ಮಳೆಗೆ ತುಂಬಿ ಹರಿದ ಕರೆಗಳು

ಶನಿವಾರಸಂತೆ ಹೋಬಳಿ ವ್ಯಾಪ್ತಿಯ ಗೌಡಳ್ಳಿ, ನಿಡ್ತ, ಮಾಲಂಬಿ ಮುಂತಾದ ಕಡೆಗಳಲ್ಲಿ ಉತ್ತಮ ಮಳೆಯಾಗುತ್ತಿದೆ. ಈ ಭಾಗದಲ್ಲಿ ಕೆರೆ ಹಳ್ಳ ತುಂಬಿಕೊಳ್ಳುತ್ತಿದೆ. ನಿಡ್ತ ಗ್ರಾ.ಪಂ.ವ್ಯಾಪ್ತಿಯ ಮುಳ್ಳೂರು ಬಳಿಯ ಇಂಟಿನಾಯಕನ ಕೆರೆ ಭರ್ತಿಯಾಗಿದೆ. ಹೀಗಾಗಿ ಕಾಲುವೆ ಮೂಲಕ ನೀರನ್ನು ಗ್ರಾಮದ ಮತ್ತೊಂದು ಕೆರೆಗೆ ಬಿಡಲಾಗಿದೆ.

ಕೊಡ್ಲಿಪೇಟೆ ಜಿಲ್ಲಾ ಗಡಿ ಭಾಗದ ಹಾಸನ ಜಿಲ್ಲೆಗೆ ಸೇರಿದ ಸಕಲೇಶಪುರ ತಾಲೂಕಿನ ಅಂಚಿನಲ್ಲಿರುವುದರಿಂದ ಕೊಡ್ಲಿಪೇಟೆ ವ್ಯಾಪ್ತಿಯಲ್ಲಿ ಹೆಚ್ಚು ಮಳೆ ಬೀಳುತ್ತಿದೆ. ಪರಿಣಾಮ ಬೆಂಬಳೂರು, ಕ್ಯಾತೆ, ಊರುಗುತ್ತಿ ಮುಂತಾದ ಕಡೆಯಲ್ಲಿ ಹರಿದು ಶಾಂತಪುರ ಬಳಿ ಹೇಮಾವತಿ ನದಿಗೆ ಸೇರಿಕೊಳ್ಳುವ ಕಾಜೂರು ಹೊಳೆ ಕೂಡ ತುಂಬಿ ಹರಿಯುತ್ತಿರುವುದರಿಂದ ರೈತರಲ್ಲಿ ಸಂತಸ ಮನೆ ಮಾಡಿದೆ.