ಪುದಿಯೋಕ್ಕಡ-ಬಲ್ಲಚಂಡ ಮಧ್ಯೆ ಜಿದ್ದಾಜಿದ್ದಿನ ಹೋರಾಟ

ಪುದಿಯೋಕ್ಕಡ ಮತ್ತು ಬಲ್ಲಚಂಡ ತಂಡಗಳ ನಡುವೆ ಬಿರುಸಿನ ಹೋರಾಟ ನಡೆಯಿತು. ಪಂದ್ಯದಲ್ಲಿ ಎರಡು ತಂಡಗಳು 1-1ಅಂತರದ ಸಮಬಲದ ಪ್ರದರ್ಶನ ನಡೆಸಿದವು. ಬಳಿಕ ಟೈ ಬ್ರೇಕರ್ ನಲ್ಲಿ ಪುದಿಯೋಕ್ಕಡ ತಂಡ 5 ಗೋಲು ಗಳಿಸಿದರೆ, ಬಲ್ಲಚಂಡ ತಂಡ ಆಟಗಾರರು 6 ಗೋಲು ಹೊಡೆಯುವುದರ ಮೂಲಕ ಜಯ ಸಾಧಿಸಿದರು.

ಅಂಜಪರವಂಡ ಮತ್ತು ಅರಮಣಮಾಡ ತಂಡಗಳ ನಡುವೆಯೂ ಸಮಬಲದ ಹೋರಾಟ ನಡೆಯಿತು. ಪಂದ್ಯದಲ್ಲಿ ಎರಡು ತಂಡಗಳು ಗೋಲು ಗಳಿಸಲಿಲ್ಲ. ಬಳಿಕ ಟೈ ಬ್ರೇಕರ್ ನಲ್ಲಿ ಆರಮಣಮಾಡ 4-2ರಿಂದ ಅಂಜಪರವಂಡ ವಿರುದ್ಧ ಗೆಲುವು ಸಾಧಿಸಿತು. ಮುಕ್ಕಾಟಿರ ಮತ್ತು ಸೋಮೆಯಂಡ ತಂಡಗಳ ನಡುವೆಯೂ ಸಮಬಲದ ಹೋರಾಟ ನಡೆಯಿತು. ಎರಡು ತಂಡಗಳು ತಲಾ ಎರಡು ಗೋಲು ಗಳಿಸಿದವು. ಬಳಿಕ ನಡೆದ ಟೈ ಬ್ರೇಕರ್ ನಲ್ಲಿ ಸೋಮೆಯಂಡ 4-3 ರಿಂದ ಮುಕ್ಕಾಟಿರ ವಿರುದ್ಧ ಗೆಲುವು ಸಾಧಿಸಿತು.

ಉಳಿದಂತೆ ಕೋಳೆರ ಕರೋಟಿರ ವಿರುದ್ಧ 4-1 ರಿಂದ ಕೊಲ್ಲೀರ, ನಂದೇಟಿರ ವಿರುದ್ಧ 2-1ರಿಂದ ನೆಲ್ಲಮಕ್ಕಡ, ಮುಕ್ಕಾಟಿರ ವಿರುದ್ಧ 4-0 ಯಿಂದ ಕುಪ್ಪಂಡ, ಚಂದುರ ವಿರುದ್ಧ 3-0ಯಿಂದ ಚೆಪ್ಪುಡಿರ, ನಾಗಂಡ ವಿರುದ್ಧ 4-0ಯಿಂದ ಕಂಬೀರಂಡ, ಮಣವಟ್ಟಿರ ವಿರುದ್ಧ 2-0 ಯಿಂದ ಮುಕ್ಕಾಟಿರ ಗೆಲುವು ಸಾಧಿಸಿದವು.

23-ಎನ್ ಪಿ ಕೆ-10.

===========================================================