ಕೆಐಎಡಿಬಿಗೆ ಹಣ ಕಟ್ಟದ ರನ್ಯಾರಾವ್​

ತುಮಕೂರು: ನಟಿ ರನ್ಯಾರಾವ್​ಗೆ ಶಿರಾ ಕೈಗಾರಿಕಾ ಪ್ರದೇಶದಲ್ಲಿ ಮಂಜೂರಾಗಿರುವ ಭೂಮಿಗೆ ಈವರೆಗೆ ಹಣ ಕಟ್ಟಿಲ್ಲ. ಹಾಗಾಗಿ, ಭೂಮಿ ಹಂಚಿಕೆ ಆಗಿಲ್ಲ.

ಜ.24, 2023ರಲ್ಲಿ ನಡೆದ ರಾಜ್ಯಮಟ್ಟದ "ಏಕ ಗವಾಕ್ಷಿ' ಕ್ಲಿಯರೆನ್ಸ್​ ಕಮಿಟಿ ಸಭೆಯಲ್ಲಿ ರನ್ಯಾರಾವ್​ ನಿರ್ದೇಶಕಿಯಾಗಿರುವ ಕ್ಸಿರೋಡಾ ಕಂಪನಿಗೆ 12 ಎಕರೆ ಜಾಗವನ್ನು ಶಿರಾ ಕೈಗಾರಿಕಾ ಪ್ರದೇಶದಲ್ಲಿ ಮಂಜೂರು ಮಾಡಲಾಗಿತ್ತು. ಆದರೆ, ಈವರೆಗೆ ಹಣ ಕಟ್ಟದೆ ಇರುವುದರಿಂದ ಭೂಮಿ ನೀಡಿಲ್ಲ ಎಂದು ಕೆಐಎಡಿಬಿ ಕಾರ್ಯಪಾಲಕ ಅಭಿಯಂತರ ಟಿ.ಎಸ್​.ಲಕ್ಷ್ಮೀಶ "ವಿಜಯವಾಣಿ'ಗೆ ಸ್ಪಷ್ಟಪಡಿಸಿದ್ದಾರೆ.

138 ಕೋಟಿ ಬಂಡವಾಳ: ಕ್ಸಿರೋಡಾ ಇಂಡಿಯಾ ಪೆವೇಟ್​ ಲಿಮಿಟೆಡ್​ "ಉಕ್ಕು ಉತ್ಪಾದನಾ-ಟಿಎಂಟಿ ಬಾರ್ಸ್​, ರಾಡ್ಸ್​ ಮತ್ತು ಉತ್ಪನ್ನಗಳ' ಕೈಗಾರಿಕೆಯನ್ನು ಸ್ಥಾಪಿಸಲು 13.5 ಎಕರೆ ಭೂಮಿ ಕೋರಿ ಕೆಐಎಡಿಬಿಗೆ ಮನವಿ ಮಾಡಿತ್ತು. 138 ಕೋ.ರೂ., ವೆಚ್ಚದಲ್ಲಿ 160 ಜನಕ್ಕೆ ಉದ್ಯೋಗ ನೀಡುವ ಕಾರ್ಖಾನೆ ಪ್ರಾರಂಭಿಸಲು ಉದ್ದೇಶ ಹೊಂದಿರುವ ಪ್ರಾಜೆಕ್ಟ್​ ಅನ್ನು ಕಂಪನಿ ಸಲ್ಲಿಸಿತ್ತು. ಈ ಹಿನ್ನೆಲೆಯಲ್ಲಿ ಎಸ್​ಎಲ್​ಎಸ್​ಡಬ್ಲೂಸಿಸಿ 12 ಎಕರೆ ಜಾಗವನ್ನು ಮಾಡಿತ್ತು.