ಕ್ಷತ್ರಿಯ ಅಭಿವೃದ್ಧಿ ನಿಗಮ ಸ್ಥಾಪಿಸಿ: ತಹಸೀಲ್ದಾರ್ ಎಚ್. ವಿಶ್ವನಾಥಗೆ ಮನವಿ

ಸಿರಗುಪ್ಪ: ತಾಲೂಕು ಸೋಮವಂಶ ಸಹಸ್ರಾರ್ಜುನ ಕ್ಷತ್ರಿಯ ಸಂಘದ ಪದಾಧಿಕಾರಿಗಳು ಕ್ಷತ್ರಿಯ ಅಭಿವೃದ್ಧಿ ನಿಗಮ ಸ್ಥಾಪಿಸಬೇಕೆಂದು ಒತ್ತಾಯಿಸಿ ತಹಸೀಲ್ದಾರ್ ಎಚ್. ವಿಶ್ವನಾಥಗೆ ಶುಕ್ರವಾರ ಮನವಿ ಸಲ್ಲಿಸಿದರು.

ತಾಲೂಕು ಅಧ್ಯಕ್ಷ ವಿಷ್ಣುಕಾಂತ ಮಾತನಾಡಿ, ರಾಜ್ಯಾದ್ಯಂತ ನಮ್ಮ ಸಮಾಜದ ಜನಸಂಖ್ಯೆಯಲ್ಲಿ ಶೇ. 85% ರಷ್ಟು ಜನ ಕಡು ಬಡವರಾಗಿದ್ದಾರೆ. ಸೋಡಾ, ಕೋಲ್ಡ್‌ರಿಂಗ್ಸ್, ಹೋಟೆಲ್, ವಾಚ್ ರಿಪೇರಿ, ಬೀದಿ ಬದಿ ವ್ಯಾಪಾರ ಮಾಡುವ ಜನರಾಗಿದ್ದು, ಬೆರಳೆಣಿಕೆ ಜನ ಉತ್ತಮ ಸ್ಥಿತಿಯಲ್ಲಿದ್ದಾರೆ.

ಇದನ್ನೂ ಓದಿ: ಕ್ಷತ್ರಿಯರು ನಾಡಿಗೆ ವಿಶಿಷ್ಟ ಕೊಡುಗೆ ನೀಡಿದ್ದಾರೆ; ಶಾಸಕ ರುದ್ರಪ್ಪ ಲಮಾಣಿ

ಆದ್ದರಿಂದ ಸಮಾಜದ ಸರ್ವತೋಮುಖ ಬೆಳವಣಿಗೆಗಾಗಿ ಕ್ಷತ್ರಿಯ ಅಭಿವೃದ್ಧಿ ನಿಗಮ ಸ್ಥಾಪಿಸಬೇಕೆಂದು ಒತ್ತಾಯಿಸಿದರು. ಉಪಾಧ್ಯಕ್ಷ ಮನೋಜ್. ಪದಾಧಿಕಾರಿಗಳಾದ ಮಂಜುನಾಥ, ಗಣಪತಿ ಸಾ, ಸುನೀಲ್ ಕಟ್ವಾ, ಚಂದುಲಾಲ್ ಇದ್ದರು.