸಂಜಯ್ ಯಲಶೆಟ್ಟಿ ಅವರು ಉಪನ್ಯಾಸ ನೀಡಿದರು.

ನಿರಾಣಿ ಶುಗರ್ಸ್ ಕಂಪನಿಯ ಮುಖ್ಯಸ್ಥ ರಾಜೇಂದ್ರ ಪಟ್ಟಣಶೆಟ್ಟಿ, ಕೃಷಿಕ ಸಮಾಜದ ಅಧ್ಯಕ್ಷ ಕೆ.ಎನ್.ಚಂದ್ರಶೇಖರ್ ಇತರರು ಇದ್ದರು.

ಫೋಟೋ : 18-ಠಿಟಿಠಿ 1