ಇನ್ನು, ಇದೇ ಮೊದಲ ಬಾರಿಗೆ ಭಕ್ತಪ್ರಧಾನ ಚಿತ್ರ ನಿರ್ದೇಶನ ಮಾಡಿರುವ ಸಾಧು ಕೋಕಿಲ, ‘ಶರಣ ಶ್ರೇಷ್ಠರಾದ ಸಿದ್ಧಾರೂಢರ ಜೀವನಾಧಾರಿತ ಚಿತ್ರ ನಿರ್ದೇಶನ ಮಾಡಿದ್ದು ನನ್ನ ಪುಣ್ಯ. ಮಂಟೂರಿನ ನನ್ನ ಗುರುಗಳು ಕರೆದು ಈ ಚಿತ್ರ ಮಾಡಿಕೊಡಬೇಕೆಂದು ಕೇಳಿದರು. ಎಲ್ಲರಿಗೂ ಸಾಧು ಕೋಕಿಲ ಇಂತಹ ಚಿತ್ರ ಮಾಡಿದ್ದಾರಾ? ಎಂದು ಆಶ್ಚರ್ಯವಾಗಬಹುದು. ನನಗೂ ಮೊದಲು ಹಾಗೆಯೇ ಅನಿಸಿತು. ಈ ಚಿತ್ರದಲ್ಲಿ ಸಿದ್ಧಾರೂಢರ ಮಹಿಮೆಗಳನ್ನು ತೋರಿಸಲಾಗಿದೆ. ಮಂಟೂರು, ಹೖದರಾಬಾದ್, ಕಾಶ್ಮೀರ, ಸಕಲೇಶಪುರ ಮುಂತಾದ ಕಡೆ ಚಿತಿ್ರೕಕರಣ ನಡೆಸಲಾಗಿದೆ. ಚಿತ್ರದಲ್ಲಿ ನಾಲ್ಕು ಹಾಡುಗಳಿವೆ. ಈ ಚಿತ್ರ ನಿರ್ದೇಶನಕ್ಕೆ, ನನಗೆ ನನ್ನ ಮಗ ಸುರಾಗ್ ಸಹಾಯ ಮಾಡಿದ್ದಾನೆ. ನ.9ರಂದು ಮಂಟೂರಿನಲ್ಲಿ ಈ ಚಿತ್ರ ಬಿಡುಗಡೆಯಾಗುತ್ತಿದೆ. 55 ನಿವಿಷಗಳ ಅವಧಿಯ ಈ ಚಿತ್ರವು ಒಂದೇ ಚಿತ್ರಮಂದಿರದಲ್ಲಿ ನಿರಂತರವಾಗಿ ಪ್ರದರ್ಶನ ಕಾಣುತ್ತಿರುತ್ತದೆ’ ಎನ್ನುತ್ತಾರೆ ಸಾಧು. ಈ ಚಿತ್ರಕ್ಕೆ ಅವರದ್ದು ಬರೀ ನಿರ್ದೇಶನವಷ್ಟೇ ಅಲ್ಲ, ಸಂಗೀತ ನಿರ್ದೇಶನದ ಜವಾಬ್ದಾರಿಯೂ ಅವರದ್ದೇ. ಮುಧೋಳದ ಮಂಟೂರಿ ಶ್ರೀ ಸದಾನಂದ ಮಹಾಸ್ವಾಮಿಗಳು ಈ ಚಿತ್ರ ನಿರ್ಮಾಣ ಮಾಡಿದ್ದಾರೆ. ತೀರ್ಥೇಶ್, ಅರವಿಂದ್ ಕುಪ್ಳೀಕರ್ ಮುಂತಾದವರು ನಟಿಸಿರುವ ಈ ಚಿತ್ರಕ್ಕೆ ಜೈ ಆನಂದ್ ಅವರ ಛಾಯಾಗ್ರಹಣವಿದೆ.
