ಬ್ಯಾಂಡೇಜ್ ಸುತ್ತಿಕೊಂಡು ಪ್ಲೀಸ್​ ಹೆಲ್ಪ್ ಮಿ ಅಂದ್ರು... ಸಹಾಯಕ್ಕೆ ಹೋದ ವಕೀಲ ಕಿಡ್ನ್ಯಾಪ್​! ಮುಂದೇನಾಯ್ತು?

ಬೆಂಗಳೂರು: ಕೈ-ಕಾಲುಗಳಿಗೆ ಬ್ಯಾಂಡೇಜ್ ಸುತ್ತಿಕೊಳ್ತಾರೆ.. ರೋಗಿಗಳಂತೆ ನಟಿಸುತ್ತಾರೆ.. ಅಯ್ಯೋ ಪಾಪ ಅಂತ ಅವರ ಸಹಾಯಕ್ಕೆ ಹೋದ್ರೆ ಕಿಡ್ನ್ಯಾಪ್​ ಆಗ್ತೀರಿ ಜೋಕೆ!

ಹೌದು, ಹೀಗಂತ ಹೇಳೋಕು ಕಾರಣ ಇದೆ. ಬೆಂಗಳೂರಿನ ಬನಶಂಕರಿ ಠಾಣಾ ವ್ಯಾಪ್ತಿಯಲ್ಲಿ ಇತ್ತೀಚೆಗೆ ವಕೀಲರೊಬ್ಬರು ಕಾರಿನಲ್ಲಿ ಮನೆಗೆ ತೆರಳುತ್ತಿದ್ದರು. ಈ ವೇಳೆ ಒಂದು ಗ್ಯಾಂಗ್ ಕಾಲಿಗೆ ಬ್ಯಾಂಡೇಜ್ ಕಟ್ಟಿಕೊಂಡು ಎದುರಿಗೆ ಬಂದಿತ್ತು. 'ಪ್ಲೀಸ್​ ಸರ್.. ಹೆಲ್ಪ್ ಮಾಡಿ..' ಎಂದು ಬೇಡುತ್ತಾ ಕಾರನ್ನು ಅಡ್ಡಗಟ್ಟಿದ್ದರು. ವಕೀಲರು ಪಾಪ ಎನ್ನುತ್ತಾ ಸಹಾಯ ಮಾಡಲೆಂದು ಹೋಗುತ್ತಿದ್ದಂತೆ ಐನಾತಿ ಗ್ಯಾಂಗ್​, ಗನ್ ತೋರಿಸಿ ವಕೀಲರನ್ನ ಕಿಡ್ನ್ಯಾಪ್​ ಮಾಡಿತ್ತು. ಇದನ್ನೂ ಓದಿರಿ ಹಾಡಹಗಲೇ ಕೋರ್ಟ್​ ಆವರಣದಲ್ಲಿ ವಕೀಲನ ಬರ್ಬರ ಕೊಲೆ! ಬೆಚ್ಚಿಬಿದ್ದ ಜನತೆ

ಬೆಂಗಳೂರಿಲ್ಲಿ ವಕೀಲರನ್ನ ಕಿಡ್ನ್ಯಾಪ್​ ಮಾಡಿದ ಗ್ಯಾಂಗ್​, ಮಂಡ್ಯ ಜಿಲ್ಲೆಯ ಮಳವಳ್ಳಿಗೆ ಕರೆದುಕೊಂಡು ಹೋಗಿ ಟಾರ್ಚರ್ ಕೊಟ್ಟಿದೆ. ಲಾಯರ್ ಮೂಲಕ ಕುಟುಂಬಸ್ಥರಿಗೆ ಕರೆ ಮಾಡಿಸಿ 'ಆಕ್ಸಿಡೆಂಟ್ ಆಗಿದೆ, ಅರ್ಜೆಂಟ್​ ಹಣ ಕಳುಹಿಸಿ' ಎಂದು ಹೇಳಿಸಿದ್ದಾರೆ. ಒಟ್ಟು 15,000 ಸಾವಿರ ಹಣ ಹಾಕಿಸಿಕೊಂಡಿದ್ದ ಆರೋಪಿಗಳು, ಮೊಬೈಲ್ ಕಿತ್ತುಕೊಂಡು ಆರೋಪಿಗಳು ಎಸ್ಕೇಪ್ ಆಗಿದ್ದಾರೆ.

ಘಟನೆ ಬಳಿಕ ಬನಶಂಕರಿ ಪೊಲೀಸ್​ ಠಾಣೆಯಲ್ಲಿ ವಕೀಲರು ದೂರು ನೀಡಿದ್ದರು. ತನಿಖೆ ಕೈಗೊಂಡ ಪೊಲೀಸರು ಐವರು ಆರೋಪಿಗಳನ್ನ ಬಂಧಿಸಿದ್ದಾರೆ. ಟಿಪ್ಪು ಸುಲ್ತಾನ್, ಜಾಫರ್, ವಿಶಾಲ್, ದೀಪಕ್ ಮತ್ತು ನವೀನ್ ಬಂಧಿತರು.

https://www.vijayavani.net/ks-bhagawan-meeraraghavendra-advocate-court-hindu/

https://www.vijayavani.net/lawyer-dr-tarihalli-venkatesh-is-no-more/

https://www.vijayavani.net/tollgate-toll-fee-mla-jyothiganesh/