ಸರ್ವರು ಭಾವೈಕ್ಯದಿಂದ ಹಬ್ಬ ಆಚರಿಸಿ

ಕಂಪ್ಲಿ: ಸರ್ವ ಧರ್ಮಿಯರೂ ಭಾವೈಕ್ಯ, ಸಹಿಷ್ಣುತೆಯಿಂದ ಯುಗಾದಿ, ರಂಜಾನ್ ಹಬ್ಬಗಳನ್ನು ಆಚರಿಸಬೇಕು ಎಂದು ಡಿವೈಎಸ್‌ಪಿ ಪ್ರಸಾದ್ ಗೋಖಲೆ ಹೇಳಿದರು.

ಇದನ್ನೂ ಓದಿ:ದೇವಾಲಯಗಳು ಸಾಂಸ್ಕೃತಿಕ ಕೇಂದ್ರದ ಜತೆ ಭಾವೈಕ್ಯತೆ ಸಂಕೇತ

ನಗರ ಪೊಲೀಸ್ ಠಾಣೆಯಲ್ಲಿ ಯುಗಾದಿ ಹಾಗೂ ರಂಜಾನ್ ಹಬ್ಬಗಳ ನಿಮಿತ್ತ ಬುಧವಾರ ಹಮ್ಮಿಕೊಂಡಿದ್ದ ಶಾಂತಿ ಸಭೆಯಲ್ಲಿ ಮಾತನಾಡಿದರು. ಪಿಐ ಕೆ.ಬಿ.ವಾಸುಕುಮಾರ್ ಮಾತನಾಡಿ, ಪುರಸಭೆಯಿಂದ 14ಲಕ್ಷ ರೂ. ವೆಚ್ಚದಲ್ಲಿ ಆಯಕಟ್ಟಿನ ಸ್ಥಳಗಳಲ್ಲಿ ಸಿಸಿಟಿವಿ ಅಳವಡಿಸಲಾಗುವುದು. ಬಣ್ಣದಾಟದಲ್ಲಿ ಮತ್ತೊಬ್ಬರ ಮನಸ್ಸಿಗೆ ಘಾಸಿಯಾಗದಂತೆ ಮುತುವರ್ಜಿ ವಹಿಸಬೇಕು ಎಂದರು. ಪ್ರಮುಖರು ಮಾತನಾಡಿ, ಯುವಜನತೆ ಮೇಲೆ ನಿಗಾವಹಿಸಿ. ರಂಜಾನ್ ಹಬ್ಬದ ದಿನ ಮದ್ಯದ ಅಂಗಡಿಗಳನ್ನು ಬಂದ್ ಮಾಡಿಸಬೇಕು ಎಂದು ಹೇಳಿದರು.

ಪಿಎಸ್‌ಐ ಅವಿನಾಶ್ ಕಾಂಬ್ಳೆ, ಪುರಸಭೆ ಅಧ್ಯಕ್ಷ ಭಟ್ಟ ಪ್ರಸಾದ್, ಪ್ರಮುಖರಾದ ಎಂ.ಉಸ್ಮಾನ್, ಕರೇಕಲ್ ಮನೋಹರ, ಡಾ.ವೆಂಕಟೇಶ, ಬಿ.ಸಿದ್ದಪ್ಪ, ಕೆ.ಮೆಹಬೂಬ್, ನೇಣ್ಕಿ ಗಿರೀಶ್, ಅಕ್ಕಿಜಿಲಾನ್, ಕೆ.ಷಣ್ಮುಖ, ಎಸ್.ಚಂದ್ರಶೇಖರಗೌಡ, ಎಚ್.ಕುಮಾರಸ್ವಾಮಿ, ಎಚ್.ರಾಜಶೇಖರಗೌಡ, ಜಿ.ಜಿ.ಚಂದ್ರಣ್ಣ ಇತರರಿದ್ದರು.