ಸೋಮವಾರಪೇಟೆ ರೋಟರಿ ಕ್ಲಬ್‌ಗೆ ಪ್ರಶಸ್ತಿ

ಮೈಸೂರು ರೋಟರಿ ಕ್ಲಬ್ ವತಿಯಿಂದ ನಾರ್ತ್ ಆವಿನ್ಯೂ ಗ್ರೌಂಡ್‌ನಲ್ಲಿ ಇತ್ತೀಚೆಗೆ ಆಯೋಜಿಸಿದ್ದ ಅನುಬಂಧ ಅವಾರ್ಡ್ ಕಾರ್ಯಕ್ರಮದಲ್ಲಿ ರೋಟರಿ ಅಧ್ಯಕ್ಷೆ ವೀಣಾ ಮನೋಹರ್ ಪ್ರಶಸ್ತಿ ಪಡೆದುಕೊಂಡರು. 2025ರಿಂದ ಹನ್ನೆರಡು ತಿಂಗಳವರೆಗೆ ತಾಲೂಕಿನ ಕೈಗೊಂಡ ಉತ್ತಮ ಜನಪರ ಕೆಲಸಗಳನ್ನು ಗುರುತಿಸಿ ಈ ಅವಾರ್ಡ್ ನೀಡಿದ್ದಾರೆ.

ಜಿಲ್ಲಾ ಪ್ರಾಂತಪಾಲ ರಾಮಕೃಷ್ಣ ಅವರು ಪ್ರಶಸ್ತಿ ವಿತರಿಸಿದರು. ನಿರ್ದೇಶಿತ ಜಿಲ್ಲಾ ಪ್ರಾಂತಪಾಲ ಯಶಸ್ವಿ ಸೋಮಶೇಖರ್, ಮಾಜಿ ಸಹಾಯಕ ಪ್ರಾಂತಪಾಲರಾದ ವಿಕ್ರಂ ದತ್ತ, ಪಿ.ಕೆ.ರವಿ, ಸೋಮವಾರಪೇಟೆ ಕ್ಲಬ್‌ನ ಮುಂದಿನ ಸಾಲಿನ ಅಧ್ಯಕ್ಷ ಬಿ.ಎಸ್.ಸುಂದರ್, ಪದಾಧಿಕಾರಿಗಳಾದ ಎಸ್.ಎಸ್.ಮನೋಹರ್, ಬಿ.ಸಿ.ವೆಂಕಟೇಶ್, ಪಿ.ನಾಗೇಶ್ ಮತ್ತಿತರರು ಇದ್ದರು.