ಈ ಗ್ರಾಮಕ್ಕೆ ಸುಮಾರು 1500 ಸಾವಿರ ವರ್ಷಕ್ಕೂ ಹಿಂದಿನ ಇತಿಹಾಸವಿದ್ದು, ಆಗ ಜೈನರ ಕೇಂದ್ರವಾಗಿತ್ತು ಎನ್ನಲಾಗಿದೆ. ಇದಕ್ಕೆ ಇಂಬು ಕೊಡುವಂತೆ ಶಾಸನ, ವೀರಗಲ್ಲು, ಮಾಸ್ತಿಗಲ್ಲುಗಳೂ ಲಭ್ಯವಾಗಿವೆ. ನಿಂಬೆಯೂರು, ನಿಂಬೂ ಗ್ರಾಮ ಎಂಬ ಹೆಸರಿನಿಂದ ಕರೆಯುಲ್ಪಡುತ್ತಿದ್ದ ಬೇವೂರಿನಲ್ಲಿ ಸದ್ಯ 4.5 ಸಾವಿರಕ್ಕಿಂತ ಹೆಚ್ಚಿನ ಜನರು ವಾಸಿಸುತ್ತಿದ್ದು, ಪ್ರಾಥಮಿಕ ಆರೋಗ್ಯ ಕೇಂದ್ರ, ಪದವಿ ಪೂರ್ವ ಕಾಲೇಜು ಇದ್ದು, ನಿರೀಕ್ಷಿತವಾದ ಅಭಿವೃದ್ಧಿಯಾಗಿಲ್ಲ. ಆದರೂ ಪುರಾತನ ಧಾರ್ಮಿಕ ನೆಲೆಗಟ್ಟಿನಲ್ಲಿ ತನ್ನದೇ ಅತಿಥಿಗಳನ್ನು ಗ್ರಾಮ ಸ್ವಾಗತಿಸುತ್ತಿದೆ ಎನ್ನುತ್ತಾರೆ ಗ್ರಾಮದ ಬಿ.ಸಿ.ಗುರುಕುಮಾರ್, ಕನ್ನಡಪರ ಹೋರಾಟಗಾರ ಬೇವೂರು ಯೋಗೀಶ್, ಜಾನಪದ ಗಾಯಕ ಬೇವೂರು ರಾಮಯ್ಯ.
ಉಡಸಲಮ್ಮ ದೇವಸ್ಥಾನಕ್ಕೆ ಬಾಗಿಲೇ ಇಲ್ಲ !
