ಆರೋಪಿಗಳು ಇಂಜಿನಿಯರಿಂಗ್, ಬಿ.ಕಾಂ. ವ್ಯಾಸಂಗ ಮಾಡಿದ್ದಾರೆ. ಈ ಹಿಂದೆ ಖಾಸಗಿ ಕಂಪನಿಗಳಲ್ಲಿ ಕೆಲಸ ಮಾಡಿಕೊಂಡಿದ್ದರು. ಶೋಕಿ ಜೀವನ ನಡೆಸಲು, ಖರ್ಚಿಗೆ ಹಣಕ್ಕಾಗಿ ದಂಧೆಗೆ ಇಳಿದಿದ್ದರು. ಸಾಫ್ಟ್ವೇರ್ ಕಂಪನಿಗಳ ಹೆಸರಿನಲ್ಲಿ ನಕಲಿ ದಾಖಲೆಗಳನ್ನು ಸೃಷ್ಟಿಸಿ, ಕಚೇರಿಗಳನ್ನು ತೆರೆಯುತ್ತಿದ್ದರು. ಲ್ಯಾಪ್ಟಾಪ್ಗಳನ್ನು ಬಾಡಿಗೆಗೆ ನೀಡುವ ಕಂಪನಿಗಳನ್ನು ಸೈಫ್ ಪಾಷಾ ಸಂಪರ್ಕಿಸುತ್ತಿದ್ದ. ಕಚೇರಿಯ ಉಪಯೋಗಕ್ಕಾಗಿ ಲ್ಯಾಪ್ಟಾಪ್ಗಳು ಬೇಕಾಗಿವೆ ಎಂದು ಹೇಳಿ ದುಬಾರಿ ಬೆಲೆಯ ಲ್ಯಾಪ್ಟಾಪ್ಗಳನ್ನು ಪಡೆಯುತ್ತಿದ್ದರು. ಬಳಿಕ ಏಕಾಏಕಿಯಾಗಿ ಕಚೇರಿ ಬಂದ್ ಮಾಡಿಕೊಂಡು ನಾಪತ್ತೆಯಾಗುತ್ತಿದ್ದರು. ಬೇರೆ ಕಡೆ ಕಚೇರಿ ತೆರೆದು, ಲ್ಯಾಪ್ಟಾಪ್ ಖರೀದಿಸಲು ಮುಂದಾಗಿರುವ ಗ್ರಾಹಕರ ಮಾಹಿತಿಯನ್ನು ಜಸ್ಟ್ ಡಯಲ್ ಮೂಲಕ ಸಂಗ್ರಹಿಸುತ್ತಿದ್ದರು. ಇವರ ಬಳಿ ಲ್ಯಾಪ್ಟಾಪ್ ಖರೀದಿಸಲು ಮುಂದಾದವರಿಗೆ, ಕಂಪನಿ ನಷ್ಟದಲ್ಲಿರುವುದರಿಂದ ಮುಚ್ಚುತ್ತಿದ್ದೇವೆ. ಹೀಗಾಗಿ, ಕಡಿಮೆ ಬೆಲೆಗೆ ಲ್ಯಾಪ್ಟಾಪ್ ಮಾರುತ್ತಿರುವುದಾಗಿ ಹೇಳಿ ವ್ಯವಹರಿಸುತ್ತಿದ್ದರು. ಇದೇ ರೀತಿ ಏಳು ಕಂಪನಿಗಳಿಗೆ ವಂಚಿಸಿದ್ದಾರೆ.
