ಬದಲಾಗಿದೆ ಲಾಕ್​ಡೌನ್​ ಕ್ರಮ, COVID19 ನಿಯಂತ್ರಣ ಕಾರ್ಯತಂತ್ರ

ಬೆಂಗಳೂರು: ಕರೊನಾ COVID19 ವೈರಸ್​ ಸೋಂಕು ತಡೆಗೆ ಸಂಬಂಧಿಸಿ ರಾಜ್ಯದಲ್ಲಿ ಲಾಕ್​ಡೌನ್ ಕ್ರಮ ಮತ್ತು ಸೋಂಕು ನಿಯಂತ್ರಣ ಕಾರ್ಯತಂತ್ರಗಳ ಸುಲಭ ಅನುಷ್ಠಾನಕ್ಕೆ ಬೇಕಾದಂತೆ ಅದರ ವಿವರಣೆಯನ್ನು ಪರಿಷ್ಕರಿಸಿ ರಾಜ್ಯ ಸರ್ಕಾರ ಸುತ್ತೋಲೆಯನ್ನು ಪ್ರಕಟಿಸಿದೆ.

ಇದರ ಪ್ರಕಾರ, ನಿಯಂತ್ರಿತ ವಲಯ (ಕಂಟೇನ್​ಮೆಂಟ್​ ಝೋನ್​) ಎಂದರೆ ನೋವೆಲ್ ಕರೊನಾ ವೈರಸ್ ಪಾಸಿಟಿವ್​ ವ್ಯಕ್ತಿಯ ನಿವಾಸ ಇರುವ ಸುತ್ತಲಿನ 'ಪ್ರದೇಶ' ವಾಗಿರುತ್ತದೆ. ಇಲ್ಲಿ ವೈರಾಣು ಸೋಂಕು ಹರಡದಂತೆ ಅತ್ಯಂತ ತೀವ್ರತರದ ಕ್ರಮಗಳನ್ನು ಅನುಷ್ಠಾನಕ್ಕೆ ತರಬೇಕಾದ ಅಗತ್ಯವಿದೆ. ಈ 'ಪ್ರದೇಶ'ವು ಎಲ್ಲಿಯ ತನಕ ನಿಯಂತ್ರಿತ ವಲಯವಾಗಿ ಇರುತ್ತದೆ ಎಂದರೆ

1) ಹಿಂದಿನ ಬಾರಿ ಪಾಸಿಟಿವ್​ ಪ್ರಕರಣ ವರದಿಯಾದ 28 ದಿನಗಳ ಅವಧಿಯಲ್ಲಿ ಯಾವುದೇ ಹೊಸ ಕೋವಿಡ್​ 19 ಪ್ರಕರಣ ಅಲ್ಲಿ ವರದಿಯಾಗಿರಬಾರದು.

ಅಥವಾ

2) ನಿಯಂತ್ರಿತ ವಲಯದಲ್ಲಿ ಹತ್ತಕ್ಕಿಂತ ಕಡಿಮೆ ಪ್ರಾಥಮಿಕ ಮತ್ತು ದ್ವಿತೀಯ ಸಂಪರ್ಕ ಸಕ್ರಿಯ ಗೃಹ ದಿಗ್ಬಂಧನ(ಹೋಮ್ ಕ್ವಾರಂಟೈನ್​)ದಲ್ಲಿ ಇರಬೇಕು.

ಇಲ್ಲಿ ಪ್ರದೇಶ ಎಂಬ ಪದಕ್ಕೆ ಈ ರೀತಿಯ ವ್ಯಾಖ್ಯಾನವಿದೆ-

1) ಅಪಾರ್ಟ್​ಮೆಂಟ್​ ಸಂಕೀರ್ಣಕ್ಕೆ - ಕೋವಿಡ್​ ಪಾಸಿಟಿವ್​ ವ್ಯಕ್ತಿಯ ನಿವಾಸ ಇರುವ ನಿರ್ದಿಷ್ಟ ಟವರ್​/ಬ್ಲಾಕ್​. ಒಂದು ವೇಳೆ ಒಂದೇ ಬ್ಲಾಕ್​ ಅಪಾರ್ಟ್​ಮೆಂಟ್ ಆಗಿದ್ದರೆ ಆಗ ಇಡೀ ಅಪಾರ್ಟ್​ಮೆಂಟ್​.

2) ಪ್ರತ್ಯೇಕ ಮನೆ/ವಿಲ್ಲಾ: ಕೋವಿಡ್​ ಪಾಸಿಟಿವ್ ವ್ಯಕ್ತಿಯ ಮನೆ ಇರುವ ರಸ್ತೆಯನ್ನು ಒಳಗೊಂಡ/ ಭೌತಿಕ ಪರಿಧಿಯ 100 ಮೀಟರ್ ಸುತ್ತಮುತ್ತಲಿನ ಪ್ರದೇಶ

3) ಕೊಳಚೆ ಪ್ರದೇಶಕ್ಕೆ: ಇದು ಅಧಿಸೂಚಿತವೂ ಆಗಿರಬಹುದು ಅಥವಾ ಅಲ್ಲದೇ ಇರಬಹುದು. ಕೋವಿಡ್ ಪಾಸಿಟಿವ್ ವ್ಯಕ್ತಿಯ ಮನೆ ಇರುವ ರಸ್ತೆಯನ್ನೂ ಒಳಗೊಂಡ/ಭೌತಿಕ 100 ಮೀಟರ್ ಪರಿಧಿಯ ಇಡೀ ಕೊಳೆಗೇರಿ.

