ಕಾಡಾಣೆ ದಾಂಧಲೆಗೆ ಕಾಂಪೌಂಡ್, ಕಾರಿಗೆ ಹಾನಿ

ಗ್ರಾಮದ ನಾರಾಯಣ ಎಂಬುವರ ಮನೆ ಮುಂಭಾಗದಲ್ಲಿದ್ದ ಶೀಟ್‌ಗಳು, ಶಿವಪ್ರಸಾದ್ ಎಂಬುವರ ಮನೆಯ ಕಾಂಪೌಂಡ್ ಜಖಂಗೊಳಿಸಿದೆ. ಕೆ.ಪಿ.ರಾಜು ಎಂಬುವರ ಪುತ್ರ ಅನೂಪ್ ಅವರಿಗೆ ಸೇರಿದ ಕಾರನ್ನು ಹಾನಿಗೊಳಿಸಿದೆ. ಬೆಳಗ್ಗೆ 3 ಗಂಟೆ ಸುಮಾರಿಗೆ ಗ್ರಾಮದ ಜನವಸತಿ ಪ್ರದೇಶದಲ್ಲಿ ಸಂಚರಿಸಿದ ಕಾಡಾನೆ, ಮನೆಗಳ ಸುತ್ತ ಓಡಾಡುತ್ತಾ ದಾಂಧಲೆ ನಡೆಸಿದೆ. ಇದರಿಂದ ಗ್ರಾಮಸ್ಥರಲ್ಲಿ ಆತಂಕ ನಿರ್ಮಾಣವಾಗಿತ್ತು.

ಮಾಹಿತಿ ತಿಳಿದು ಸ್ಥಳಕ್ಕೆ ಅರಣ್ಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಕೆಲ ದಿನಗಳಿಂದ ಸೂರ್ಲಬ್ಬಿ ಭಾಗದಲ್ಲಿ 5 ಕಾಡಾನೆಗಳು ಸಂಚರಿಸುತ್ತಿದ್ದು, ಅದೇ ಗುಂಪಿನಿಂದ ಬೇರ್ಪಟ್ಟ ಆನೆಯೊಂದು ಗ್ರಾಮಕ್ಕೆ ನುಗ್ಗಿ ದಾಂಧಲೆ ನಡೆಸಿರಬಹುದು ಎನ್ನಲಾಗಿದೆ.