ನಿವೇಶನಕ್ಕೆ ಒತ್ತಾಯಿಸಿ ಮುಂದುವರಿದ ಧರಣಿ

ಮಂಗಳವಾರ ರಾತ್ರಿ ಸುರಿದ ಮಳೆಯಿಂದ ಧರಣಿ ನಿರತರು ಸಂಕಷ್ಟಕ್ಕೆ ಸಿಲುಕಿದರು. ಮಲಗುವ ಜಾಗಕ್ಕೆ ಮಳೆನೀರು ನುಗ್ಗಿದ ಪರಿಣಾಮ ಚಳಿಯಲ್ಲಿ ನಡುಗುವಂತಾಯಿತು. 6ನೇ ದಿನವೂ ಯಾವುದೇ ಅಧಿಕಾರಿಗಳು ಮತ್ತು ಜನಪ್ರತಿನಿಧಿಗಳು ಧರಣಿ ಸ್ಥಳಕ್ಕೆ ಭೇಟಿ ನೀಡಲಿಲ್ಲ. 

 ಬಡ ಕಾರ್ಮಿಕರ ಹೋರಾಟ ಹತ್ತಿಕ್ಕುವ ತಂತ್ರದ ಬಗ್ಗೆ ಸಂಶಯವಿದೆ. ಇದೆಲ್ಲಾ ವಿಷಯವನ್ನು ತಿಳಿದುಕೊಂಡು ಸಿದ್ಧತೆ ಮಾಡಿಕೊಂಡೆ, ಅಹೋರಾತ್ರಿ ಧರಣಿಗೆ ಇಳಿದಿದ್ದೇವೆ. ಬಲಪ್ರಯೋಗ ಮಾಡಿದರೆ, ಶಾಸಕರ ಮನೆ ಮುಂದೆ ಧರಣಿ ಪ್ರಾರಂಭಿಸಲಾಗುವುದು ಎಂದು ಕಾರ್ಮಿಕ ಸಂಘಟನೆಯ ಅಧ್ಯಕ್ಷ ಕೆ.ಮೊಣ್ಣಪ್ಪ ತಿಳಿಸಿದರು.