ರೋಟರಿ ಮಾಜಿ ಅಧ್ಯಕ್ಷ ಭಾನುಪ್ರಕಾಶ್ ಮಾತನಾಡಿ, ಕುವೆಂಪು ಅವರ ಸವಿನೆನಪಿಗಾಗಿ 23ನೇ ನಾಟಕೋತ್ಸವ ನಡೆಯಲಿದೆ, ರಂಗಕಹಳೆ ಸಂಸ್ಥೆ ರಾಜ್ಯ ಮತ್ತು ರಾಷ್ಟ್ರ ಮಟ್ಟದಲ್ಲಿ ನಾಟಕ ಪ್ರದರ್ಶಿಸಿ ಉತ್ತಮ ಸ್ಥಾನದಲ್ಲಿ ನಿಲ್ಲುವಂತಾಗಿದೆ, ಕರ್ನಾಟಕ ಸೇರಿ 13 ಜಿಲ್ಲೆಗಳಲ್ಲಿ ನಾಟಕ ಪ್ರದರ್ಶನಗಳು ನಡೆಯಲಿದೆ. ನಗರದ ರೋಟರಿ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಯೋಗದೊಂದಿಗೆ 18ರಂದು ಸಂಜೆ 6 ಗಂಟೆಗೆ ಬೊಮ್ಮನ ಹಳ್ಳಿಯ ಕಿಂದರಜೋಗಿ ನಾಟಕ, ನಂತರ 7.30ಕ್ಕೆ ಮೋಡಣ್ಣ ತಮ್ಮ, 19ರಂದು ಸಂಜೆ 6 ಗಂಟೆಗೆ ಕುವೆಂಪು ಗೀತೆಗಳಿಗೆ ನೃತ್ಯ ನಮನ, 6.30ಕ್ಕೆ ಬಾಲಕ ಕುವೆಂಪು ಕಿರುಚಿತ್ರ, 6.50ಕ್ಕೆ ಶೂದ್ರ ತಪಸ್ವಿ ನಾಟಕ, 7.50ಕ್ಕೆ ಯಮನ ಸೋಲು ನಾಟಕ ಪ್ರದರ್ಶನ ಇರುತ್ತದೆ ಎಂದರು.