4) ಗ್ರಾಮೀಣ ಪ್ರದೇಶಕ್ಕೆ: ಕೋವಿಡ್ ಪಾಸಿಟಿವ್​ ವ್ಯಕ್ತಿ ವಾಸವಾಗಿರುವ ಅಥವಾ ಹರಡಿರುವ ಸಣ್ಣ ಪ್ರದೇಶ- ಅಗತ್ಯಕ್ಕೆ ತಕ್ಕಂತೆ ಇಡೀ ವಾಸದ ಪ್ರದೇಶವನ್ನು ಈ ವ್ಯಾಪ್ತಿಗೆ ತರಬಹುದು.

ಈ ಪ್ರದೇಶಗಳ ರಸ್ತೆ ಅಥವಾ ಇತರೆ ಸ್ವರೂಪಗಳನ್ನು ಗುರುತಿಸಿ 'ಪ್ರದೇಶ ಎಂದು ಗಡಿರೇಖೆಯನ್ನು ಬಿಬಿಎಂಪಿಯ ಆಯುಕ್ತರು/ ಆಯಾ ಜಿಲ್ಲೆಯ ಜಿಲ್ಲಾಧಿಕಾರಿಗಳು ನಿರ್ದಿಷ್ಟ ಪಡಿಸಿದ್ದಾರೆ.

ಬಫರ್​ ಝೋನ್​: ಇದು ನಿಯಂತ್ರಿತ ವಲಯದ ಸುತ್ತ ಇರುವ ನಗರ ಪ್ರದೇಶದ 5 ಕಿ.ಮೀ. ವ್ಯಾಪ್ತಿ ಮತ್ತು ಗ್ರಾಮೀಣ ಪ್ರದೇಶದಲ್ಲಾದರೆ 7 ಕಿ.ಮೀ. ವ್ಯಾಪ್ತಿ. ಕೋವಿಡ್​ 19 ಸೋಂಕು ಹರಡದಂತೆ ತಡೆಯಲು ಬಫರ್ ಝೋನ್​ನಲ್ಲಿ ಸದಾ ಕಣ್ಗಾವಲು ಮತ್ತು ಸಾಮಾಜಿಕ ಅಂತರದ ಕ್ರಮಗಳು ಜಾರಿಯಲ್ಲಿ ಇರಬೇಕು. ಇದರ ಒಂದು ಕಿ.ಮೀ. ವ್ಯಾಪ್ತಿಯಲ್ಲಿ ತೀವ್ರ ಬಫರ್​ ಝೋನ್ ಆಗಿದ್ದು, ಅಲ್ಲಿ ಪ್ರತಿ ಮನೆಗಳ ತಪಾಸಣೆ ನಡೆಯಬೇಕು.

ಒಂದು ಪ್ರದೇಶವನ್ನು ನಿಯಂತ್ರಿತ ವಲು ಎಂದು ಘೋಷಣೆ ಮಾಡಿದ 28 ದಿನಗಳ ಒಳಗೆ ಅಲ್ಲಿ ಯಾವುದೇ ಹೊಸ ಕೋವಿಡ್​ 19 ಪ್ರಕರಣ ವರದಿಯಾಗದೇ ಇದ್ದರೆ ಅಥವಾ ಆ ನಿಯಂತ್ರಿತ ವಲಯದಲ್ಲಿ ಹತ್ತಕ್ಕಿಂತ ಕಡಿಮೆ ಸಂಪರ್ಕ/ ಗೃಹ ದಿಗ್ಬಂಧನ ಸಕ್ರಿಯವಾಗಿದ್ದರೆ ಆಗ ಆ ನಿಯಂತ್ರಿತ ವಲಯವನ್ನು ಸಾಮಾನ್ಯ ವಲಯ ಎಂದು ಬಫರ್ ಝೋನ್​ ಸಾಮಾನ್ಯ ವಲಯ ಎಂದು ಪರಿಗಣಿಸಲಾಗುತ್ತದೆ.

ವಲಯ: ಸಾಂಕ್ರಾಮಿಕ ಶಾಸ್ತ್ರದ ಪ್ರಕಾರ ಸಂಪರ್ಕವನ್ನು ಹೊಂದಿರುವ ಕೋವಿಡ್​ ಪಾಸಿಟಿವ್ ಪ್ರಕರಣಗಳ ಒಟ್ಟು ಗುಂಪು ಅಥವಾ ಸಮುದಾಯವನ್ನು ವಲಯ ಎನ್ನಲಾಗುತ್ತದೆ. ಇಲ್ಲಿನ ಪ್ರಕರಣಗಳು ಒಬ್ಬ ನಿರ್ದಿಷ್ಟ ಕೋವಿಡ್​ -ಪಾಸಿಟಿವ್​ ವ್ಯಕ್ತಿಗೆ ಸಂಬಂಧಿಸಿದ್ದಾಗಿದ್ದು, ಆ ಚಿಕ್ಕ ಪ್ರದೇಶದಲ್ಲಿ ಅಂತಹ ಅನೇಕ ಪ್ರಕರಣಗಳು ಇರುತ್ತವೆ.

https://www.vijayavani.net/un-chief-salutes-countries-like-india-for-helping-others-in-fight-against-covid-19/

https://www.vijayavani.net/parents-of-girl-who-dropped-apple-ordered-to-pay-compensation-for-freak-accident-in-dongguan-china/

https://www.vijayavani.net/us-surpasses-700000-corona-virus-cases/