ಸದ್ಯ ನಿಗೂಢತೆ ಸೃಷ್ಟಿಸಿರೋ ಊರಿನ ಹೆಸರು ಮದ್ದೂರು ತಾಲ್ಲೂಕಿನ ಹನುಮಂತಪುರ. ಈ ಗ್ರಾಮದಲ್ಲಿ ಸರಿಸುಮಾರು 350 ಕುಟುಂಬಗಳಿದ್ದು, 1200 ಮಂದಿಯಷ್ಟು ಜನ ವಾಸ ಮಾಡ್ತಿದ್ದಾರೆ. ಎಲ್ಲರು ಸಹ ಒಂದೇ ಒಕ್ಕಲಿಗ ಸಮುದಾಯಕ್ಕೆ ಸೇರಿದವರು. ಒಂದು ಗ್ರಾಮ ಅಂದಮೇಲೆ ಎಲ್ಲ ಸಮುದಾಯದ ಜನರು ಇರಬೇಕು. ಆದರೆ, ಇಲ್ಲಿ ಒಂದೇ ಸಮುದಾಯ ಹೇಗೆ ಎಂಬ ಪ್ರಶ್ನೆ ಉದ್ಭವವಾಗುತ್ತದೆ. ಆದರೆ, ಈ ಗ್ರಾಮದಲ್ಲಿ ಒಕ್ಕಲಿಗರು ಬಿಟ್ಟು ಬೇರೆ ಜನಾಂಗದ ಜನ ಬಂದು ವಾಸ ಮಾಡಲು ಮುಂದಾದ್ರೆ ಅವರಿಗೆ ನಾನಾ ರೀತಿಯ ಸಮಸ್ಯೆಗಳು ಕಾಡುತ್ತಂತೆ. ಅನಾರೋಗ್ಯ, ಆರ್ಥಿಕ ಸಮಸ್ಯೆ ಮತ್ತು ಜಿಗುಪ್ಸೆ ಉಂಟಾಗಿ ಕೇವಲ ಮೂರೇ ದಿನಕ್ಕೆ ಊರು ಖಾಲಿ ಮಾಡಬೇಕಾದ ಪರಿಸ್ಥಿತಿ ಬರುತ್ತಂತೆ. ಈ ಬಗ್ಗೆ ಸ್ವತ: ಕಣ್ಣಾರೆ ನೋಡಿರುವ ಗ್ರಾಮಸ್ಥರು ನಡೆದಿರುವ ಘಟನೆಗಳನ್ನು ಸಹ ವಿವರಿಸಿದ್ದಾರೆ.
