ಹತ್ತು ವರ್ಷಗಳ ಹಿಂದಿನಿಂದ ಪರಿಹಾರ ಕಾಣದೆ ಬಾಕಿಯಿದ್ದ ಪ್ರಕರಣಗಳೂ ಇತ್ಯರ್ಥಗೊಂಡಿವೆ. ರಾಜಿಯಲ್ಲಿ ಇತ್ಯರ್ಥಪಡಿಸಲು ಸಾಧ್ಯವಿರುವ ಹಲವಾರು ಪ್ರಕರಣಗಳನ್ನು ಯಾವುದೇ ಶುಲ್ಕ, ಖರ್ಚುವೆಚ್ಚವಿಲ್ಲದೆ ಲೋಕ ಅದಾಲತ್ನಲ್ಲಿ ಸರಿಪಡಿಸಿಕೊಂಡರು. ವ್ಯಾಜ್ಯಪೂರ್ವ ಪ್ರಕರಣಗಳಾದ ಚೆಕ್ ಅಮಾನ್ಯ, ಬ್ಯಾಂಕ್ ವಸೂಲಾತಿ, ಉದ್ಯೋಗ, ಕಾರ್ಮಿಕ, ವೇತನ, ವಿದ್ಯುತ್, ನೀರು, ಮೋಟಾರು ವಾಹನ ಪ್ರಕರಣ, ಕೌಟುಂಬಿಕ ಸಮಸ್ಯೆ, ಪತಿ-ಪತ್ನಿ ಸಮಸ್ಯೆ ಪ್ರಕರಣ, ಜಾಗದ ತಕರಾರು ಸೇರಿದಂತೆ ರಾಜಿಯಲ್ಲಿ ಇತ್ಯರ್ಥ ಪಡಿಸಲು ಸಾಧ್ಯವಿರುವ ಇತರ ಸೇವಾ ಶುಲ್ಕದ ಪ್ರಕರಣಗಳನ್ನು ಇತ್ಯರ್ಥಪಡಿಸಲು ಅವಕಾಶ ನೀಡಲಾಗಿತ್ತು. ಗಂಭೀರ ಸ್ವರೂಪದ ಅಪರಾಧಿಕ ಪ್ರಕರಣಗಳನ್ನು ಹೊರತುಪಡಿಸಿ ಇತರ ಪ್ರಕರಣಗಳನ್ನು ರಾಜಿ ಮಾಡಿಕೊಳ್ಳ ಕಕ್ಷಿದಾರರಿಗೆ ನೇರವಾಗಿ ಅಥವಾ ವಕೀಲರ ಮೂಲಕ ಅದಾಲತ್ನಲ್ಲಿ ಭಾಗವಹಿಸಲು ಅವಕಾಶ ನೀಡಲಾಗಿತ್ತು.
