ತಾಲೂಕಿನಲ್ಲಿ ಒಂದು ಪಶು ಆಸ್ಪತ್ರೆ ಸೇರಿ 7 ಉಪ ಕೇಂದ್ರಗಳಿವೆ. ಆದರೆ ಇಡೀ ತಾಲೂಕಿಗೆ ಕೇವಲ ಒಬ್ಬ ವೈದ್ಯರಿದ್ದು, 29 ಸಿಬ್ಬಂದಿ ಅಗತ್ಯವಿದೆ. ಈಗ ಕೇವಲ ನಾಲ್ಕು ಕಾಯಂ ನೌಕರರು ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಪಶು ವೈದ್ಯಾಧಿಕಾರಿ ಡಾ. ಕೊಟ್ರೇಶ ಸಭೆಗೆ ಮಾಹಿತಿ ನೀಡಿದರು. ಜೂನ್ನಲ್ಲಿ 130 ಎಂ.ಎಂ. ಮಳೆಯಾಗಬೇಕಿತ್ತು. ಆದರೆ ಕೇವಲ 30 ಮಿಮೀ ಮಳೆ ಸುರಿದಿದ್ದು, ಬಿತ್ತನೆ ಪ್ರಮಾಣ ಕಡಿಮೆಯಾಗಿದೆ. ಇನ್ನೂ ಮೂರ್ನಾಲ್ಕು ದಿನಗಳಲ್ಲಿ ಮಳೆಯಾಗದಿದ್ದರೆ, ಈಗ ಬೆಳೆದಿರುವ ಪೈರುಗಳು ಒಣಗುತ್ತವೆ ಎಂದು ಕೃಷಿ ಅಧಿಕಾರಿ ಸುನೀಲ್ ಕುಮಾರ್ ತಿಳಿಸಿದರು.ತಾಪಂ ಇಒ ಪರಮೇಶ್ವರಪ್ಪ, ಇಡಿ ವಿಜಯಕುಮಾರ್, ಜೆಸ್ಕಾಂ ಎಇಇ ಪ್ರಕಾಶ ಪತ್ತೇನೂರು, ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿ ಜಗದೀಶ ದಿಂಡೂರು ಇತರರು ಹಾಜರಿದ್ದರು.
