ಶ್ರೀ ದೇವಳ, ಹೊರಾಂಗಣ, ಶೃಂಗೇರಿ ಮಠ, ಹೊಸೊಳಿಗಮ್ಮನ ಗುಡಿ, ಮುಖ್ಯಪ್ರಾಣ ಗುಡಿ, ಗಣಪತಿ ದೇವಸ್ಥಾನಗಳ ಗೋಡೆಗಳಿಗೆ ಬಣ್ಣ ಹಚ್ಚುವ ಕಾರ್ಯ ಭರದಿಂದ ಸಾಗುತ್ತಿದೆ. ಅದೇ ರೀತಿ ಆದಿ ಸುಬ್ರಹ್ಮಣ್ಯ ರಸ್ತೆಯ ಸ್ವಾಗತ ಕಮಾನು, ಷಣ್ಮುಖ ಪ್ರಸಾದ ಭೋಜನ ಶಾಲೆ, ಕಾಶಿಕಟ್ಟೆ ಮತ್ತು ಇಲ್ಲಿನ ಗಣಪತಿ ಹಾಗೂ ಆಂಜನೇಯ ಗುಡಿಯು ಸುಣ್ಣ-ಬಣ್ಣಗಳಿಂದ ಸಿದ್ಧಗೊಳ್ಳುತ್ತಿದೆ. ಅಲ್ಲದೆ ಕುಮಾರಧಾರಾದ ಸ್ವಾಗತ ಗೋಪುರ, ಬಿಲದ್ವಾರ, ಸವಾರಿ ಮಂಟಪ ಕೂಡಾ ವರ್ಣಾಲಂಕಾರಗೊಳ್ಳುತ್ತಿದೆ. ಕಾಶಿಕಟ್ಟೆ ಸೇರಿದಂತೆ ಕ್ಷೇತ್ರಾದ್ಯಂತ ವಿದ್ಯುದ್ದೀಪಾಲಂಕಾರ ವ್ಯವಸ್ಥೆ ಸಜ್ಜುಗೊಳ್ಳುತ್ತಿದೆ. ಕುಮಾರಧಾರಾ, ರಾಜರಸ್ತೆ, ಆದಿಸುಬ್ರಹ್ಮಣ್ಯ, ನೂಚಿಲ, ಕುಲ್ಕುಂದ ರಸ್ತೆಗಳಲ್ಲಿ ವಿದ್ಯುತ್ ದೀಪ ವ್ಯವಸ್ಥೆ ಅಳವಡಿಸುವ ಕಾರ್ಯ ಸಮಾಪ್ತಿಯಾಗಿದೆ.
