ಕೊಡಗಿನ ಮದೆನಾಡು ಗ್ರಾಮದ ಸುತ್ತಮುತ್ತ ಕಂಪಿಸಿದ ಭೂಮಿ: ಆತಂಕಕ್ಕೆ ಒಳಗಾದ ಗ್ರಾಮಸ್ಥರು! Earthquake

Earthquake : ಕರ್ನಾಟಕದ ಕಾಶ್ಮೀರ ಎಂದೇ ಖ್ಯಾತಿ ಪಡೆದಿರುವ ಪ್ರವಾಸಿಗರ ನೆಚ್ಚಿನ ತಾಣ ಕೊಡಗಿನಲ್ಲಿ ಇಂದು (ಮಾರ್ಚ್​ 12) ಭೂ‌ಕಂಪನದ ಅನುಭವವಾಗಿದೆ.

ಕೊಡಗಿನ ಮಡಿಕೇರಿ ತಾಲೂಕಿನ ಮದೆನಾಡು ಗ್ರಾಮದ ಸುತ್ತಮುತ್ತ ಭೂಮಿ ಕಂಪಿಸಿದೆ. ಮದೆ‌ನಾಡು ಗ್ರಾಮ ಪಂಚಾಯಿತಿಯ ವಾಯವ್ಯ ದಿಕ್ಕಿನಲ್ಲಿ 2.4 ಕಿಮೀ ದೂರದ 5 ಕಿಮೀ ಆಳವನ್ನು ಭೂಕಂಪದ ಕೇಂದ್ರ ಬಿಂದು ಎಂದು ಗುರುತಿಸಲಾಗಿದೆ.

ಇದನ್ನೂ ಓದಿ: ಭಾರತದಲ್ಲಿ ಮೊದಲ ಫೋನ್​ ಕರೆ ಮಾಡಿದ್ದು ಯಾರು? ಆಗ ಪ್ರತಿ ನಿಮಿಷಕ್ಕೆ ಎಷ್ಟು ವೆಚ್ಚವಾಗ್ತಿತ್ತು? ಇಲ್ಲಿದೆ ಅಚ್ಚರಿ ಮಾಹಿತಿ… Mobile

ರಿಕ್ಟರ್ ಮಾಪಕದಲ್ಲಿ ಸುಮಾರು 1.6 ರಷ್ಟು ಪ್ರಮಾಣದಲ್ಲಿ ಭೂಕಂಪನ ದಾಖಲಾಗಿದೆ. ಇಂದು ಬೆಳಗ್ಗೆ 10.49ರ ಸುಮಾರಿಗೆ ಭೂಮಿ ಕಂಪಿಸಿದೆ. ಮಡಿಕೇರಿಯಿಂದ 4 ಕಿಮೀ, 2ನೇ ಮೊಣ್ಣಂಗೇರಿಯಿಂದ 4.5 ಕಿಮೀ, ಹಾರಂಗಿ ಅಣೆಕಟ್ಟೆಯಿಂದ 23.8 ಕಿಮೀ ದೂರದಲ್ಲಿ ಭೂಕಂಪನ ಕೇಂದ್ರೀಕೃತವಾಗಿದೆ.

ಮದೆನಾಡು ಸುತ್ತ-ಮುತ್ತಲಿನ ಪ್ರದೇಶಗಳಲ್ಲಿ ಭೂಮಿ ಕಂಪಿಸಿದ ಅನುಭವದಿಂದ ಗ್ರಾಮಸ್ಥರು ಆತಂಕಕ್ಕೆ ಒಳಗಾಗಿದ್ದಾರೆ. ಇನ್ನು ಭೂ ಕಂಪನದಿಂದ ಯಾವುದೇ ಹಾನಿ ಸಂಭವಿಸಿದ ವರದಿ ಇಲ್ಲ. ಅಂದಹಾಗೆ 2018ರಲ್ಲಿ ಇದೇ ಪ್ರದೇಶದಲ್ಲಿ ಭಾರಿ ಪ್ರಮಾಣದಲ್ಲಿ ಭೂ ಕುಸಿತ ಸಂಭವಿಸಿತ್ತು. ಈ ವೇಳೆ ಸಾಕಷ್ಟು ಸಾವು-ನೋವುಗಳಾಗಿತ್ತು.

https://www.vijayavani.net/darshan-unfollow-whirlwind-sumalatha-ambareesh-clarification-as-mysterious-post-goes-viral

https://www.vijayavani.net/why-did-actor-darshan-unfollow-mother-india-sumalatha-here-is-the-real-reason