ಮೇಕೇರಿರ, ಕುಲ್ಲೇಟಿರ ತಂಡಗಳಿಗೆ ಭರ್ಜರಿ ಜಯ

ಮೇಕೇರಿರ ತಂಡವು ಕಾಡ್ಯಮಾಡ ವಿರುದ್ಧ 5-0 ಅಂತರದಿಂದ ಹಾಗೂ ಚೇನಂಡ ವಿರುದ್ಧ ಕುಲ್ಲೇಟಿರ 5-0 ಅಂತರದಿಂದ ಜಯಗಳಿಸಿದವು. ಪರದಂಡ ಮತ್ತು ಐಚೆಟ್ಟಿರ ತಂಡಗಳ ನಡುವೆ ಪ್ರಬಲ ಪೈಪೋಟಿ ಏರ್ಪಟ್ಟಿತ್ತು.

ಪಂದ್ಯದಲ್ಲಿ ಎರಡೂ ತಂಡಗಳು ಒಂದೊಂದು ಗೋಲು ಗಳಿಸಿದವು. ಬಳಿಕ ಗೆಲುವಿಗಾಗಿ ಟೈಬ್ರೇಕರ್ ಮೊರೆ ಹೋಗಬೇಕಾಯಿತು. ಟೈ ಬ್ರೇಕರ್‌ನಲ್ಲಿ ಪರದಂಡ ಐಚೆಟ್ಟಿರ ವಿರುದ್ಧ 5-4 ಅಂತರದಿಂದ ಜಯಗಳಿಸಿತು.

ಇಟ್ಟಿರ ಮತ್ತು ಮೇರಿಯಂಡ ತಂಡಗಳ ನಡುವೆಯೂ ಸಮಬಲದ ಹೋರಾಟ ನಡೆಯಿತು. ಎರಡೂ ತಂಡಗಳು 2-2 ಗೋಲುಗಳಿಸಿದವು. ಬಳಿಕ ಟೈ ಬ್ರೇಕರ್ ನಲ್ಲಿ ಇಟ್ಟಿರ ಮೇರಿಯಂಡ ವಿರುದ್ಧ 2-1ರಿಂದ ಜಯ ಸಾಧಿಸಿತು.

ಉಳಿದಂತೆ ಬೊಳ್ಳೆ ಪಂಡ ವಿರುದ್ಧ ಮಚ್ಚಾರಂಡ 3-2ರಿಂದ, ಕಾಂಡಂಡ ವಿರುದ್ಧ ಪಳಂಗಂಡ 1-0ಯಿಂದ, ಮುರುವಂಡ ವಿರುದ್ಧ ಪೆಮ್ಮಂಡ 1-0ಯಿಂದ, ಕೊಂಗಂಡ ವಿರುದ್ಧ ಚೇಂದೀರ 2-1ರಿಂದ ,ಬೊವ್ವೇರಿಯಂಡ ವಿರುದ್ಧ ಸಣ್ಣುವಂಡ 3-1 ರಿಂದ, ಪಟ್ಟಚೆರವಂಡ ವಿರುದ್ಧ ಮಂಡೆಪಂಡ 4- 0 ಅಂತರದಿಂದ ಜಯಗಳಿಸಿತು.