ಶಿಡ್ಲಘಟ್ಟ ನಗರದ ಕೇಶವ (37) ಎಂಬುವರೇ ವಂಚನೆಗೊಳಗಾದವರು. ಬಹುಮಾನ ಆಸೆಯಲ್ಲಿ ಅಪರಿಚಿತರ ಮಾತನ್ನು ನಂಬಿ, 1.58 ಲಕ್ಷ ರೂಗಳನ್ನು ಕಳೆದುಕೊಂಡಿದ್ದಾರೆ. ರಾಕ್ಸ್ ಜಾನ್ಸನ್ ಕಂಪನಿಯಿಂದ 10.72 ಲಕ್ಷ ರೂ ಲಾಟರಿ ಹಣ ಗೆದ್ದಿದ್ದೀರಿ. ನಿಮ್ಮ ಬ್ಯಾಂಕ್ ಖಾತೆಗೆ ಈ ಹಣವನ್ನು ಜಮಾ ಮಾಡಲು ತೆರಿಗೆ ಪಾವಿಸಬೇಕು ಎಂಬ ಮಾತನ್ನು ಅಪರಿಚಿತರು ಮೊಬೈಲ್ ಗೆ ಕರೆ ಮಾಡಿ ಹೇಳಿದ್ದಾರೆ. ನಾಲ್ಕೈದು ಹಂತಗಳಲ್ಲಿ 1.58 ಲಕ್ಷ ರೂಗಳನ್ನು ಫೋನ್ ಪೇ ಮೂಲಕ ಹಾಕಿಸಿಕೊಂಡಿದ್ದಾರೆ. ಇಷ್ಟಾದರೂ ಹಣಕ್ಕೆ ಬೇಡಿಕೆಯಿಡುತ್ತಲೇ ಬಂದಿದ್ದಾರೆ. ಕೊನೆಗೆ ಬಹುಮಾನದ ಹಣ ನೀಡಲು ಸತಾಯಿಸಿದ ಹಿನ್ನೆಲೆಯಲ್ಲಿ ಎಚ್ಚೆತ್ತುಕೊಂಡ ಕೇಶವ, ಶಿಡ್ಲಘಟ್ಟ ನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
