ಚಿಕ್ಕಬಳ್ಳಾಪುರ: ಜಿಲ್ಲೆಯಲ್ಲಿ ಮುಂಗಾರು ಪೂರ್ವ ಅವಧಿಯಲ್ಲಿಯೇ ಉತ್ತಮ ಮಳೆಯಾಗುತ್ತಿದ್ದು, ಕೃಷಿ ಚಟುವಟಿಕೆ ಬಿರುಸುಗೊಂಡಿದ್ದು, ಕೂಲಿ ಕಾರ್ಮಿಕರಿಗೆ ಬೇಡಿಕೆ ಹೆಚ್ಚಾಗಿದೆ.
ಹೌದು! ಪ್ರಸ್ತುತ ಮುಂಗಾರು ಕೃಷಿ ಚಟುವಟಿಕೆಯ ಮೊದಲ ಹಂತದ ಜಮೀನುಗಳಲ್ಲಿ ಉಳುಮೆ ಬಿರುಸುಗೊಂಡಿದ್ದು, ದ್ರಾಕ್ಷಿ ಕಟಾವು, ಹೂವು ಕೀಳುವುದು ಸೇರಿ ತೋಟಗಾರಿಕೆ ಕೆಲಸಗಳು ಚುರುಕುಗೊಂಡಿವೆ. ಇದಕ್ಕಾಗಿ ರೈತರು ಕೂಲಿ ಕೆಲಸಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಕಾರ್ಮಿಕರನ್ನು ಕರೆಸಿಕೊಳ್ಳುತ್ತಿದ್ದಾರೆ. ನೆರೆ ರಾಜ್ಯಗಳ ವಲಸಿಗರು, ಕೂಲಿ ಕಾರ್ಮಿಕರು ಪ್ರತಿನಿತ್ಯ ವಿವಿಧೆಡೆ ಬೇಡಿಕೆಯ ಕೆಲಸಗಳಲ್ಲಿ ತೊಡಗಿದ್ದು, ಯಂತ್ರೋಪಕರಣಗಳ ಬಳಕೆಯ ನಡುವೆ ದುಬಾರಿ ಕೂಲಿ, ನಿರ್ವಹಣೆಗೆ ಹೆಚ್ಚಿನ ಜನರ ಅಗತ್ಯ, ಕೂಲಿಕಾರರ ಸತಾಯಿಸುವಿಕೆ ಮತ್ತು ಗೈರು ಸೇರಿ ನಾನಾ ಕಾರಣಗಳು ಮಾಲೀಕರಿಗೆ ತಲೆನೋವು ತರಿಸಿದೆ.
